ଅର୍ଗସ ବ୍ୟୁରୋ:  ବାୟୁ ପ୍ରଦୂଷଣରେ ଦିଲ୍ଲୀକୁ ଟପିଲା ବାଲେଶ୍ୱର । କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ପରିଷଦ ରିପୋର୍ଟରୁ ଆସିଛି ଏଭଳି ସାଘାଂତିକ ତଥ୍ୟ । ଏକ୍ୟୁଆଇ ଅତି ସାଂଘାତିକ ସ୍ତରରେ ରହିଥିବା ଦେଶର 17ଟି ସହର ମଧ୍ୟରେ ଓଡ଼ିଶାରୁ 6ଟି ସହର ରହିଛି । ସେଥିମଧ୍ୟରୁ ବାଲେଶ୍ବର ସହରର ବାୟୁ ମାନ ସୂଚକାଙ୍କ ଅତି ସାଘାଂତିକ ସ୍ତରରେ ରହିଛି, ଯାହାକି ଦିଲ୍ଲୀଠାରୁ ଅଧିକ । ରବିବାର ଅପରାହ୍ନ 4ଟା ସୁଦ୍ଧା ଦିଲ୍ଲୀ ବାୟୁରେ ଏକ୍ୟୁଆଇ ପିଏମ୍-2.5 ତଥା ଛୋଟ ଧୂଳିକଣାର ମାତ୍ରା 333 ରହିଥିଲା ।

ଯେତେବେଳେ କି ବାଲେଶ୍ବରର ଏକ୍ୟୁଆଇ ପିଏମ୍-2.5 ମାତ୍ରା 334ରେ ପହଞ୍ଚିଛି । ବିଗତ ସପ୍ତାହେ ହେଲା ବାଲେଶ୍ବର ସମେତ ଉତ୍ତର ଓଡ଼ିଶାର ଅଧିକାଂଶ ସହର ବାୟୁରେ ଛୋଟ ଧୂଳିକଣା ଜମି ରହୁଥିବାରୁ ପରିଣାମ ଅଧିକ ସାଘାଂତିକ ସ୍ତର ଆଡ଼କୁ ଗତି କରୁଛି । ବାଲେଶ୍ବର ବ୍ୟତୀତ ବାରିପଦାରେ ଏକ୍ୟୁଆଇ ପିଏମ୍-2.5 ମାତ୍ରା 316ରେ ପହଞ୍ଚିଥିବାବେଳେ କେନ୍ଦୁଝରରେ 314, ରାଇରଙ୍ଗପୁରରେ 308 ରେକର୍ଡ ହୋଇଛି । ପର୍ବପର୍ବାଣି କିମ୍ବା ବାଣ ଫୁଟା ନଥିଲେ ମଧ୍ୟ ଭୁବନେଶ୍ବର ଓ କଟକ ସ୍ଥିତି ଅତି ସାଂଘାତିକ ସ୍ତର ଆଡ଼କୁ ଯାଉଛି । ଭୁବନେଶ୍ବରରେ ଏକ୍ୟୁଆଇ ପିଏମ୍-2.5 ମାତ୍ରା 311 ରେକର୍ଡ ହୋଇଛି ।

ଅଧିକ ପଢ଼ନ୍ତୁ ଓଡିଶା ଖବର: