ଅର୍ଗସ ବ୍ୟୁରୋ: ବିଜେଡିର ଶୋଚନୀୟ ପରାଜୟ ପଛର କାରଣ କଣ ? କାହିଁକି ବିଜେଡି କୁ ଲୋକେ କଲେ ପ୍ରତ୍ୟାକ୍ଷାନ ? କଣ ପାଇଁ ବିଜେଡିର ଏଭଳି ପତନ ହେଲା ? ନବୀନ ଙ୍କ ସାମ୍ନାରେ ବିସ୍ଫୋରଣ କଲେ ନେତା । ଦଳର ଦୁଇ ବରିଷ୍ଠ ନେତା କାରଣ କହିବା ସହ ପରୋକ୍ଷରେ ପାଣ୍ଡିଆନ୍ ଙ୍କୁ କଲେ ଟାର୍ଗେଟ । ନଜର ପକାନ୍ତୁ ବିଜେଡି ମୁଖ୍ୟାଳୟରେ ବସିଥିବା ଏହି ବୈଠକର ଦୃଶ୍ୟ ଉପରେ... । କଳାହାଣ୍ଡି ଓ ନବରଙ୍ଗପୁର ଜିଲ୍ଲାର ସମୀକ୍ଷା କରୁଥିଲେ ନବୀନ । ଠିକ୍ ଏହି ସମୟରେ ନବରଙ୍ଗପୁରର ନେତା ପ୍ରଦୀପ ମାଝୀ ନବୀନଙ୍କ ସାମ୍ନାରେ ରଖିଥିଲେ ପରାଜୟର ଗୋଟି ଗୋଟି କାରଣ । ପ୍ରଦୀପ କହିଥିଲେ....

1 - ମେଣ୍ଟ ଚର୍ଚ୍ଚା କାରଣରୁ ଲୋକଙ୍କ ବିଶ୍ବାସ ହରାଇଲା ଦଳ
2 - ଦଳୀୟ ଅନ୍ତଃକନ୍ଦଳ ଅର୍ଥାତ ନେତା ନେତାଙ୍କ ଭିତରେ ଲଢେଇ
3 - ଶୂନ୍ୟ ନିର୍ବାଚନ ପରିଚାଳନା ଓ ଭୁଲ ନିଷ୍ପତ୍ତି

ସେହିପରି ଦଳର ବରିଷ୍ଠ ବିଧାୟକ କହିଛନ୍ତି ନବୀନ ପଟନାୟକ ନିର୍ବାଚନ ସମୟରେ ବୁଲିଲେ ନାହିଁ କି ଦଳକୁ ସମୟ ଦେଇପାରିଲେ ନାହିଁ । ସେଥିପାଇଁ ଅନେକ ଜାଗାରେ ଆମେ ହାରିଲୁ ଦଳ କ୍ଷତିଗ୍ରସ୍ତ ହେଲା । ବିଜେଡିର ଭୋଟ ଅଛି କିନ୍ତୁ କିଏ କୋଉଠି ଆହରଣ କରିପାରିଲା ନାହିଁ । ସେ ଆଉଥରେ ବୁଲିଲେ ସଂଗଠନ ଫେରିଆସିବ ବୋଲି ଆମର ଆଶା ଅଛି । ଯାହାର ଜବାବରେ ପ୍ରଶାନ୍ତ ମୁଦୁଲି କଣ କହୁଛନ୍ତି ଶୁଣନ୍ତୁ..।

ସେପଟେ ଘନେଇବାରେ ଲାଗିଛି ଭୁବନେଶ୍ଵର ବିଜେଡ଼ି କଳି । ଶଙ୍ଖ ଭବନରେ ବିଜେଡ଼ି କର୍ପୋରେଟର ଅମରେଶ ଜେନା ଓ ବିରଞ୍ଚି ନାରାୟଣ ମହା ସୂପକାର ଙ୍କୁ ବିରୋଧ ଘଟଣା ବିବାଦ ଉଗ୍ର ରୂପ ଧାରଣ କରିଛି । ଉଭୟ ରାଜେଶ ପାତ୍ର ଙ୍କୁ ଦଳ ବାହାର ଲୋକ କହିବା ସହ ପୂର୍ବତନ ମନ୍ତ୍ରୀ ଅଶୋକ ପଣ୍ଡା ଙ୍କ ଇଙ୍ଗିତ ରେ ସେ ଗଣ୍ଡଗୋଳ କରିଥବା ଅଭିଯୋଗ କରିଥିଲେ । ଏହାପରେ ରାଜେଶ ପାତ୍ର କ୍ୟାପିଟାଲ ଥାନାରେ କରିଥିଲେ ଲିଖିତ ଅଭିଯୋଗ । ତାକୁ କାଉଣ୍ଟର କରି କ୍ୟାପିଟାଲ ଥାନାରେ ଅମରେଶ ଙ୍କ ସମର୍ଥକ ତଥା ବିଜୁ ଛାତ୍ର ଜନତା ଦଳର ସଦସ୍ୟ ବିବେକ ସ୍ଵାଇଁ ପୂର୍ବତନ ମନ୍ତ୍ରୀ ଅଶୋକ ପଣ୍ଡା ଙ୍କ ବିରୋଧରେ କ୍ୟାପିଟାଲ ଥାନାରେ ଓ ବିରଞ୍ଚି ଙ୍କ ସମର୍ଥକ ଅବିନାଶ ପାତ୍ର ଏୟାର୍ ଫିଲଡ଼ ଥାନାରେ ପାଲଟା ଅଭିଯୋଗ କରିଛନ୍ତି। ରାଜେଶ ପାତ୍ର ଓ ଅଶୋକ ପଣ୍ଡା ଜୀବନ୍ ରୁ ମାରିବାକୁ ଧମକ୍ ଦେଇଥିବା ଅଭିଯୋଗ କରିଛନ୍ତି । ଏନେଇ ଅଶୋକ ପଣ୍ଡାଙ୍କର ପ୍ରତିକ୍ରିୟା ମିଳିପାରିନଥିବା ବେଳେ ଜିଲ୍ଲା ସଭାପତି କଣ କହୁଛନ୍ତି ।

ଅନ୍ୟପଟେ ଚର୍ଚ୍ଚା ହେଉଛି ସତ ହେବାକୁ ଯାଉଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅନୁମାନ । ଲାଗୁଛି ବିଶ୍ଳେଷକଙ୍କ ମତରେ ବି ଖୁବଶୀଘ୍ର ଲାଗିପାରେ ମୋହର । ବପର୍ଯ୍ୟୟ ପରେ ବଡ ବିଦ୍ରୋହ ଆଡକୁ ମୁହାଁଉଛି ବିଜେଡି । ଯେ କୌଣସି ମୁହୁର୍ତ୍ତରେ ଦଳ ଭିତରେ ହୋଇପାରେ ବଡ ଧରଣର ବିସ୍ଫୋରଣ । ଗୃହ ଯୁଦ୍ଧ ସ୍ଥିତିକୁ ନେଇ ଉଠୁଛି ପଡୁଛି ଶଙ୍ଖ ଶିବିରି । ନବୀନଙ୍କ ଏକତାର ମନ୍ତ୍ର ବି ନେତାଙ୍କୁ ବାନ୍ଧି ରଖିବାରେ ସଫଳ ହୋଇନି । ଶୀର୍ଶ ନେତୃତ୍ବଙ୍କ ମଧ୍ୟରେ ଚାଲିଛି ଛକାପଞ୍ଝା । ଭିନ୍ନ ଭିନ୍ନ ସ୍ଥାନରେ ମେଳି ବାନ୍ଧୁଛନ୍ତି ପ୍ରତିପକ୍ଷ ଗୋଷ୍ଠୀ । ସ୍ଥିତି କହୁଛି ଅଲ ଇଜ୍ ନଟ ଓ୍ବେଲ୍ । ସମୀକ୍ଷା ପରେ ସୁପ୍ରିମୋଙ୍କ ନୋ ଆକ୍ସନ ଥିଓରୀ ବି ଅଧିକ ଅଡୁଆ ବଢାଇଛି । ଯେଉଁଥିପାଇଁ ଦଳରେ ଏମିତି ସ୍ଥିତି ଲାଗି ରହିଛି ।

ରାଜ୍ୟ ସଭା ସାଂସଦ ମମତା ମହନ୍ତ ଓ ସୁଜିତ କୁମାର ସାଙ୍ଘାତିକ ଅଭିଯୋଗ ସହ ଦଳ ଛାଡିଥିଲେ । ଆଉ ଏବେ ବିଭିନ୍ନ ଜିଲ୍ଲାରେ ନେତା-ନେତାଙ୍କ ଲଢେଇ ଭିତରେ ଶୀର୍ଶ ନେତୃତ୍ବଙ୍କ ବୟାନ ବାଜି ସ୍ପଷ୍ଟ କରୁଛି ଆଗକୁ ବିଜେଡିରେ ବଡ ବିସ୍ଫୋରଣ ହେବାକୁ ଯାଉଛି ।

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | Odisha Latest News, Breaking News, Trending News, Live TV