ସଙ୍କୀର୍ତ୍ତନ ଭୋଜି ଖାଇ ଝାଡ଼ାବାନ୍ତିରେ ୪୬ ଜଣ ଆକ୍ରାନ୍ତ । ମୟୂରଭଞ୍ଜ ଜିଲ୍ଲା ସାରସକଣା ବ୍ଲକ କାଶୀପାଳ ଗାଁରେ ଝାଡ଼ାବାନ୍ତି ଆତଙ୍କ । ୧୩ ଜଣ ମେଡିକାଲରେ ଭର୍ତ୍ତି । ତେବେ ଗୁରୁବାର ସଂଧ୍ୟାରେ ସଙ୍କୀର୍ତ୍ତନ ପରେ ଭୋଜି ଖାଇଥିଲେ ଗ୍ରାମବାସୀ । ଗତକାଲି ୧୨ ଜଣ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହୋଇଥିବା ବେଳେ ଆଜି ସକାଳୁ ଆଉ ଜଣେ ଗୁରୁତର ହୋଇ ଶିର୍ଶା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଛନ୍ତି । ଗାଁରେ ଡ଼ାକ୍ତରୀ ଟିମ୍ ପହଁଞ୍ଚି ଚିକିତ୍ସା ଆରମ୍ଭ କରିଥିବା ବେଳେ ଆଜି ଘଟଣାସ୍ଥଳକୁ ଯିବ ଜିଲ୍ଲା ମୁଖ୍ୟ ଚିକିତ୍ସାଳୟର ସ୍ଵତନ୍ତ୍ର ଟିମ୍ । ଏତେ ଲୋକ ଆକ୍ରାନ୍ତ ହୋଇଥିବାବେଳେ ତଦନ୍ତ ଜୋରସୋରରେ ଚାଲିଛି। ଭୋଜି ଖାଇବାରେ କିଛି ମିଶିଯାଇଥିଲା ବୋଲି ଅଭିଯୋଗ ହେଉଛି।