ଅର୍ଗସ ବ୍ୟୁରୋ: ପୁଣି କାଳ ସାଜିଲା ମୁକୁଳା ଡ୍ରେନ୍ । ବର୍ଷା ପାଣିର ସୁଅରେ ଭାସିଯାଇ ୧୧ ବର୍ଷର ଛାତ୍ରର ମୃତ୍ୟୁ । ଏଭଳି ଅଭାବନୀୟ ଘଟଣା ଘଟିଛି ବ୍ରହ୍ମପୁର ବଡ଼ବଜାର ଥାନା ଲକ୍ଷ୍ମୀ ନୃସିଂହ ସାହି ୧୪ ନଂ ଗଳିରେ । ମୃତ ନାବାଳକ ସାଇରାମ ପାତ୍ର । ରାତ୍ର ୮ଟା ସମୟରେ ଟ୍ୟୁସନ୍ ସାରି ଘରକୁ ଫେରୁଥିବାବେଳେ ନାଳରେ ଖସି ଭାସି ଯାଇଥିଲେ ନାବାଳକ । ଡ୍ରେନରେ ପାଣିର ସୁଅ ଏତେ ମାତ୍ରାରେ ଥିଲା ଯେ, ସେ ଚଲାଉଥିବା ସାଇକେଲ ସହ ନିଜେ ଭାସି ଯାଇଥିଲେ । ସାଇକେଲ ମିଳିଥିଲା କିନ୍ତୁ ଦୀର୍ଘ ସମୟ ପର୍ଯ୍ୟନ୍ତ ପିଲାର ପତ୍ତା ମିଳିନଥିଲା । ଖବର ପାଇ ଅଗ୍ନିଶମ ଟିମ୍, BMC ଟିମ୍ ଘଟଣାସ୍ଥଳରେ ପହଞ୍ଚି ଖୋଜିବା ଆରମ୍ଭ କରିଥିଲେ । ଦୀର୍ଘ 5ଘଣ୍ଟା ପରେ ଡ୍ରେନ ଶେଷ ଭାଗରେ ଥିବା ପଙ୍କରୁ ପିଲାଟିର ମୃତଦେହ ଉଦ୍ଧାର ହୋଇଥିଲା । ଘଟଣା ପରେ BMCର ପାରିବାପଣିଆ ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ତେବେ ଲକ୍ଷ୍ମୀ ନୃସିଂହ ସାହି ଦେଇ ୫ଟି ୱାର୍ଡର ଡ୍ରେନ୍ ପାଣି ନିଷ୍କାସନ ହେଉଥିବାବେଳେ ଅସରାଏ ବର୍ଷାରେ ଅଣ୍ଟାଏ ଉଚ୍ଚର ପାଣି ଜମେ । ଏ ନେଇ ସାହି ବାସିନ୍ଦା ବହୁବାର ବିଏମସି କର୍ତ୍ତୃପକ୍ଷଙ୍କୁ ଜଣାଇଥିଲେ ମଧ୍ୟ କିଛି ସୁଫଳ ନାହିଁ । ଆଉ ଏବେ ଜଣଙ୍କ ମୃତ୍ୟୁ ପରେ ବିଏମସି ଲୋକ ଦେଖାଣିଆ ପଦକ୍ଷେପ ନେଇଥବା ଦେଖାଯାଇଛି । ସେପଟେ ଘଟଣା ପରେ ମୃତ ଛାତ୍ରଙ୍କ ପରିବାରକୁ ଭେଟିଥିଲେ ପରିବହନ ମନ୍ତ୍ରୀ ବିଭୁତି ଭୂଷଣ ଜେନା । ମୃତକଙ୍କ ପରିବାରକୁ ୨୦ ଲକ୍ଷ ଟଙ୍କା କ୍ଷତିପୂରଣ ପାଇଁ ଦାବି କରିଛନ୍ତି ୱାର୍ଡ ବାସିନ୍ଦା

ଅଧିକ ପଢ଼ନ୍ତୁ ଓଡିଶା ଖବର...

Argus News | argus news | Odisha Latest News, Breaking News, Trending News, Live TV