ଅର୍ଗସ ବ୍ୟୁରୋ: ସର୍ଟ ସର୍କିଟ ଯୋଗୁଁ ଅଗ୍ନିକାଣ୍ଡ ଘଟି ଜଳିଗଲା ୩ ବଖରା ଘର ସହ ଲକ୍ଷାଧିକ ଟଙ୍କାର ଆସବାବପତ୍ର l ବନ୍ତ ତହସିଲ ସେଣ୍ଢତିରା ପଞ୍ଚାୟତ ବରପଦା ୧୨ନମ୍ବର ୱାର୍ଡ଼ର ଅଲେଖ ଜେନାଙ୍କ ଘରେ ସର୍ଟସର୍କିଟ ଯୋଗୁଁ ଅଗ୍ନିକାଣ୍ଡ ଘଟି ତିନି ବଖରା ଘର ସମ୍ପୂର୍ଣ ଜଳି ପୋଡ଼ି ପାଉଁଶ ହୋଇଯାଇଛି l ତେବେ ଅଗ୍ନିକାଣ୍ଡ ଦେଖି ଗ୍ରାମବାସୀ ମାନେ ନିଆଁକୁ ଆୟତ୍ତ କରିବା ପାଇଁ ଉଦ୍ୟମ ଜାରି ରଖିବା ସହ ଅଗ୍ନିଶମ ବାହିନୀକୁ ଖବର ଦେଇଥିଲେ ।

ମାତ୍ର ଦମକଳ ଆସି ପହଁଚିବା ବେଳକୁ ନିଆଁ ଲାଗି ତିନି ବଖରା ଘର ଓ ସମସ୍ତ ଆସବାବପତ୍ର ଜଳିପୋଡି ପାଉଁଶ ହୋଇଯାଇଥିବା ଜଣାପଡ଼ିଛି l ଅଗ୍ନିକାଣ୍ଡରେ ଅଲେଖଙ୍କ ସମସ୍ତ ଆସବାବପତ୍ର ନଷ୍ଟ ହୋଇ ଯାଇଥିବା ବେଳେ ଅଲେଖଙ୍କୁ ତୁରନ୍ତ ସରକାରୀ ସହାୟତା ଯୋଗାଇ ଦେବାକୁ ଦାବୀ ହୋଇଛି।

ଅଧିକ ପଢ଼ନ୍ତୁ ଓଡିଶା ଖବର: