ଅର୍ଗସ ବ୍ୟୁରୋ: ଲାଲ ବାହିନୀଙ୍କୁ ଦମନ କରିବାକୁ ସ୍ବତନ୍ତ୍ର ରଣନୀତି । ମୁକ୍ତ ଓ ଅବାଧ ନିର୍ବାଚନ ପାଇଁ ଡିଜି କ୍ୟାମ୍ପ ଅଫିସ ରେ ବସିଥିଲା ଗୁରୁତ୍ବପୂର୍ଣ୍ଣ ବୈଠକ । ପୋଲିସ ଡିଜିଙ୍କ ସହ ଗୁଇନ୍ଦା ନିର୍ଦ୍ଦେଶକ ସୌମେନ୍ଦ୍ର ପ୍ରିୟଦର୍ଶୀ , ADG ଅପରେସନ୍‌, ଆଇନଶୃଙ୍ଖଳା ADG ପ୍ରମୁଖ ଉପସ୍ଥିତି ଥିଲେ। ନକ୍ସଲ ଙ୍କୁ କିପରି ଦମନ କରାଯିବ ଓ ମାଓ ଗତିବିଧି ଅଧିକ ଥିବା ଜିଲ୍ଲରେ କିପରି ଭୋଟିଂ କରାଯିବ ସେ ନେଇ ଆଲୋଚନା ହୋଇଛି ।

ସେପଟେ ବରଗଡ ପାଇକମାଳ ଗନ୍ଧମାର୍ଦ୍ଦନ ପାହାଡରେ ଚାଲିଛି ପୋଲିସ ମାଓବାଦୀ ଗୁଳି ବିନିମୟ । ଦୁଇ ଦିନ ହେଲା ଏସଓଜି ଜବାନଙ୍କ ଦ୍ବାରା କୁମ୍ବିଂ ଅପରେଶନ ଚାଲୁଥିବା ବେଳେ କ୍ୟାମ୍ପ ଛାଡି ଛତ୍ରଭଙ୍ଗ ଦେଇଛନ୍ତି ମାଓବାଦୀ । ସର୍ଚ୍ଚ ଅପରେସନ ବେଳେ ମାଓ କ୍ୟାମ୍ପରୁ ବ୍ୟାଟେରୀ, ଚାର୍ଜର, ଡିଟୋନେଟର, ବିସ୍ପୋରକ, ରେଡ଼ିଓ , ମେଡ଼ିସିନ ସହ ବିଭିନ୍ନ ସାମଗ୍ରୀ ଜବତ ହୋଇଛି । ବଡକଥା ହେଉଛି ଭୁବନେଶ୍ବର ସହ କେନ୍ଦ୍ରାପଡା , ଜଗତସିଂପୁର , ବାଲେଶ୍ବର , ପୁରୀ ଜିଲ୍ଲାର ନକ୍ସା ମାଓକ୍ୟାମ୍ପରୁ ମିଳିଛି ।

ଚଳିତ ମାସ 19 ତାରିଖରେ ଛତିଶଗଡ଼ ରେ ନିର୍ବାଚନ ହେବାକୁ ଥିବା ବେଳେ , ନିର୍ବାଚନ କୁ କିଭଳି ସୁରୁଖୁରୁରେ ସମାପନ କରାଯିବ ସେଥିପାଇଁ ଆଣ୍ଟି ନକ୍ସଲ ଅପରେସନ କୁ ଜୋରଦାର କରାଯାଇଛି । । 2024 ଶେଷ ସୁଦ୍ଧା ମାଓବାଦୀଙ୍କୁ ସଂପୂର୍ଣ ବିନାଶ କରିବାକୁ କିଛି ଦିନ ତଳେ କହିଥିଲେ ଗୃହ ମନ୍ତ୍ରୀ ଅମିତ ଶାହା
ମାଓବାଦୀଙ୍କ ଗଡ କୁହାଯାଉଥିବା ବିଜାପୁର , ସୁକମା , ନାରାୟଣପୁର , ଦନ୍ତେୱାଡା ଏବଂ କାଁକେର ରେ କ୍ୟାମ୍ପ କରି ଅପରେସନ ଚଳାଇଛି ସୁରକ୍ଷାବାହିନୀ
ସେପଟେ ସୁକମା ର କେରଲାପେଦା ଗାଁ ରେ ମାଓ ପ୍ରାଦୁର୍ଭାବ ଯୋଗୁଁ ୨୧ ବର୍ଷ ଧରି ବନ୍ଦ ପଡିଥିବା ରାମ ମନ୍ଦିର ଖୋଲିଛନ୍ତି ସିଆରପିଏଫ ଯବାନ । ୨୦୦୩ ରେ ମାଓ ସଂଗଠନ ପକ୍ଷରୁ ମନ୍ଦିର କୁ ନଷ୍ଟ କରିବାକୁ ଚେଷ୍ଟା କରାଯାଇ ମନ୍ଦିର କୁ ବନ୍ଦ କରିଦିଆଯାଇଥିଲା ।

ଗତ 3 ମାସ ମଧ୍ୟରେ ଓଡିଶା ଛତିଶଗଡ ସୀମାନ୍ତରେ ସୁରକ୍ଷା ବହିନୀ ଙ୍କ ଏନକାଉଣ୍ଟର ରେ 50 ଜଣ ମାଓବାଦୀ ମୃତ୍ୟୁ ବରଣ କରିଥିବା ବୋଲି ମାଓ ସଂଗଠନ ପକ୍ଷରୁ ପ୍ରେସ ବିଜ୍ଞପ୍ତି ମାଧ୍ୟମରେ ଜଣାଯାଇଛି । ଆସନ୍ତା 15 ତାରିଖରୁ ମାଓ ସଂଗଠନ ଓଡ଼ିଶା ସମେତ 4 ରାଜ୍ୟରେ ବନ୍ଦ ଡାକରା ଦେଥିବା ବେଳେ ମାଓସଙ୍ଗଠନକୁ ସମ୍ପୂର୍ଣ୍ଣ ନିପାତ କରିବାକୁ ପକ୍ଷରୁ ପ୍ରସ୍ତୁତ ହୋଇଛି ରଣନୀତି।

ଅଧିକ ପଢ଼ନ୍ତୁ ଓଡ଼ିଶା ଖବର

Argus News | argus news | Odisha Latest News, Breaking News, Trending News, Live TV