ସମ୍ବଲପୁର: ସମ୍ବଲପୁର କୁଚିଣ୍ଡାରେ ଲଙ୍କା ଚାଷୀଙ୍କ ଦୁର୍ଦ୍ଦଶା । ୨୪ ବର୍ଷର ସରକାର ଚାଷୀଙ୍କ ପାଇଁ ସୃଷ୍ଟି କରିପାରିଲାନି ବଜାର ବ୍ୟବସ୍ଥା । ଅମଳ ବେଳେ ଅଭାବୀ ବିକ୍ରିର ଶିକାର ହେଉଛନ୍ତି ଚାଷୀ । ନାଁକୁ ମାତ୍ର ଖୋଲିଛି ତିନୋଟି ମଣ୍ଡି । ହେଲେ ଲଙ୍କା ବିକି ୧୨ ବର୍ଷ ପରେ ପଇସା ପାଇନାହାନ୍ତି ଚାଷୀ । ଦଲାଲଙ୍କ ଦୌରାତ୍ମ୍ୟ ଯୋଗୁ ଶୋଷିତ ହେଉଛନ୍ତି ଲଙ୍କା ଚାଷୀ । ଆଉ ସେପଟେ ଲଙ୍କା ପ୍ରକ୍ରିୟାକରଣ କେନ୍ଦ୍ରରେ ଝୁଲୁଛି ତାଲା ।

କୁଚିଣ୍ଡା ପରୀମୁଣ୍ଡା ତକ୍ତିମାଳର ଲଙ୍କା ଚାଷୀ ନବୀନ ନାୟକ । ସରକାରଙ୍କୁ ଲଙ୍କା ବିକିଥିଲେ ନବୀନ । ହେଲେ ୧୨ ବର୍ଷ ହେବ ପଇସା ପାଇଲେନି । ସବୁଠୁ ନିରାଶ ପରେ ବକେୟା ୫୦୫୦୪ ଟଙ୍କା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଛନ୍ତି ନବୀନ । ବକେୟା ପାଉଣା ସହ ବଜାର ବ୍ୟବସ୍ଥା ନଥିବାରୁ ଏବେ ଆଉ ଲଙ୍କା ଚାଷ ପ୍ରତି ନବୀନଙ୍କର ଆଗ୍ରହ ନାହିଁ।

ନବୀନଙ୍କ ପରି ପୂରା କୁଚିଣ୍ଡାରେ ହଜାର ହଜାର ଲଙ୍କା ଚାଷୀ ଏବେ ହତାଶ । ଏମାନଙ୍କ ଭିତରୁ ଜଣେ କୁଲଙ୍ଗାଯୋର୍ ର ଚାଷୀ ଭରତ କିଶାନ । ତାଙ୍କ ଘରେ ପଡ଼ିଛି ବସ୍ତା ବସ୍ତା ଲଙ୍କା । ବଜାର ସୁବିଧା ନଥିବାରୁ ୫ କୁଇଣ୍ଟାଲ ଲଙ୍କା ବିକ୍ରି କରି ପାରୁନାହାନ୍ତି ଭରତ । ବଜାର ବ୍ୟବସ୍ଥା ନ ଥିବାରୁ ଲଙ୍କା ଉତ୍ପାଦନ ବେଳେ ଅଭାବି ବିକ୍ରୀର ସମ୍ମୁଖୀନ ହେଉଛି ଚାଷୀ । ଦଲାଲଙ୍କ ପାଦ୍ରୁଭାବ ବଢ଼ିଛି ସେଇଥିପାଇଁ ଅଧାରୁ ଅଧିକ ଚାଷୀ ଲଙ୍କା ଚାଷରୁ ମୁହଁ ଫେରାଇଲେଣି ।

ଆହୁରି ପଢନ୍ତୁ ଓଡିଶା ଖବର...

Argus News | argus news | Odisha Latest News, Breaking News, Trending News, Live TV