ଅର୍ଗସ ବ୍ୟୁରୋ : ବିଜେଡି ସରକାରରେ ଝୋଟ ବ୍ୟାଗ୍ ବଣ୍ଟନରେ ଖର୍ଚ୍ଚ  ହୋଇଥିଲା ପାଣି ପରି ଟଙ୍କା...ମୋଦିଙ୍କ ଚାଉଳରେ ନିଜ ବ୍ରାଣ୍ଡ ଲଗାଇ ପ୍ରଚାର କରିବାକୁ ଝୋଟ ବ୍ୟାଗକୁ ଆୟୁଧ କରିଥିଲେ ନବୀନ ସରକାର। ବିଧାନସଭାରେ ଖାଦ୍ୟ ଯୋଗାଣ ମନ୍ତ୍ରୀଙ୍କ ଉତ୍ତର ଉପରେ ନଜର ପକାନ୍ତୁ ।  ପ୍ରତି ପରିବାରକୁ  2 ଝୋଟ ବ୍ୟାଗ ସହ 1000 ଟଙ୍କା ଦେଇଥିଲେ ସରକାର । କେବଳ ଝୋଟ ବ୍ୟାଗ ପାଇଁ  ରାଜକୋଷରୁ ଖର୍ଚ୍ଚ ହୋଇଥିଲା  247 କୋଟି 36 ଲକ୍ଷ 64 ହଜାର ଟଙ୍କା ।  ଏବେ ପୂର୍ବ ସରକାରର ଏ ଅପବ୍ୟୟକୁ ଧରିଛନ୍ତି ମୋହନ ସରକାର... ଖାଦ୍ୟ ଯୋଗାଣ ମନ୍ତ୍ରୀ କହିଛନ୍ତି  ଝୋଟ ବ୍ୟାଗ ପାଇଁ କିଏ  ଓ କାହିଁକି ଅର୍ଡର ଦେଇଥିଲା  ଉଦ୍ଦେଶ୍ୟ କଣ ଥିଲା ତାର ତଦନ୍ତ ହେବ । ଝୋଟ ବ୍ୟାଗ ବଣ୍ଟନରେ ବଡ ଗୋଳମାଳ ହୋଇଛି  ବୋଲି କହିଛନ୍ତି ମନ୍ତ୍ରୀ । ତେବେ ବିଜେଡି କହିଛି ସରକାର ଯେଉଁ କାମ କରନ୍ତି ଶାସକ ଦଳର ପ୍ରଚାର ହୁଏ

ଅଧିକ ପଢନ୍ତୁ : ପ୍ରଚାର ପାଇଁ ଝୋଟ ବ୍ୟାଗ୍ ବାଣ୍ଟି 247 କୋଟି ଉଡ଼ାଇ ଦେଇଥିଲେ ବିଜେଡ଼ି ସରକାର

କେନ୍ଦ୍ର ଚାଉଳରେ ନିଜ ନାଁ ଛାପି କେବଳ ବ୍ୟାଗ ଦେଇ ନାଁ ନେବାର ବ୍ୟାକୁଳତା ଭିତରେ ରାଜ୍ୟ ବ୍ୟାପୀ ଦେଖାଦେଇଥିଲା ଜନ ଆକ୍ରୋଶ ।  ଗାଁ ଗାଁରେ ମାଗଣା ବ୍ୟାଗକୁ ପ୍ରତ୍ୟାଖାନ କରିଥିଲେ ସାଧାରଣ ଲୋକେ.. ବ୍ୟାଗ ପୋଡି ପ୍ରତିବାଦ କରିଥିଲା ବିଜେପି । କେନ୍ଦ୍ର ଚାଉଳରେ ବିଜେଡି ବ୍ରାଣ୍ଡିକୁ ନେଇ ତେଜିଥିଲା ଅସନ୍ତୋଷ
ଝୋଟ ବ୍ୟାଗ ସହ  ପ୍ରତିପରିବାରକୁ 1 ହଜାର ଟଙ୍କା ଲେଖାଁଏ ବି ଦେଇଥିଲେ ସରକାର ।ଏଥିପାଇଁ ଖର୍ଚ୍ଚ ହୋଇଥିଲା 959 କୋଟି 5 ଲକ୍ଷ ଟଙ୍କା। ଜାତୀୟ ଖାଦ୍ୟ ସୁରକ୍ଷାରେ ଓଡିଶାର 3 କୋଟି 26 ଲକ୍ଷ ଲୋକଙ୍କୁ ମିଳୁଛି ମାଗଣା ଚାଉଳ । ରାଜ୍ୟ ଖାଦ୍ୟ ସୁରକ୍ଷାରେ ମିଳୁଥିଲା ମାତ୍ର 9 ଲକ୍ଷ ଲୋକଙ୍କୁ ଚାଉଳ।  ହେଲେ  ମୋଦିଙ୍କ ଚାଉଳରେ  ଶଙ୍ଖ ବ୍ରାଣ୍ଡ ଲଗାଇ  ନବୀନ- ପାଣ୍ଡିଆନ ଜୋଡ଼ିଙ୍କ ଶ୍ରେୟ ନେବାର ବ୍ୟାକୁଳତାକୁ ପ୍ରତ୍ୟାଖାନ କରିଥିଲେ ଓଡିଆ ଲୋକ । ଯେଉଁଥିପାଇଁ  ଲୋକେ କହିଲେ ଝୋଟ ବ୍ୟାଗର ନିଆଁରେ ପୋଡି ହୋଇଗଲା ବିଜେଡି ସରକାରର ଗର୍ବ ଓ ଅହଙ୍କାର ।