ଅର୍ଗସ ବ୍ୟୁରୋ: ଶେଷ ପର୍ଯ୍ୟାୟ ନିର୍ବାଚନ ପୂର୍ବରୁ ଭାଇରାଲ୍ ହେଉଛି ଦୁଇ ଭିଡିଓ। ଗୋଟିଏ ଭିଡିଓରେ ଯୋଡିସଂଖକୁ ଭୋଟ ଦେବା ପାଇଁ ଏସଏସଜି ମହିଳାଙ୍କୁ ଶପଥ ପକରାଯାଉଛି। ଯେହେତୁ ଏସଏସଜିରୁ ଅଛୁ, ଶଂଖକୁ ହିଁ ଭୋଟ ଦେବୁ। ଆଉ ଏ ଭିଜୁଆଲ ହେଉଛି ବଡ଼ଚଣା ବ୍ଲକର। ଅଣକା ଗ୍ରାମପଂଚାୟତର ମିଶନ ଶକ୍ତି ସଭାନେତ୍ରୀ ସତ୍ୟଭାମା ନାୟକଙ୍କ ସ୍ବାମୀ ବୈରାଗୀ ନାୟକ ଏଶଏଶଜି ମହିଳା ମାନଙ୍କୁ ଟଙ୍କା ବାଣ୍ଟୁଥିବାର ଦୃଶ୍ୟ ସାମ୍ନାକୁ ଆସିଛି।

କେବଳ ଏତ୍କି ନୁହେଁ ଯାଜପୁରରୁ ବିଜେଡିର ଟଙ୍କା ବଣ୍ଟା ଓ ମହିଳାଙ୍କୁ ଧମକର ଏମିତି ଅନେକ ଦୃଶ୍ୟ ଆସିଛି ସାମ୍ନାକୁ । ମିଶନ ଶକ୍ତିର ଉପଦେଷ୍ଟା ଗୀତାଞ୍ଜଳି ବସ୍ତିଆ ବିଜେଡିକୁ ଭୋଟ ଦେବା ପାଇଁ କିଭଳି ମହିଳାଙ୍କୁ ଧମକାଉଛନ୍ତି । ଗ୍ରୁପ ସଦସ୍ୟକୁ ନେଇ ବୈଠକ ପରେ ବୈଠକ କରୁଛନ୍ତି, ବିଜେଡି ପାଇଁ ଭୋଟ ମାଗୁଛନ୍ତି । ପ୍ରଲୋଭନ ଦେଖାଉଛନ୍ତି ନ ମାନିଲେ ଧମକାଇବାକୁ ପଛାଉନାହାଁନ୍ତି ।

କୋରେଇରେ ଏକଥା ବି ଚର୍ଚ୍ଚା ହେଉଛି ବବିଙ୍କ ପାଇଁ କର ବା ମର ସ୍ଥିତି ମା ଙ୍କୁ ଜିତାଇବାକୁ ପଡିବ । ଉପନିର୍ବାଚନ କରି ଜିତିବାକୁ ପଡିବ ।

ଏଥର ଷଷ୍ଠ ପାଳି ନା ସତ୍ତା ପରିବର୍ତ୍ତନ, ତା ଭିତରେ ବିଜେଡିର ଟଙ୍କା ବଣ୍ଟା ଅନେକ ପ୍ରଶ୍ନ ସୃଷ୍ଟି କରିଛି। ବିଜେଡି ସରକାର ବିରୋଧରେ ଥିବା ପ୍ରବଳ ଜନବିରୋଧକୁ ଜନ ସମର୍ଥନରେ ପରିବର୍ତ୍ତନ ପାଇଁ ବିଜେଡିର ଉଦ୍ୟମ ହେବ କି ସଫଳ ।

ଆହୁରି ପଢନ୍ତୁ ରାଜନୀତି ଖବର...

Argus News | argus news | Odisha Latest News, Breaking News, Trending News, Live TV