ଆନନ୍ଦପୁର:  ୧୬୧୮ ଲିଟର ମଦ ଜବତ, ୧୩ ମାମଲା ରୁଜୁ ।  ନିର୍ବାଚନ ସମୟରେ ଆଇନଶୃଙ୍ଖଳାକୁ ଦୃଷ୍ଟିରେ ରଖି କେନ୍ଦୁଝର ଏସ୍‌ପିଙ୍କ ନିର୍ଦେଶ କ୍ରମେ ଆନନ୍ଦପୁର ଏସ୍‌ଡିପିଓ ପ୍ରଶାନ୍ତ କୁମାର ବେହେରାଙ୍କ ତତ୍ତ୍ଵାବଧାନରେ ଆନନ୍ଦପୁର ଉପଖଣ୍ଡର ୫ଟି ଥାନା ଅଞ୍ଚଳରେ ଚଢ଼ଉ କରାଯାଇଛି । 

୧୬୧୮ ଲିଟର ମହୁଲିମଦ ଜବତ କରାଯାଇଥିବାବେଳେ ୩୩୦ କୁଇଣ୍ଟାଲ ପୋଚ ନଷ୍ଟ କରାଯାଇଛି । ଆନନ୍ଦପୁର, ଘସିପୁରା, ରାମଚନ୍ଦ୍ରପୁର, ନନ୍ଦିପଦା, ସୋସୋ ଥାନାରେ ୧୩ଟି ମାମଲା ରୁଜୁ କରାଯାଇଛି । ନନ୍ଦପୁର ଥାନା ଅନ୍ତର୍ଗତ ମାଠିଆନେଣ୍ଡି, ହାଟସାହି,ପୁରୁଣାଘାଟି, ଘସିପୁରା ଥାନା ଅନ୍ତର୍ଗତ ମାର୍ଶାପାଳ, ଓସ୍ତପୁରା, ସୋସୋ ଥାନା ଅନ୍ତର୍ଗତ ଡଙ୍ଗାଚୁଆ, ମଧୁବନ, ଅନ୍ଧାରୀ, ନନ୍ଦିପଦା ଥାନା ଅଁରାଛକ, ଆଇତିପୁର ଛକ, ରାମଚନ୍ଦ୍ରପୁର ଥାନା ରୁଦ୍ରନାରାୟଣପୁରରେ ଚଢ଼ଉ କରାଯାଇଥିଲା । 

ଚଢ଼ଉ ସମ୍ପର୍କରେ ଖବର ପାଇ ମଦ ମାଫିଆମାନେ ଖସି ପଳାଇଥିବା ସୂଚନା ମିଳିଛି । ଚଢ଼ାଉରେ ବିଭିନ୍ନ ଥାନାର ଅଧିକାରୀ ସାମିଲ ହୋଇଥିଲେ ।

ଆହୁରି ପଢନ୍ତୁ ଓଡିଶା ଖବର...