ଡାଇରିଆରେ ସ୍ୱାମୀଙ୍କ ମୃତ୍ୟୁ ପରେ ଏବେ ମୃତ୍ୟୁ ସହ ସଂଗ୍ରାମ କରୁଛି ସ୍ତ୍ରୀ

ବଲାଙ୍ଗୀର: ଡାଇରିଆରେ ସ୍ୱାମୀଙ୍କ ମୃତ୍ୟୁ ପରେ ଏବେ ମୃତ୍ୟୁ ସହ ସଂଗ୍ରାମ କରୁଛି ସ୍ତ୍ରୀ । ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ମାଳିବାହାଲ ଗାଁ ର ସନ୍ତୋଷ ମାଝୀ ଡାଇରିଆରେ ଆକ୍ରାନ୍ତ ହୋଇ ସୋମବାର ମୃତ୍ୟୁ ହୋଇଥିବାବେଳେ ତାଙ୍କ ସ୍ତ୍ରୀ ସରୋଜିନୀ ମାଝୀ ଏବେ ଜୀବନ ସହ ସଂଗ୍ରାମ କରୁଛନ୍ତି । 

କଣ୍ଟାବାଞ୍ଜି ସ୍ଵାସ୍ଥ୍ୟକେନ୍ଦ୍ରରେ ଡାଇରିଆ ରୋଗୀଙ୍କ ସ୍ୱତନ୍ତ୍ର ବେଡ଼ର ବ୍ୟବସ୍ଥା ନ ଥିବା ଯୋଗୁଁ ଅନ୍ୟ ରୋଗୀ ମାନେ ଭୟ କରୁଛନ୍ତି । କଣ୍ଟାବାଞ୍ଜି ସ୍ୱାସ୍ଥ୍ୟ କେନ୍ଦ୍ରକୁ ଟିଟିଲାଗଡ ଉପ ଜିଲ୍ଲାପାଳଙ୍କ ସହ ସିଡିଏମଓ, ବିଭିନ୍ନ ବିଭାଗର ଅଧିକାରୀମାନେ ତଦନ୍ତ କରିବା ସହ ଲୋକଙ୍କୁ ସଚେତନତା କରୁଛନ୍ତି ।  

ଏହି ଘଟଣା ଘଟିବା ପରେ ଅଞ୍ଚଳରେ ଭୟର ବାତାବରଣ ଦେଖିବାକୁ ମିଳିଛି । ଡାଇରିଆରେ ମୃତ୍ୟୁ ଖବରକୁ ସ୍ୱାସ୍ଥ୍ୟ ବିଭାଗ ଓ ପ୍ରଶାସନ ଚପାଇବାକୁ ଉଦ୍ୟମ କରୁଥିବା ଚର୍ଚ୍ଚା ହେଉଛି । ଏବେବି ଅନେକ ଆକ୍ରାନ୍ତ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।

ଆହୁରି ପଢନ୍ତୁ ଓଡିଶା ଖବର...