• ସାଂସଦ ପାଣ୍ଠି ପରେ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ସହାୟତା ଫଣ୍ଡ ଟଙ୍କାକୁ ନେଇ ପୁଣି ଚର୍ଚ୍ଚା ରେ ଯାଜପୁର ଜିଲ୍ଲା
• ପାଚୁର୍ଯ୍ୟ ଭରା ଯାଜପୁର ଜିଲ୍ଲାକୁ ଏହି ଫଣ୍ଡରୁ ଯାଇଛି ପ୍ରଚୁର ସରକାରୀ ପଇସା
• ଜନମଙ୍ଗଳକାରୀ କାର୍ଯ୍ୟ ପାଇଁ ଯାଇନି ଟଙ୍କା
• ଅଭିଯୋଗ ବବି- ଡ୍ୟାନି-ଜିତୁଙ୍କ ପାଇଁ ପ୍ରଶାସନ ସହାୟତାରେ ବିଜେଡିକୁ ଯାଇଛି ଏହି ଟଙ୍କା 
• ୩ ପରିବାରଙ୍କୁ ପୋଷିବା ଲାଗି ବ୍ୟୟ ହେଉଛି  କୋଟିକୋଟି ଟଙ୍କା 
• ନଗଡ଼ାର ଉପହାର ଦେଇ 3 ପରିବାର ଲୁଟିଛନ୍ତି ଯାଜପୁରର ସମ୍ପତ୍ତି
• ପ୍ରଶାସନକୁ ନିଜ କଣ୍ଟ୍ରୋଲରେ ରଖି ଯାଜପୁରକୁ ସେଫ୍ ହେଭେନ୍ ଭାବୁଥିଲେ ବବି-ଡ୍ୟାନି-ଜିତୁ
• ସରକାରୀ ଅର୍ଥକୁ ଦଳୀୟ ଅର୍ଥରେ କନଭର୍ଟ କରିବାକୁ ଭଲ ମାଧ୍ୟମ ଥିଲା ଯାଜପୁର ଜିଲ୍ଲା 

ଅର୍ଗସ ବ୍ୟୁରୋ:  ସରକାରୀ ଟଙ୍କା ଯାଉଥିଲା ଯାଜପୁର ଜିଲ୍ଲାକୁ କିନ୍ତୁ ଲାଗୁନଥିଲା ଲୋକଙ୍କ କାମରେ । ସରକାରୀ ଫଣ୍ଡ କୁ ଦଳୀୟ ଫଣ୍ଡ ରେ କନଭଟ କରି ରାଜକୋଷ କୁ ଖୋଳ କରିଥିଲା ବିଜେଡି । ପ୍ରକଳ୍ପ ନାଁ ରେ ପିସି ଆଦାୟ କରି ମାଲେମାଲ ହୋଇଥିଲେ  ବବି- ଡ୍ୟାନି-ଜିତୁଙ୍କ ପରିବାର । ଅଶୋକ ଦାସଙ୍କ ପୁଅ ପ୍ରଣବ ପ୍ରକାଶ ଓରଫ ବବି ଦାସ । ପ୍ରଫୁଲ ଘଡେଇଙ୍କ ପୁଅ ପ୍ରୀତିରଞ୍ଜନ ଘଡେଇ ଓରଫ ଡ୍ୟାନି ଘଡେଇ । ଆଉ କଳ୍ପତରୁ ଦାସଙ୍କ ପୁଅ ପ୍ରଣବ ବଳବନ୍ତରାୟ ଓରଫ ଜିତୁ ବଳବନ୍ତରାୟଙ୍କ ପାଇଁ ପ୍ରଶାସନ ଯୋଗାଇ ଦେଇଥିଲା ସମସ୍ତ ସହାୟତା ।

ନଜର ପକାନ୍ତୁ ବିଧାନସଭାରେ ମୁଖ୍ୟମନ୍ତ୍ରୀ ମୋହନ ମାଝୀ ରଖିଥିବା ଏହି ଉତ୍ତର ଉପରେ । ବିଜେପି ବିଧାୟକ ଅମର ନାୟକଙ୍କ ପ୍ରଶ୍ନ ରେ ମୁଖ୍ୟମନ୍ତ୍ରୀ କହିଛନ୍ତି ବିଜେଡି ସରକାର ସମୟରେ ୨୦୨୧ ରୁ ୨୦୨୪ ବର୍ଷ ଅର୍ଥାତ ତିନି ବର୍ଷ ମଧ୍ୟରେ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ସହାୟତା ଫଣ୍ଡ ରୁ ୩ ହଜାର ୭୪ କୋଟି ୩୪ ଲକ୍ଷ ଟଙ୍କାର ଅନୁଦାନ ଦିଆଯାଇଛି । ନିଜ ନାଁ ରେ ସ୍ୱତନ୍ତ୍ର ସହାୟତା ଫଣ୍ଡ ସୃଷ୍ଟି କରି ଯାଜପୁର ଜିଲ୍ଲାକୁ ପ୍ରତି ବର୍ଷ ହଜାରେ କୋଟି ଟଙ୍କାର ଅନୁଦାନ ଅଜାଡ଼ି ଦେଇଥିଲେ ନବୀନ ପଟ୍ଟନାୟକ । କେବଳ ସେତିକି ନୁହେଁ ଡ଼ିଏମଫଣ୍ଡରୁ ବି ଯାଜପୁର ଜିଲ୍ଲାରେ ଖର୍ଚ୍ଚ ହୋଇଛି ୧ ହଜାର ୩୨ କୋଟି ଟଙ୍କା । କିନ୍ତୁ ଏତେ ସରକାରୀ ଟଙ୍କା ଯାଜପୁର ଯାଇଥିଲେ ବି ନଗଡ଼ାର ଚିତ୍ର କାହିଁକି ବଦଳିନି ତାକୁ ନେଇ ଉଠିଛି ପ୍ରଶ୍ନ । ଯାଜପୁର ଲୋକଙ୍କ ବିକାଶ ହୋଇ ପାରିଥିବା ନଥିବା ଏତେ ଟଙ୍କା କେଉଁଠି ଖର୍ଚ୍ଚ ହେଲା ତାକୁ ନେଇ ମଧ୍ୟ ଉଠିଛି ପ୍ରଶ୍ନ ।  ଏପରିକି ପ୍ରଶାସନକୁ ନିଜ କଣ୍ଟ୍ରୋଲର ରଖିଥିଲେ ବବି-ଡ୍ୟାନି-ଜିତୁ । ଆଉ ସରକାରୀ ଅର୍ଥକୁ ଦଳୀୟ ଅର୍ଥରେ କରୁଥିଲେ କନଭର୍ଟ । ଆଉ ଜିଲ୍ଲାରେ ତ ବିକାଶ ହେଲାନାହିଁ ବରଂ ଲୁଟ କରି ଟଙ୍କା ଖାଇଗଲେ ବୋଲି ଅଭିଯୋଗ ଆସିଛି । ଆଉ ଯେଉଁଥିପାଇଁ ନିଜର ଗଡ ଭାବୁଥିବା ବିଜେଡିର ଏହି ନେତାମାନଙ୍କୁ ଲୋକେ ନିର୍ବାଚନରେ ଉଚିତ ଜବାବ ଦେଲେ ।

ପୂର୍ବରୁ ସାଂସଦ ମାନଙ୍କ ପାଣ୍ଠି ଖର୍ଚ୍ଚ କୁ ନେଇ ଚର୍ଚ୍ଚା ରେ ଥିଲା ଯାଜପୁର ଜିଲ୍ଲା । ପୁର୍ବତନ ରାଜ୍ୟସଭା ସାଂସଦ ମମତା ମହନ୍ତ ଙ୍କ ଅଭିଯୋଗ ପରେ ସୂଚନା ଅଧିକାରୀ ଆଇନ ବଳରେ ମିଳିଥିବା ତଥ୍ୟ କହିଥିଲା କି ୪ ବର୍ଷରେ ୧୧ ସାଂସଦ ଯାଜପୁରରେ ଖର୍ଚ୍ଚ କରିଛନ୍ତି ୧୩ କୋଟି ଟଙ୍କାର ସାଂସଦ ପାଣ୍ଠି । ସେବେ ପ୍ରଶ୍ନ ଉଠୁଥିଲା ବାକି ୧୪୬ଟି ବିଧାନସଭା କ୍ଷେତ୍ରରୁ ଉପେକ୍ଷା କରି କେବଳ ଯାଜପୁର ବିଧାନସଭା ନିର୍ବାଚନ କ୍ଷେତ୍ରରେ କାହିଁକି ନିଜ ସାଂସଦ ପାଣ୍ଠିର ସିଂହ ଭାଗ ଅଜାଡ଼ି ଦେଉଥିଲେ ବିଜେଡି ସାଂସଦ । ତେବେ ବର୍ତ୍ତମାନ ଇଏ ବିଧାନସଭା ର ଉତ୍ତର ଆସିବା ପରେ ବିଜେଡି କଣ କହୁଛି ।

ପାଚୁର୍ଯ୍ୟ ଭରା ଭୂସ୍ବର୍ଗରେ ଭୋକିଲା ପେଟରେ ଶୋଉଛନ୍ତି ଯାଜପୁର ଜିଲ୍ଲା ବାସୀ । କିନ୍ତୁ ହଜାର ହଜାର କୋଟି ର ସରକାରୀ ଟଙ୍କାକୁ ଚଳୁ କରି ରାଜ ଉଆସ୍ ରେ ରାତି କୁ ରଙ୍ଗୀନ କରୁଛନ୍ତି ବିଜେଡିର ବଡ଼ ନେତା । କେତେ ଦିନ ଆଉ ନଗଡ଼ା ଭଳି ସ୍ଥିତି କୁ ନେଇ ଯାଜପୁର ଜିଲ୍ଲାର ଛବି ମଳିନ ହେବ । କେବେ ଇଏ ଦୁର୍ନୀତି ବିରୁଦ୍ଧରେ ଜାଗିବେ ଯାଜପୁର ଜନତା ।

ଅଧିକ ପଢ଼ନ୍ତୁ ଓଡିଶା ଖବର: