କେନ୍ଦୁଝର: 24 ଘଣ୍ଟିଆ କେନ୍ଦୁଝର ବନ୍ଦ । ରେଳ ସଂଯୋଗୀକରଣକୁ ବିରୋଧ କରି ୨୪ ଘଣ୍ଟିଆ କେନ୍ଦୁଝର ବନ୍ଦ ଡାକରା । ଶୁଆକାଠି ଖଣିରୁ ଗୁହାଳଡ଼ିହି ଯାଏଁ ରେଳ ସଂଯୋଗୀକରଣକୁ ବିରୋଧ କରି ବନ୍ଦ ଡାକରା ଦେଇଛନ୍ତି ଜିଲ୍ଲା ଟ୍ରକ ମାଲିକ ସଙ୍ଘ। ବନ୍ଦ ପ୍ରଭାବରେ ଜାତୀୟ ରାଜପଥ -୨୦ରେ ହଜାର ହଜାର ଗାଡି ଅଟକ ରହିଛି । ଯାତାୟାତ ବାଧାପ୍ରାପ୍ତ ଯୋଗୁଁ ଯାତ୍ରୀମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ସକାଳ 6ଟାରୁ ବନ୍ଦ ଡାକରା ଦିଆଯାଇଛି ।

ଟ୍ରକ ମାଲିକ ସଙ୍ଘ ର ମୁଖ୍ୟ ଦାବି ରହୁଛି omc ଶୁଆକାଠି ଠାରୁ ଗୁହାଳୀଡ଼ିହି କୁ ରେଳସଂଯୋଗୀକରଣ କରି ଲୁହାପଥର ପରିବହନ ପ୍ରସ୍ତାବ ଯୋଗୁ ଜିଲ୍ଲାର ଅନେକ ଟ୍ରକ ମାଲିକ ଙ୍କ ଠାରୁ ଆରମ୍ଭ କରି ବ୍ୟବସାୟୀ ତଥା ସାଧାରଣ ଲୋକ ଅର୍ଥନୀତିକ ଦୁରାବସ୍ଥା ଭୋଗିବେ। ତେଣୁ ଏହି ପ୍ରସ୍ତାବ କୁ ବିରୋଧ କରି ଆଜି ସକାଳ ୬ ଟାରୁ ଆରମ୍ଭ ହୋଇଛି ଅଖଚକ ବନ୍ଦ। ଆନନ୍ଦପୁର ର ଜାତୀୟ ରାଜପଥ ୨୦ ର ଶୈଲଙ୍ଗ ନିକଟରେ ଟ୍ରକ ମାଲିକ ମାନେ ଏକତ୍ରିତ ହୋଇ ସମସ୍ତ ଯାନବାହାନ ଅଟକ ରଖୁଥିବା ଦେଖିବାକୁ ମିଳିଛି। ଏଥି ସହିତ ବଜାର, ସରକାରୀ କାର୍ଯ୍ୟାଳୟ, ସ୍କୁଲ କଲେଜ ସବୁ ବନ୍ଦ କରାଯାଉଥିବା ନଜର ଆସିଛି। ଏହି ବନ୍ଦ କୁ ବିଭିନ୍ନ ସଂଗଠନ ସମର୍ଥନ ଜଣାଇଥିବା ବେଳେ ବନ୍ଦ ସୁରୁଖୁରୁରେ ଚାଲିଥିବା ଟ୍ରକ ମାଲିକ ସଙ୍ଘ ସଭାପତି ପ୍ରକାଶ କରିଛନ୍ତି।

ଅଧିକ ପଢନ୍ତୁ ଓଡ଼ିଶା ଖବର

Argus News | argus news | -Argusnews Home: Odisha Latest News, Breaking News, Trending News, Live TV and more