କେନ୍ଦ୍ରାପଡା:  ରାଜସୁନାଖଳା ଟାଙ୍ଗୀ ସାହିର ଏକ ୧୧ ବର୍ଷର ବାଳକ ପୋଖରୀରେ ବୁଡି  ମୃତ୍ୟୁ  ହୋଇଥିବା ଜଣାପଡିଛି ।  ଶନିବାର ବିଦ୍ୟାଳୟ ଛୁଟି ପରେ  ଜୟକୃଷ୍ଣ ବେହେରାଙ୍କର ପୁଅ ସତ୍ୟଜିତ ବେହେରା ସପ୍ତମ ଶ୍ରେଣୀରେ ପଢୁଥିଲେ । ସେ  ସ୍କୁଲରୁ ଆସିବା ପରେ  ସାଙ୍ଗମାନଙ୍କ ସହିତ ରାଜସୁନାଖଳା ବଜାର ନିକଟରେ ଥିବା ପତନୀ ପୋଖରୀରେ  ଗାଧୋଉ ଥିବା ବେଳେ ସତ୍ୟଜିତଙ୍କ ଅଜାଣତରେ ଗୋଡ ଖସିଯାଇ ପୋଖରୀରେ  ବୁଡିଯାଇଥିଲେ ।

ତୁରନ୍ତ  ସାଙ୍ଗମାନେ ପରିବାର ଓ ଗ୍ରାମବାସୀମାଙ୍କୁ ଜଣାଇଥିଲେ I ଘଟଣାସ୍ଥଳରେ ପରିବାର ଲୋକେ ଓ ଗ୍ରାମବାସୀ ମାନେ ପହଂଚି ପାଣିଭରି ରହିଥିବା  ଉକ୍ତ ପୋଖରୀ ରେ ବୁଡି ଉଦ୍ଧାର କଲାବେଳକୁ ସତ୍ୟଜିତଙ୍କ ଚେତା ହରାଇଥିଲେ I ତୁରନ୍ତ  ଗ୍ରାମବାସୀ ସୁନାଖଳା ସ୍ଵାସ୍ଥ୍ୟକେନ୍ଦ୍ରକୁ ନେଇଥିଲେ I ହେଲେ ସତ୍ୟଜିତ ଙ୍କ ମୃତ୍ୟୁ ହୋଇଯାଇଥିବା ଡାକ୍ତର ଘୋଷଣା କରିଥିଲେ ।   

ଅଧିକ ପଢନ୍ତୁ ଓଡ଼ିଶା ଖବର