ଅର୍ଗସ ବ୍ୟୁରୋ :  ନିର୍ବାଚନ ପୂର୍ବରୁ ରାଇଜ ସାରା ହେଲିକପ୍ଟରରେ ଘିରି ଘିରି ହୋଇ ବୁଲିଥିଲେ ପାଣ୍ଡିଆନ୍ । ନିଜର ପଲିଟିକାଲ ଲଞ୍ଚିଂ ପାଇଁ ହଜାର ହଜାର ଲୋକଙ୍କ ବୁହାଇ କରୁଥିଲେ ସଭା ସମିତି । ନେତା ମନ୍ତ୍ରୀଙ୍କୁ ଟେଣ୍ଡ ବନ୍ଧାଇ 6 ମାସରେ 190 ଟି ସ୍ଥାନରେ କରିଥିଲେ ବିରାଟକାୟ ସଭା । ବଡ ବଡ ଇଭେଣ୍ଟ ପାଇଁ ରାଜ୍ୟ ରାଜକୋଷରୁ ଖର୍ଚ୍ଚ ହେଉଥିଲା ପାଣି ଭଳିଆ ଟଙ୍କା । ଏପରିକି ନିଜର ବ୍ୟକ୍ତିଗତ କାମ ପାଇଁ ବି ସରକାରୀ ଟଙ୍କାରେ ହେଲିକପ୍ଟରରେ ବୁଲୁଥିଲେ ପାଣ୍ଡିଆନ୍ । ଯାହାକୁ ନେଇ ସାରା ରାଜ୍ୟବାସୀଙ୍କ ମନରେ ସୃଷ୍ଟି ହୋଇଥିଲା ସନ୍ଦେହ । ପାଣ୍ଡିଆନ୍ ଙ୍କ ସଭା ସମିତି ଓ ହେଲିକପ୍ଟର ବୁଲା ପାଇଁ କେଉଁଠୁ ଆସୁଛି ଏତେ ଟଙ୍କା ବୋଲି ପ୍ରଶ୍ନ କରିଥିଲେ ଲୋକେ । କାହିଁକି ପାଣ୍ଡିଆନ୍ ଙ୍କ ପଲିଟିକାଲ୍ ଲଞ୍ଚିଂ ପାଇଁ ରାଜ୍ୟ ରାଜକୋଷକୁ ଖାଲି କରିଦିଆଯାଉଛି ବୋଲି ଉଠିଥିଲା ପ୍ରଶ୍ନ । ଏପରିକି ବିଜେଡି ଦଳର ବରିଷ୍ଠ ନେତା ମଧ୍ୟ ଉଠାଇଥିଲେ ପ୍ରଶ୍ନ । ମାତ୍ର ସେବେକାର ସରକାରରେ ସୁପର ସିଏମ ସାଜିଥିବା ଭୈରବ ପାଣ୍ଡିଆନ୍ ଙ୍କ ହେଲିକପ୍ଟର ବୁଲାର ଦୁର୍ନୀତି ଅଭିଯୋଗକୁ କଳ ବଳ କୌଶଳ ଲଗାଇ ଚାପିଦିଆଯାଇଥିଲା । କିନ୍ତୁ ବର୍ତ୍ତମାନର ମୋହନ ସରକାର ବିଜେଡି ସରକାରରେ ହୋଇଥିବା ରାଜକୋଷ ଲୁଟ୍ କୁ ନେଇ ଆକ୍ସନ ମୋଡକୁ ଆସିଛନ୍ତି । ପାଣ୍ଡିଆନ୍ ଙ୍କ ହେଲିକପ୍ଟର ବୁଲାକୁ ନେଇ ଚାଲିଛି ଖୋଳତାଡ୍ । 

ସେପଟେ ପୂର୍ବରୁ ବରିଷ୍ଠ ସାମ୍ବାଦିକ ରୁବେନ ବାନାର୍ଜି ମଧ୍ୟ ଉଠାଇଥିଲେ ପ୍ରଶ୍ନ । ରୁବେନ ବାନାର୍ଜୀଙ୍କ କହିଥିଲେ ଅନୁଯାୟୀ ହେଲିକପ୍ଟର ଖର୍ଚ୍ଚ ଦେଉଥିଲେ ସରକାର । ମାତ୍ର ସଭା, ମଂଚ, ଆଲୁଅ, ପ୍ରଚାର ପ୍ରସାର ପାଇଁ କିଏ ଖର୍ଚ୍ଚ କରୁଥିଲା ଟଙ୍କା । ପ୍ରବଳ ମାତ୍ରାରେ ଲୋକ ବୁହା ଓ ଲୋକଙ୍କ ପାଇଁ ପ୍ରଚୁର ଖାଦ୍ୟ ପାନୀୟ ବ୍ୟବସ୍ଥା ପାଇଁ ଗୋଟିଏ ଟଙ୍କା  ଖର୍ଚ୍ଚ କରିନାହାଁନ୍ତି ସରକାର । ବଜେଟରେ ମଧ୍ୟ ଟଙ୍କାଟିଏ ବ୍ୟୟବରାଦ ନାହିଁ କି ଜିଲ୍ଲା ପ୍ରଶାସନ ବି ଟଙ୍କାଟିଏ ଖର୍ଚ୍ଚ କରିନି । ତେଣୁ ଚର୍ଚ୍ଚା ଅନୁଯାୟୀ ଏହି ଟଙ୍କା ସବୁ ଖଣି ମାଫିଆ ଓ ଅଣ ଓଡିଆ ଠିକାଦାରଙ୍କଠୁ ଆଣୁଥିଲେ ପାଣ୍ଡିଆନ ନିଜର ପଲିଟିକାଲ ଲଞ୍ଚିଂ ପାଇଁ । ଆଉ ଏହା ପରେ ପାଣ୍ଡିଆନ ନେତା ଭାବେ ବିଜେଡିରେ ସାମିଲ ହେବା କାମରେ ହୋଇଥିଲେ ସଫଳ । ସେହିପରି ନିର୍ବାଚନ ସମୟରେ ପ୍ରଧାନମମନ୍ତ୍ରୀ କହିଥିଲେ ଓଡିଶାକୁ ଲୁଟିଥିବା ମାଫିଆଙ୍କ ଅଣ୍ଟା ଭାଙ୍ଗି ଦିଆଯିବ । 

ଅଧିକ ପଢନ୍ତୁ : ମମତାଙ୍କ ପରେ କିଏ ତାକୁ ନେଇ ଏବେ ବଢିଛି ଚର୍ଚ୍ଚା

ଦୁର୍ନୀତିର ପାହାଡ ଉପରେ ବସିଥିଲା 24 ବର୍ଷର ବିଜେଡି ସରକାର । ନେତା ମନ୍ତ୍ରୀଙ୍କ ଠୁ ନେଇ ସରକାରୀ ବାବୁଙ୍କ ପର୍ଯ୍ୟନ୍ତ ରାଜକୋଷକୁ ଲୁଟି ଟିଙ୍କ ପାଲଟିଯାଇଥିଲେ । ଆଉ ଦୁର୍ନୀତିର ସର୍ଦ୍ଦାର ଥିଲେ ଖୋଦ୍ ସୁପର ସିଏମ ସାଜିଥିବା ଭୈରବ ପାଣ୍ଡିଆନ୍ । ବର୍ତ୍ତମାନ ଦୁର୍ନିତିର ସର୍ଦ୍ଦାର ଥିବା ଭୈରବ ପାଣ୍ଡିଆନ୍ଙ୍କ ହେଲିକାପ୍ଟର ବୁଲାରେ ଦୁର୍ନୀତି ଓ ରାଜକୋଷ ଲୁଟକୁ ନେଇ ମୋହନ ସରକାରଙ୍କ ଖୋଳତାଡ ପରେ ଚର୍ଚ୍ଚା ଯେ ଆଗାମୀ ଦିନରେ କଣ ହେବ ଆକ୍ସନ