ଅର୍ଗସ ବ୍ୟୁରୋ: ରାଜଧାନୀରେ ଆଜି ଏକ ଅଭାବନୀୟ ହତ୍ୟାକାଣ୍ଡ ଘଟିଛି। ସାଙ୍ଗର ପ୍ରେମକୁ ବଞ୍ଚାଇବାକୁ ଯାଇ ଅନ୍ୟ ଜଣେ ସାଙ୍ଗର ଜୀବନ ଯାଇଛି। ଯୁବକଙ୍କୁ ଖଣ୍ଡାରେ ହାଣି ହତ୍ୟା କରାଯାଇଛି। ଲକ୍ଷ୍ମୀସାଗର ଥାନା ଚିନ୍ତମଣୀଶ୍ୱରରେ ହୋଇଛି ଏଭଳି ହତ୍ୟାକାଣ୍ଡ । ଭଦ୍ରକ ଅଞ୍ଚଳରୁ ଆସି କ୍ୟାପିଟାଲ ଥାନା କେଶରିନଗରରେ ରହୁଥିବା ଅଞ୍ଜନ କୁମାର ବେହେରାଙ୍କୁ ହତ୍ୟା କରାଯାଇଥିବା ପୋଲିସ ସୂଚନା ଦେଇଛି।  ତ୍ରିକୋଣୀୟ ପ୍ରେମ ପାଇଁ ହତ୍ୟା କାଣ୍ଡ ହୋଇଥିବା ପୋଲିସର ସୂଚନା। 

ଗତକାଲି ରାତି 2 ଟା ବେଳେ ଅଞ୍ଜନ ଓ ତାଙ୍କ ସାଙ୍ଗ ଗୌତମଙ୍କ ସହ ଚିନ୍ତାମଣିଶ୍ବର ଯାଇଥିଲେ । ଗୌତମ ତାଙ୍କ ପ୍ରେମିକାକୁ ଦେଖା କରିବା ପାଇଁ ଯାଇଥିବା ବେଳେ ହଠାତ ଖବର ପାଇ ପୂର୍ବତନ ପ୍ରେମିକ ପିଙ୍କୁ ଓରଫ କାହ୍ନା ପ୍ରଧାନ ଖଣ୍ଡାରେ ଗୌତମଙ୍କୁ ଆକ୍ରମଣ କରିଥିଲେ। ସାଙ୍ଗକୁ ବଞ୍ଚାଇବାକୁ ଯାଇ ଅଞ୍ଜନ ଖଣ୍ଡା ଚୋଟରେ ଗୁରୁତର ହୋଇଥିଲେ । ଗୁରୁତର ଅବସ୍ଥାରେ ଅଞ୍ଜନଙ୍କୁ କ୍ୟାପିଟାଲ ହସପିଟାଲ ନିଆଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲା। ଏ ନେଇ ଲକ୍ଷ୍ମୀସାଗର ଥାନାରେ ଏକ ହତ୍ୟା ମାମଲା ରୁଜୁ ହେବା ସହ ପୋଲିସ ଅଧିକ ତଦନ୍ତ ଜାରି ରଖିଛି। 

ଅଧିକ ପଢ଼ନ୍ତୁ ଓଡ଼ିଶା ଖବର