ଅର୍ଗସ ବ୍ୟୁରୋ:  ବରିଷ୍ଠ ନେତାଙ୍କୁ ଦଳରୁ ବାହାରିଯିବା କଥା କହିବା ମୁଖପାତ୍ର ଲେଲିନ୍ ମହାନ୍ତିଙ୍କ ପଡିଲା ମହଙ୍ଗା । ପ୍ରତି ଜବାବ୍ ରଖି ବର୍ଷିଲେ ନିକଟରେ ବିଜେଡି ଛାଡିଥିବା ଦଳର ବରିଷ୍ଠ ନେତା ଅମର ଶତପଥୀ । କେବଳ ବିର୍ଷିଲେ ନାହିଁ ବରଂ ଦଳର ଭବିଷ୍ୟତକୁ ନେଇ ରଖିଲେ ମଧ୍ୟ ବିସ୍ଫୋରକ ବୟାନ । ଦୁଇ ଦିନ ତଳେ ଅମର ଶତପଥୀ ଗଣମାଧ୍ୟମରେ ବାୟନ ରଖିବା ପରେ ତାଙ୍କୁ ସିଧାସଳଖ ଦଳ ଛାଡିଦେବାକୁ କହି ତାତ୍ସଲ୍ୟ କରିଥିଲେ ଲେଲିନ୍  ।

ଯାହାର ଜବାବରେ ଅମର କହିଛନ୍ତି ବିଜୁ ଜନତା ଦଳ ଗଠନ ରେ ନଥିବା ନେତା ବାସ୍ତବତାକୁ ନ ବୁଝି ବହୁତ କିଛି କହୁଥିବାରୁ ସେମାନଙ୍କ ପ୍ରତି ମୋର ଦୟା ଆସୁଛି । ମୁଁ ସଭାପତିଙ୍କୁ ପ୍ରଶ୍ନ କରିଥିଲି ସଭାପତି ବର୍ତ୍ତମାନ ସୁଦ୍ଧା ମୁହଁ ଖୋଲି ନାହାନ୍ତି । କିନ୍ତୁ ଯେଉଁମାନେ ତାଙ୍କ ତରଫରୁ କହୁଛନ୍ତି ସେମାନଙ୍କ ପ୍ରଛଦ ପଟରେ କିଏ ଅଛି ସାମ୍ନା ପଟରେ କିଏ ଅଛି ତାହା କହିବାକୁ ଚାହୁଁନି । ମାତ୍ର ଦଳର ପ୍ରଭୁତ କ୍ଷତି ସେହିମାନେ ହିଁ କରୁଛନ୍ତି । ଅମର ଆହୁରି କହିଛନ୍ତି ଦଳରେ ପୁଞ୍ଜିଭୂତ ଅସନ୍ତୋଷ ଥିଲା । କିନ୍ତୁ କେହି କହୁ ନଥିଲେ । ମୁଁ ମୁହା ଖୋଲିବା ଆରମ୍ଭ କରିବା ପରେ ଧୀରେ ଧୀରେ ବାସ୍ତବତାକୁ ବୁଝୁଥିବା ନେତା ମାନେ କହିବା ଆରମ୍ଭ କରିଛନ୍ତି । ଆଗକୁ ବିଜେଡିରେ ଆହୁରି ଅନେକ କଥା ଘଟିବାକୁ ଯାଉଛି । ଦୁଇ ଜଣ ରାଜ୍ୟସଭା ସାଂସଦ ପରେ ଅନ୍ୟ ମାନେ ମଧ୍ୟ ସେହି ଲାଇନ ରେ ଅଛନ୍ତି । ସେମାନେ ହୁଏତ ଛାଡି ପାରନ୍ତି । ଯାହାର ଜବାବ ରଖିଛନ୍ତି ବିଜେଡି ନେତା ସୁଧୀର ସାମଲ।

ପ୍ରଶ୍ନ ଦଳର ଜଣେ ବରିଷ୍ଠ ନେତାଙ୍କ ମନ୍ତବ୍ୟକୁ କାଉଣ୍ଟର କରିବାକୁ ମୁଖପାତ୍ର ଲେଲିନ୍ ମହାନ୍ତିକୁ କହିଥିଲା କିଏ । କାହା ନିଷ୍ପତ୍ତିରେ ଲେଲିନ୍ ଆସି ବରିଷ୍ଠ ନେତାଙ୍କୁ ଦଳରୁ ବାହାରିଠିବାକୁ ଦେଲେ ମନ୍ତବ୍ୟ । ସୁଲତା ଦେଓଙ୍କ ଖବର ନିର୍ଦ୍ଧିଷ୍ଟ ଗଣମାଧ୍ୟମ ପ୍ରସାରଣ କରିବାକୁ ନେଇ ସାମ୍ବାଦିକ ସମ୍ମୀଳନି କରିଥିଲେ ସମନ୍ବୟ କମିଟି ଅଧ୍ୟକ୍ଷ ଦେବୀ ମିଶ୍ର । କିନ୍ତୁ ଏଠି ଦଳର ବରିଷ୍ଠ ନେତାଙ୍କ ଅଭିଯୋଗ ବେଳେ ନା ସଭାପତି ନା ସମନ୍ବୟ କମିଟି ଅଧ୍ୟକ୍ଷ କେହି ସାମ୍ନାକୁ ନ ଆସି ମୁଖପାତ୍ର ଆସି ଏପରି କହିବା ପ୍ରଚ୍ଛଦପଟର ନିଷ୍ପତ୍ତି ନଥିଲା ତ ।

ଅଧିକ ପଢ଼ନ୍ତୁ ଓଡିଶା ଖବର: