ପ୍ରଥମ ଦିନ ଭଳି ପରୀକ୍ଷାର ଦ୍ବିତୀୟ ଦିନରେ ମଧ୍ୟ ଅବ୍ୟବସ୍ଥା ଠାବ କଲା  AI 

କଟକ:  ପ୍ରଥମ ଦିନ ଭଳି ମାଟ୍ରିକ ପରୀକ୍ଷାର ଦ୍ବିତୀୟ ଦିନରେ ମଧ୍ୟ ରାଜ୍ୟର ବିଭିନ୍ନ ପରୀକ୍ଷା କେନ୍ଦ୍ରରେ ଅବ୍ୟବସ୍ଥା ଠାବ କରିଛି AI । ରାଜ୍ୟର ମୋଟ ୭ଟି ପରୀକ୍ଷା କେନ୍ଦ୍ରରେ ଏହି ମନୁଷ୍ୟକୃତ ତୃଟି ସାମନାକୁ ଆସିଛି । ଦ୍ବିତୀୟ ଦିନ ଦ୍ବିତୀୟ ଭାଷା ଇଂରାଜି  ପରୀକ୍ଷାରେ କପି କରୁଥିବା ଅବସ୍ଥାରେ ୧୦ ଜଣ ପରୀକ୍ଷାର୍ଥୀଙ୍କୁ AI ଚିହ୍ନଟ କରିବା ପରେ ସେମାନଙ୍କୁ ନିଲମ୍ବିତ କରାଯାଇଥିଲା । ଏହି ସମସ୍ତ ୭ଟି ଯାକ କ୍ଷେତ୍ରରେ ପରୀକ୍ଷା ପରିଚାଳନାରେ ଗୁରୁତର ତୃଟି ସାମନାକୁ ଆସିଥିଲା ।

ବଡ଼ କଥା ହେଉଛି କି AI ଦ୍ବାରା ସଂଗୃହିତ ହୋଇଥିବା ଲାଇଭ ଭିଡିଓରୁ ଏହି  ସମସ୍ତ ପରୀକ୍ଷା କେନ୍ଦ୍ରରେ ପରୀକ୍ଷା ପରିଚାଳନା ଦାୟୀତ୍ବରେ ଥିବା ଶିକ୍ଷକ ଶିକ୍ଷୟତ୍ରୀମାନଙ୍କ ଦାୟୀତ୍ବ ହୀନତା ଧରା ପଡିଥିଲା । ଫଳସ୍ବରୂପ ସେମାନଙ୍କ ମଧ୍ୟରୁ କିଛି ଅଧିକାରୀଙ୍କୁ ତାଗିଦ କରି ଛାଡି ଦିଆଯାଇଥିବା ବେଳେ ଆଉ କିଛିଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ରାଜ୍ୟ ସରକାରଙ୍କୁ ସୁପାରିସ କରିଛି ବୋର୍ଡ । 

ଅଧିକ ପଢନ୍ତୁ ଓଡ଼ିଶା ଖବର