Argus News - ରାଜ୍ୟରେ ସ୍ବାସ୍ଥ୍ୟ ବ୍ୟବସ୍ଥାର ବିକଳ ଚିତ୍ର

କେନ୍ଦ୍ରାପଡା: ରାଜ୍ୟରେ ସ୍ବାସ୍ଥ୍ୟ ବ୍ୟବସ୍ଥାର ବିକଳ ଚିତ୍ର । ବନ୍ଧ୍ୟାକରଣ ପରେ ମେଡିକାଲ ବାରଣ୍ଡାରେ ଶୋଇଲେ ମହିଳା । ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲ୍ଲା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପରିସରରେ । କେନ୍ଦ୍ରାପଡ଼ା ଜିଲ୍ଲାର ରାଜକନିକା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ବିଭିନ୍ନ ସମସ୍ୟା ମଧ୍ୟରେ ଉବୁଟୁବୁ ହେଉଥିବାବେଳେ ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି । 
ମଙ୍ଗଳବାର ସ୍ଵାସ୍ଥ୍ୟକେନ୍ଦ୍ର ପରିସରରେ ଚାଲିଥିଲା ବନ୍ଧ୍ୟାକରଣ ଶିବିର ।

ଏହି ଶିବିରରେ ସାମିଲ ହୋଇଥିବା ମହିଳାମାନଙ୍କୁ ବନ୍ଧ୍ୟାକରଣ ପରେ ବେଡ଼୍ ଯୋଗାଇ ଦେବା ପରିବର୍ତ୍ତେ ସେମାନଙ୍କୁ ପାଲ ଯୋଗାଇ ଦିଆଯାଇଥିଲା । ଯାହା ଫଳରେ ମହିଳାମାନେ ସ୍ୱାସ୍ଥ୍ୟ କେନ୍ଦ୍ର ଆଉଟ ଡୋର୍ ଆଗରେ ପାଲ ପକାଇ ଶୋଇଥିବା ଦେଖିବାକୁ ମିଳିଛି । 24 ବର୍ଷ ଶାସନରେ ରାଜ୍ୟରେ ଭୁଶୁଡ଼ି ପଡିଛି ସ୍ବାସ୍ଥ୍ୟ ବ୍ୟବସ୍ଥା । କେନ୍ଦ୍ରାପଡ଼ାରୁ ଆସିଥିବା ଦୃଶ୍ୟ ଏହାର ବଡ଼ ପ୍ରମାଣ ।
 

ଆହୁରି ପଢନ୍ତୁ ଓଡିଶା ଖବର...