Argus News - ବୈତରଣୀରେ ବୁଡ଼ି ଯୁବକ ନିଖୋଜ

ଅର୍ଗସ ବ୍ୟୁରୋ: ଯୋଡ଼ା ଥାନା କାନପୁର ଡ୍ୟାମ ନିକଟ ବୈତରଣୀ ନଦୀ ପୋଲ ତଳେ ଗାଧୋଉଥିବାବେଳେ ପାଣିରେ ବୁଡ଼ି ଜଣେ  ଯୁବକ ନିଖୋଜ ହୋଇ ଯାଇଛନ୍ତି । ନିଖୋଜ ଯୁବକ ହେଉଛନ୍ତି କଣ୍ଡରା ଗାଁର ସଞ୍ଜିତ ନାଏକ । ଆଜି ଦିନ ପ୍ରାୟ ୧ଟା ସମୟରେ ରଞ୍ଜିତ ନିଜର ସାନ ଭାଇ ଓ ଗ୍ରାମର ଅନ୍ୟ କିଛି ଯୁବକଙ୍କ ସହିତ ଗାଧୋଇବାକୁ ଯାଇଥିବା ବେଳେ ଏହି ଅଘଟଣ ଘଟିଛି । ତାଙ୍କ ଗୋଡ଼ ଖସିଯିବା ଫଳରେ ସେ ଗଭୀର ପାଣିରେ ବୁଡ଼ି ନିଖୋଜ ହୋଇଯାଇଥିଲେ । ଏନେଇ ଯୋଡ଼ା ପୋଲିସ୍ ଓ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା । 

ସୂଚନା ପାଇ ପୋଲିସ ଓ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚିଥିଲେ । ଅଗ୍ନିଶମ ବାହିନୀର କର୍ମଚାରୀ ତାଙ୍କୁ ଖୋଜାଖୋଜି କରିଥିଲେହେଁ ଏଯାଏ ସଞ୍ଜିତଙ୍କ ପତ୍ତା ମିଳିପାରିନାହିଁ । ଘଟଣା ସ୍ଥଳରେ ଅଗ୍ନିଶମ ବାହିନୀର ସର୍ଚ୍ଚ ଅପରେସନ ଜାରି ରଖିଛି। 

ଅଧିକ ପଢ଼ନ୍ତୁ ଓଡ଼ିଶା ଖବର