ନାବାଳିକାକୁ ବିଜେଡି ନେତା ଶାରୀରିକ ଓ ମାନସିକ ନିର୍ଯାତନା ଦେଉଥିବା ଅଭିଯୋଗ

ସମ୍ବଲପୁର:  ନାବାଳିକାଙ୍କୁ ବିଜେଡି ନେତା ଯୌନ ନିର୍ଯାତନା ଦେଉଥିବା ଅଭିଯୋଗ ।  ଥାନାରେ ଅଭିଯୋଗ ପରେ ବି ନବନିର୍ବାଚିତ ବିଧାୟକ ସୁରକ୍ଷାରେ ଅଭିଯୁକ୍ତ ।  ସମ୍ବଲପୁର ଜୁଜୁମୁରାର ବିଜେଡି ନେତା ନବ କିଶୋର ନାୟକ ୩ ବର୍ଷ ହେବ ଜଣେ ନାବାଳିକାଙ୍କୁ ତାଙ୍କ ଘରେ କାମ କରିବା ପାଇଁ ରଖିଥିଲେ । 

ନାବାଳିକାକୁ ବିଜେଡି ନେତା ଶାରୀରିକ ଓ ମାନସିକ ନିର୍ଯାତନା ଦେଉଥିବା ଅଭିଯୋଗ ହୋଇଛି । ପରିବାର ଲୋକ କି କାହା ଆଗରେ ମୁହଁ ଖୋଲିଲେ ହତ୍ୟା ଧମକ ଦିଆଯାଇଥିଲା । କିଛି ଦିନ ପୂର୍ବରୁ ପରିବାର ଲୋକ ନିଜ ଝିଅକୁ ଦେଖିବା ପାଇଁ ଯାଇଥିବାବେଳେ ନାବାଳିକା ସବୁ କଥା କହିଥିଲେ । 

ଏନେଇ ପରିବାର ଲୋକ ଜୁଜୁମୁରା ଥାନାରେ ବିଜେଡି ନେତା ନବ କିଶୋର ନାୟକ ନାଁରେ ଲିଖିତ ଅଭିଯୋଗ କରିଛନ୍ତି । ତେବେ ଅଭିଯୁକ୍ତ ଜଣକ ନବ ନିର୍ବାଚିତ ବିଧାୟକଙ୍କ ସୁରକ୍ଷାରେ ରହିଥିବାରୁ ପୋଲିସ ଗିରଫ କରିନଥିବା ଅଭିଯୋଗ ହୋଇଛି ।

ଆହୁରି ପଢନ୍ତୁ ଓଡିଶା ଖବର...