ଅର୍ଗସ ବ୍ୟୁରୋ: ମାନବିକତା ହରାଇଲା ଏରସମା ପୋଲିସ। ପୋଲିସ ଗାଡ଼ି ଧକ୍କାରେ ଗର୍ଭବତୀ ମହିଳା ଓ ବୃଦ୍ଧା ଆହତ।  ଆଜି ସକାଳେ ଏରସମା ଥାନା ଅନ୍ତର୍ଗତ ପାଳଧୁଆ ବନ୍ଧ ନିକଟରେ କାର୍ଯ୍ୟରତ ଏରସମା ପୋଲିସ ଜିପ୍ ଧକ୍କାରେ ଗର୍ଭବତୀ ମହିଳା ଓ ତାଙ୍କ ବୃଦ୍ଧା ବୁଢୀ ମା' ଆହତ ହୋଇଛନ୍ତି। 

୨ ଜଣ ବାଟରେ ପଡ଼ି ଯନ୍ତ୍ରଣାରେ ଛଟପଟ ହେଉଥିବା ବେଳେ ଦୁର୍ଘଟଣା ଘଟାଇ ପୋଲିସ ଗାଡ଼ି ଫେରାର ହୋଇଯାଇଛି। ସ୍ଥାନୀୟ ଲୋକେ ଅଟକାଇବା ପାଇଁ ପୋଲିସ ଗାଡ଼ି ଅଟକାଇବାକୁ ଚେଷ୍ଟା କରୁଥିବା ବେଳେ ବର୍ଦିର ପାୱାର ଦେଖାଇ ଅଟକି ନ ଥିଲା ପୋଲିସ ଗାଡ଼ି। ସ୍ଥାନୀୟ ଲୋକଙ୍କ ଦ୍ୱାରା ୧୦୮ ଆମ୍ବୁଲାନ୍ସ ଯୋଗେ ଆହତ ୨ଜଣଙ୍କୁ ବାଲିକୁଦା ମେଡିକାଲରେ ଭର୍ତ୍ତି କରାଯାଇଛି। ଉଭୟ ବାଇକରେ ବସୁଥିବାବେଳେ ପୋଲିସ ଗାଡ଼ି ଧକ୍କା ଦେଇଥିବା ସୂଚନା ମିଳିଛି। ଆହତ ବୃଦ୍ଧା ଶସିରେଖା ସେଠୀ ଓ ତାଙ୍କ ବୋହୂ ସସ୍ମିତା ସେଠୀଙ୍କ ଘର ବାଲିକୁଦା ବ୍ଲକ ବସନ୍ତ ବୋଲି ଜଣାପଡ଼ିଛି।

ଅଧିକ ପଢ଼ନ୍ତୁ ଓଡ଼ିଶା ଖବର