ଖୋର୍ଦ୍ଧା: କେନ୍ଦ୍ର ଯୋଜନାକୁ ବିଭ୍ରାନ୍ତି କରି ରାଜ୍ୟ ନେଉଥିବା ଶ୍ରେୟକୁ ବିରୋଧ କଲା ବିଜେପି । 5 T ଓ ଆମ ଓଡ଼ିଶା ନବୀନ ଓଡ଼ିଶାର ଲୋଗୋ ଥିବା ବ୍ୟାଗ୍‌କୁ ପୋଡ଼ିଲେ ବିଜେପି ନେତା । ଚିଲିକା ନିର୍ବାଚନ ମଣ୍ଡଳୀ ବାଲୁଗାଁ NAC ଅନ୍ତର୍ଗତ ବିଦ୍ୟାଧରପୁର ଏବଂ ବାଣପୁର ବ୍ଲକ ଆୟତ୍ତପୁର ପଞ୍ଚାୟତସ୍ଥିତ ସ୍ଥିତ ଖାଉଟି ରାସନ ଦୋକାନ ସମ୍ମୁଖରେ ବିଜେପି ପକ୍ଷରୁ ବିରୋଧ କରିବା ସହ ବ୍ୟାଗ ଜାଳି ନାରାବାଜି କରାଯାଇଥିଲା ।

କେନ୍ଦ୍ର ସରକାରଙ୍କ ଖାଦ୍ୟ ସୁରକ୍ଷା ଯୋଜନାକୁ ଭ୍ରମିତ କରି ବିଜେଡି ସରକାର କେବଳ ବ୍ୟାଗ ଧରେଇ ଯୋଜନାର ଶ୍ରେୟ ନେବା ଏବଂ ଅପଚେଷ୍ଟା କରି ଆମ ଓଡିଶା ନବୀନ ଓଡିଶା ଲେଖାଥିବା ସହିତ 5t ଓ ଶଙ୍ଖ ଚି଼ହ୍ନ ଥିବା ବ୍ୟାଗକୁ ବଣ୍ଟନ କରି ରାଜନୈତିକ ପ୍ରଚାର କରୁଥିବା ରାଜ୍ୟ ବିଜେପି ବରିଷ୍ଠ ନେତା ପୃଥ୍ଵୀରାଜ ହରିଚନ୍ଦନ କହିଛନ୍ତି ।

ଗରିବ ଲୋକଙ୍କୁ କେନ୍ଦ୍ର ସରକାରଙ୍କ ଖାଦ୍ୟ ସୁରକ୍ଷା ଯୋଜନାରେ ସାରା ରାଜ୍ୟରେ ୩ କୋଟି ୨୬ ଲକ୍ଷ ହିତାଧିକାରୀଙ୍କୁ ଯୋଡ଼ି ଥିବାବେଳେ ରାଜ୍ୟ ସରକାର ମାତ୍ର ୮୯ ଲକ୍ଷ ହିତାଧିକାରୀଙ୍କୁ ରାସନ ସାମଗ୍ରୀ ଯୋଗାଇ କେନ୍ଦ୍ର ଯୋଜନାକୁ ଭ୍ରମିତ କରିବା ହାସ୍ୟାସ୍ପଦ ବୋଲି ସେ କହିଛନ୍ତି ।

ଯଦି ଆଗକୁ କୌଣସି ଡିଲର ପଏଣ୍ଟ ପକ୍ଷରୁ ଏଭଳି ବ୍ୟାଗ ବାଣ୍ଟିବା ପାଇଁ ଅପଚେଷ୍ଟା କରାଯାଏ ତେବେ ସମ୍ପୃକ୍ତ ଡିଲର ପଏଣ୍ଟକୁ ତାଲା ପକାଇ ଦେବାକୁ ବିଜେପି ଚେତାବନୀ ଦେଇଛି ।

ଆହୁରି ପଢନ୍ତୁ ରାଜନୀତି ଖବର...

Argus News | argus news | -Argusnews Home: Odisha Latest News, Breaking News, Trending News, Live TV and more