ମାଓବାଦୀଙ୍କ ବର୍ବର କାଣ୍ଡ, ଦଶମ ଶ୍ରେଣୀ ଛାତ୍ରଙ୍କୁ ପିଟି ପିଟି ହତ୍ୟା ଅଭିଯୋଗ

ଅର୍ଗସ ବ୍ୟୁରୋ:  ସୀମାରେ ରକ୍ତମୁଖା ଲାଲବାହିନୀ । ମାଲକାନଗିରି ଛତିଶଗଡ଼ ସୀମାରେ ମାଓବାଦୀଙ୍କ ବର୍ବର କାଣ୍ଡ । ଦଶମ ଶ୍ରେଣୀ ଛାତ୍ରଙ୍କୁ ପିଟି ପିଟି ହତ୍ୟା ଅଭିଯୋଗ । ପୋଲିସ ଇନଫର୍ମର ସନ୍ଦେହରେ ସୁକୁମା ଜିଲ୍ଲା ଜାଗରକୋଣ୍ଡା ଥାନା ପୁବର୍ତ୍ତୀ ଗାଁରେ ଏଭଳି ଜଘନ୍ୟ କାଣ୍ଡ ଘଟାଇଛନ୍ତି ମାଓବାଦୀ । ନକ୍ସଲ ମାନେ ଅତି ନିର୍ମମ ଭାବେ ପିଟିପିଟି ତାଙ୍କୁ ହତ୍ୟା କରିଛନ୍ତି ।

ମୃତକ ଛାତ୍ର ସୋୟାମ ଶଙ୍କର । ଗତ 10 ଦିନ ତଳେ ମୃତ ଛାତ୍ରଙ୍କ ବଡ଼ଭାଇ ସୋୟାମ ଦୁର୍ଭାଙ୍କୁ ମଧ୍ୟ ଅତି ନିର୍ମମ ଭାବେ ହତ୍ୟା କରିଥିଲେ ମାଓବାଦୀ । ସୁକୁମା ଏସପି କିରଣ ଚୌହାନ କହିଛନ୍ତି, ମାଓବାଦୀ ମାନେ ପୋଲିସ ଇନଫର୍ମର ସନ୍ଦେହରେ ସେମାନଙ୍କୁ ହତ୍ୟା କରିଛନ୍ତି । ହେଲେ ସେମାନେ ବାସ୍ତବରେ ପୋଲିସ ଇନଫର୍ମର ନଥିଲେ ବରଂ ଗାଁର ସାଧାରଣ ଆଦିବାସୀ ରହିଥିଲେ । ଘଟଣା ପରେ ସଂପୃକ୍ତ ଅଞ୍ଚଳରେ କୁମ୍ବିଂ ଅପରେସନ ଜୋରଦାର କରାଯାଇଛି ।

ଅଧିକ ପଢ଼ନ୍ତୁ ଓଡିଶା ଖବର: