ଅର୍ଗସ ବ୍ୟୁରୋ : ସୁରକ୍ଷା ବାହିନୀଙ୍କୁ ବଡ ସଫଳତା। ୧୨୫ ଘଣ୍ଟାର ଅପରେସନ ପରେ ସୁରକ୍ଷା ବାହିନୀଙ୍କୁ ମିଳିଛି ସଫଳତା । ଛତିଶଗଡ ନାରାୟଣପୁର ଜିଲ୍ଲାରେ ପୋଲିସ ଓ ନକ୍ସଲ ମଧ୍ୟରେ ଗୁଳି ବିନିମୟ । ତିନି ଜଣ ହାଡକୋର ମାଓବାଦୀ ପ୍ରାଣ ହରାଇଥିବା ବେଳେ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ ହୋଇଛି । ମୃତ ମାଓବାଦୀଙ୍କ ମଧ୍ୟରେ ରହିଛନ୍ତି ଦଣ୍ଡକାରଣ୍ୟ ସ୍ପେଶାଲ ଜୋନାଲ କମିଟିର ୨୫ ଲକ୍ଷ ଟଙ୍କାର ଇନାମି ମାଓ ନେତା ରୂପେଶ ୧୬ ଲକ୍ଷ ଟଙ୍କାର ଇନାମି ମାଓବାଦୀ ଜଗଦୀଶ ଓ ୮ ଲକ୍ଷ ଟଙ୍କାର ଇନାମି ମାଓବାଦ ସଳିତା ।

ଅଧିକ ପଢନ୍ତୁ : ମାଓବାଦୀଙ୍କ ବଡ଼ ଯୋଜନାକୁ ପଣ୍ଡ କଲେ ସୁରକ୍ଷା ବାହିନୀ

ଅବୁଜମାଡ ଜଙ୍ଗଲରେ ୧୨୫ ଘଣ୍ଟା ଧରି ସୁରକ୍ଷା କର୍ମୀ ଓ ମାଓବାଦୀଙ୍କ ମଧ୍ୟରେ ଚାଲିଥିଲା ଗୁଳି ବିନିମୟ । ଅପରେସନରେ ସାମିଲ୍ ହୋଇଥିଲେ ଏସଟିଏଫ ଡିଆରଜି ଓ ସିଆରପିଏଫ ବାହିନୀ । ଘଟଣା ସ୍ଥଳରୁ ଗୋଟିଏ AK47 ବନ୍ଧୁ‌ ଗୋଟିଏ ଇନସାସ ଦୁଇଟି SLR,  ଦୁଇଟି କାର୍ବାଇନ ଓ ୫ ଟି ଦେଶି ବନ୍ଧୁକ ଜବତ କରିଛନ୍ତି ସୁରକ୍ଷା କର୍ମୀ । ଘଟଣାରେ ଆହୁରି ଅନେକ ମାଓବାଦୀ ଆହତ ହୋଇଥିବା ସୁଚନା ଦେଇଛନ୍ତି ନାରାୟଣପୁର ଏସପି ।