ଫେବୃଆରୀ ୧ରୁ ଏବେ ସୁଦ୍ଧା ଘୋଷଣା ହେଲାଣି ୩୬ଟି ଯୋଜନା

ଅର୍ଗସ ବ୍ୟୁରୋ: ଖୁବଶୀଘ୍ର ଘୋଷଣା ହୋଇପାରେ ୨୦୨୪ ସାଧାରଣ ନିର୍ବାଚନ ତାରିଖ । କିନ୍ତୁ ତା ପୂର୍ବରୁ ଓଡିଶାରେ ପ୍ରତିଦିନ ଚାଲିଛି ସରକାରଙ୍କ ସାହାଣ ମେଲା ଅଫର୍ । ନୂଆ ନୂଆ ଘୋଷଣା କରି କୋଟି କୋଟି ଟଙ୍କା ବର୍ଷା କରୁଛନ୍ତି ରାଜ୍ୟ ସରକାର । ଫେବୃଆରୀ ୧ରୁ ଏବେ ସୁଦ୍ଧା ଘୋଷଣା ହେଲାଣି ୩୬ଟି ଯୋଜନା । ତେବେ ନଜର ପକାନ୍ତୁ ମୁଖ୍ୟମନ୍ତ୍ରୀଙ୍କ କିଛି ବଡ ବଡ ଘୋଷଣା ଉପରେ । 

ଫେବୃଆରୀ ୧୦...୫୦୦ ଟଙ୍କା ଲେଖାଏଁ ବାର୍ଦ୍ଧକ୍ୟ ଭତ୍ତା ବିଢିଲା । ରାଜ୍ୟ ସରକାର ଖର୍ଚ୍ଚ କରିବେ ୩ ହଜାର ୬୮୩ କୋଟି ଟଙ୍କା

ଫେବୃଆରୀ ୧୨...୯୫ ଲକ୍ଷ ୯୦ ହଜାର ପରିବାରଙ୍କୁ ରାସନ ହିତାଧିକାରୀଙ୍କୁ ୧ ହଜାର ଟଙ୍କା ଲେଖାଏଁ ସହାୟତା । ରାଜ୍ୟ ସରକାର ଖର୍ଚ୍ଚ କରିବେ ୧୨୩୭.୭୪ କୋଟି ଟଙ୍କା

ମାର୍ଚ୍ଚ ୧୧...କାଳିଆ ଯୋଜନାରେ ୪୬ ଲକ୍ଷ ଚାଷୀଙ୍କୁ ୯୩୩ କୋଟି ଟଙ୍କାର ସହାୟତା ।

୩ ବର୍ଷ ବଢିଲା କାଳିଆ ଯୋଜନା ଅବିଧି । ସରକାର ଖର୍ଚ୍ଚ କରିବେ ୬ ହଜାର ୩୦ କୋଟି ଟଙ୍କା । ଏ ତ କିଛି ଉଦାହରଣ ମାତ୍ର । ଆହୁରି ଅନେକ ଏମିତି ଘୋଷଣା ହୋଇଛି । ଯେଉଁଥି ପାଇଁ ହୋଇ ନାହିଁ ବ୍ୟୟ ବରାଦ ।

ଏଇ ଯେମିତି ଆଉଟ ସୋର୍ସିଂ  କର୍ମଚାରୀଙ୍କ ବଢିଲା ହେଲେ ବଜେଟ ନାହିଁ
ନିର୍ମାଣ ଶ୍ରମିକଙ୍କ ପେନସନ ବଢିଲା ହେଲେ ବ୍ୟୟ ଅଟକଳ ନାହିଁ
ମମତା ରାଶି ଦୁଇଗୁଣ ହେଲା ହେଲେ କେତେ ଖର୍ଚ୍ଚ ହେବ ହିସାବ ନାହିଁ
କଳାକାର ଓ ବୁଣାକାରଙ୍କ ଭତ୍ତା ସହାୟତା ବଢିଲା ହେଲେ ଖର୍ଚ୍ଚ ହିସାବ ନାହିଁ
କୃଷକ ସାଥିଙ୍କ ପାଉଣା ବଢିଲା ହେଲେ ଖର୍ଚ୍ଚ ହିସାବ ନାହିଁ
 

ତେଣୁ ନିର୍ବାଚନ ପରେ ଲୋଭନୀୟ ଘୋଷଣାର କାର୍ଯ୍ୟକାରିତାକୁ ନେଇ ଉଠିଲା ପ୍ରଶ୍ନ ।  ବିରୋଧୀଙ୍କ ଅଭିଯୋଗ ଭୋଟ ପାଇଁ ଚାଲିଛି ସବୁ ନାଟ ।

ସେହିପରି ୫୭ଟି ନୂଆ ଏନଏସି ଏବଂ ୬ଟି ନୂଆ ମ୍ୟୁନିସିପାଲିଟି ମଧ୍ୟ ଘୋଷଣା କରିଛନ୍ତି ରାଜ୍ୟ ସରକାର । ଘୋଷଣା ହେଉଛି ନୂଆ ଏନଏସି ହେଲେ ପୁରୁଣା ଏନଏସିର ୱାର୍ଡ କୋର୍ଡିନେଟର ମାନେ ୧୫ ମାସ ହେବା ଦରମା ମିଳିନଥିବାରୁ ନବୀନ ନିବାସ ଆଗରେ କଲେ ପ୍ରତିବାଦ । ହେଲେ ଏନଏସି ଘେଷଣା ପରି ଅନେକ ଯୋଜନା ବାସ୍ତବ ରୂପ ନେଇ ରହିଛି ପ୍ରତିବନ୍ଧକ । ପୂର୍ବରୁ ରାଜ୍ୟ ନୂଆ ଏନଏସି, ମ୍ୟୁନିସିପାଲିଟି କିମ୍ବା ମହାନଗର ନିଗମ ଗଠନ ପରେ ସରକାରଙ୍କ ଘୋଷଣା ଆଇନ ଜାଲରେ ଛନ୍ଦି ହେବାର ନଜିର ରହିଛି ।  ରାଉରକେଲା, ସମ୍ବଲପୁର  ମହାନଗର ନିଗମ ଘୋଷଣା ହୋଇଥିଲେ ବି ଆଇନଗତ ଜାଲରେ ଫସି ନିର୍ବାଚନ ହୋଇନି । 

ଗଣ୍ଡା ଗଣ୍ଡା ଘୋଷଣା ଓ ଯୋଜନା ଆରମ୍ଭ ହେଉଛି । କିନ୍ତୁ ସେଗୁଡିକ ନିର୍ବାଚନ ପରେ ଜାରି ରହିବ ତ । ନା ବଜେଟ ନାହିଁ କହି ସରକାର ପୂର୍ବ ନିର୍ବାଚନ ଭଳି କିଛି ଯୋଜନାରେ ତାଲା ପକାଇବେ ।   2019 ପୂର୍ବରୁ ଆରମ୍ଭ ହୋଇଥିବା ବିଜୁ ଯୁବବାହୀନୀ ବନ୍ଦ ହୋଇଥିବା ବେଳେ ବିଜୁ ଗାଁ ଗାଡି ଅଧାରେ ଝୁଣ୍ଟିଛି.. କାଳିଆ ସହାୟତା ରାଶି 10 ହଜାରକୁ କମି 4 ହଜାରକୁ ଆସିଛି...ଆମ ଗାଁ ଆମ ବିକାଶ ପିଠା ବନ୍ଦ ହୋଇଯାଇଛି । 

ଆହୁରି ପଢନ୍ତୁ ରାଜନୀତି ଖବର...