ଅର୍ଗସ ବ୍ୟୁରୋ: ଏ କୌଣସି ଉପାନ୍ତ ଅଞ୍ଚଳ ନୁହଁ । ଏ ହେଉଛି ଯାଜପୁର କୋରେଇ ବ୍ଲକ ସାଦକପୁର ପଞ୍ଚାୟତ l ଏହି ପଞ୍ଚାୟତ ରେ ୯ଟି ଅଙ୍ଗନୱାଡି କେନ୍ଦ୍ର ଥିଲେ ମଧ୍ୟ ୭ ଗୋଟି କେନ୍ଦ୍ରର ନିଜସ୍ୱ ଘର ନାହିଁ l କେତେକ ସ୍ଥାନ ରେ ଅଧ ପାନ୍ତରିୟା ହୋଇ ପଡି ରହିଛି  ନିର୍ମାଣଧୀନ ଗୃହ। କିଏ ବାରଣ୍ଡାରେ ତ ଆଉ କିଏ ଭଙ୍ଗା ଚାଳଛପର ଘରେ ପାଠ ପଢୁଛନ୍ତି l ଖରାବର୍ଷାରେ ଅତି ଦୟନୀୟ ଅବସ୍ଥାରେ ପାଠ ପଢୁଛନ୍ତି ପିଲା l ବର୍ଷାଦିନେ ପାଠ ପଢିବାପାଇଁ ପିଲାମାନଙ୍କୁ ଅଙ୍ଗନୱାଡି ଛାଡିବାକୁ ଡରୁଛନ୍ତି ଅଭିଭାବକ l କେତେବେଳେ ସାପ ବାହାରିବ ତ ଆଉ କେତେବେଳେ କାନ୍ଥ ଭାଙ୍ଗିକି ପଡିବ l ଏହିଭଳି ବିପଦ ସଂକୁଳ ଅବସ୍ଥାରେ ରହିଛି ଅଙ୍ଗନ ବାଡ଼ି ର ଗୃହ l 

ଦେଖନ୍ତୁ କେମିତି ଭଙ୍ଗାଘରେ ଓ ବାରଣ୍ଡାରେ ପାଠ ପଢୁଛନ୍ତି ପିଲା l ଚାଳ ଛପର ଘର ର ମାଟି କାନ୍ଥ ମଧ୍ୟରେ ସୃଷ୍ଟି ହୋଇଛି ବଡ଼ ବଡ଼ ଗାତ। ଯେଉଁଠି ସାପ ଙ୍କ ଭୟ ରହିଛି । ଉପରୁ ଛପର ଫାଳେ ଫାଳେ ଉଠି ଯାଇଛି। କେତେବେଳେ ଘର ଭିତରକୁ ସୂର୍ଯ୍ୟ କିରଣ ପଡୁଛି ତ ଆଉ କେତେବେଳେ ବର୍ଷା ପାଣି ରେ ଭିଜୁଛନ୍ତି କୁନି କୁନି ଛାତ୍ରଛାତ୍ରୀ। କେଉଁଠି କାହା ଘର ପିଣ୍ଡା ରେ ତ ଆଉ କେଉଁଠି ଦୋକାନ ଘରେ ଗଢ଼ା ହେଉଛି ଏହି ନିଷ୍ପାପ ଶୈଶବ ଙ୍କ ଭବିଷ୍ୟତ l ରାଜ୍ୟ ସରକାରଙ୍କ ବିକଶିତ ଶିକ୍ଷା ବ୍ୟବସ୍ଥାକୁ ସତେ ଯେମିତି ଉପହାସ କରୁଛି ଶିକ୍ଷା ବ୍ୟବସ୍ଥାର ଏହି ବିକଳ ଚିତ୍ର l ତେଣୁ କେବେ ନୂଆଘରେ ପାଠ ପଢିବା ର ସୁଯୋଗ ପାଇବେ କୁନିକୁନି ଛାତ୍ରଛାତ୍ରୀ ତାକୁ ଅପେକ୍ଷା l

ଅଧିକ ପଢ଼ନ୍ତୁ ଓଡିଶା ଖବର: