ଅର୍ଗସ ବ୍ୟୁରୋ: ସମସ୍ୟା ରେ ଜୁଝୀ ହେଉଛନ୍ତି ଗ୍ରାମବାସୀ, ବିକାଶ ଠାରୁ ବହୁ ଦୂରରେ ସୀମାନ୍ତ ଅଞ୍ଚଳ ପାର୍ବତୀପୁର । ବିକାଶ ଏଠି ବାଟବଣା । ପ୍ରଶାସନିକ ଅବହେଳା ଓ ରାଜନୈତିକ ଇଚ୍ଛାଶକ୍ତିର ଅଭାବ ପାଇଁ ପହଞ୍ଚି ପାରୁନି ସରକାରୀ ଯୋଜନା । ରାଜ୍ୟ ସରକାର ବିକାଶର କଥା କହୁଛନ୍ତି, ହେଲେ ଏଠି ବିକାଶ କାଗଜ କଲମରେ ସିମୀତହୋଇ ଟେବୁଲ ତଳେ ଚାପି ହୋଇଯାଇଛି । ଫେଲମାରିଛି ସରକାରୀ ଯୋଜନା ।

ବିକାଶ ର ବାସ୍ତବ ଚିତ୍ର ଆପଣଙ୍କ ସାମ୍ନାରେ। ଦୀର୍ଘ ବର୍ଷ ର ସ୍ଵାଧୀନତା ପରେ ଆଜି ବି ନିଜ ମୈ।ଳିକ ସମସ୍ୟା ରେ ଜୁଝୀ ହେଉଛନ୍ତି ପାର୍ବତୀପୁର ଗାଁ । ଆମ ରାଜ୍ୟରେ ଦୀର୍ଘ 23 ବର୍ଷ ର ସ୍ଥିର ସରକାର , ତଥାପି ବିକାଶ ଏଠି ବାଟବଣା । ଥରେ ଆଖି ପୁରାଇ ଦେଖି ନିଅନ୍ତୁ ରାଜ୍ୟ ସରକାରଙ୍କ ବିକାଶ ର ବାସ୍ତବ ଚିତ୍ର କୁ । ଗାଁ ରେ ରାସ୍ତା, ପାନୀୟ ଜଳ ଓ ନେଟୱର୍କ ଭଳି ମୌଳିକ ସମସ୍ୟା ଲୋକଙ୍କୁ କଲବଲ କରୁଛି ।

ଆନ୍ଧ୍ର ସୀମାନ୍ତ ଅଞ୍ଚଳରେ ପାନୀୟ ଜଳ ର ଉତ୍କଟ ସମସ୍ୟା ଦୂର କରିବା ପାଇଁ ରାଜ୍ୟସରକାର କୋଟି କୋଟି ଟଙ୍କା ବ୍ୟୟ ବରାଦ କରୁଛନ୍ତି । କିନ୍ତୁ ତାହା ସଠିକ ରୂପାୟନ ହୋଇପାରୁ ନାହିଁ ବୋଲି ଅଭିଯୋଗ କରୁଛନ୍ତି ଗ୍ରାମ ବାସୀ। ରାଜ୍ୟ ସରକାର ଙ୍କ ବସୁଧା ଯୋଜନା ସମ୍ପୂର୍ଣ୍ଣ ଭାବେ ଫେଲ ମାରିଛି । ସାହିରେ ଗୋଟିଏ ନଳକୂପ ଅଛି ଖରା ମାସରେ ପାଣି ବାହାରୁ ନଥିବା କହୁଛନ୍ତି ଲୋକେ । ଗାଁ ଆରମ୍ଭ ରେ 1 କିଲୋମିଟର ଦୁର ବିଲ୍ ମଝିରେ କୂଅ ଟିଏ ଅଛି, ଖାଲ ଢିପ ବିଲ ରାସ୍ତା ଦେଇ କୂଅକୁ ଯିବା ଆସିବା କରନ୍ତି। ଯାହାକି ଗାଁ ଲୋକଙ୍କ ପାଇଁ ସାହା ଭରଷା ପାଲଟିଛି।

ଅଧିକ ପଢ଼ନ୍ତୁ ଓଡିଶା ଖବର:

Argus News | argusnews - Home: Odisha Latest News, Breaking News, Trending News, Live TV and more