ଅର୍ଗସ ବ୍ୟୁରୋ: ହୀରାକୁଦ ଡିଗ୍ରୀ କଲେଜ ପରୀକ୍ଷା ପରିଚାଳନାରେ ତ୍ରୁଟି ହୋଇଥିବା ଅଭିଯୋଗ l ଗତ 3 ଓ 4 ତାରିଖରେ କଲେଜର ବାଣିଜ୍ୟ ପାଠ୍ୟକ୍ରମର BSM ବିଷୟର ପରୀକ୍ଷା ହୋଇଥିଲା । ପରୀକ୍ଷାରେ ଅନୁପସ୍ଥିତ ଥିବା କିଛି ଛାତ୍ରଛାତ୍ରୀଙ୍କ ଖାତା ବାହ୍ୟ ପରୀକ୍ଷକ ଏକ୍ସଟରନାଲଙ୍କ ଘରକୁ ଖାତା ପଠା ଯାଇଥିବା ଅଭିଯୋଗ ହୋଇଛି । ସେପଟେ କଲେଜ ଅଧକ୍ଷା ଅଭିଯୋଗକୁ ଖଣ୍ଡନ କରିଛନ୍ତି । ତେବେ ପରୀକ୍ଷାର ନିରିକ୍ଷକ ଅଧ୍ୟାପିକା ଅଭିଯୋଗର ସତ୍ୟତା ଥିବା ଦାବି କରିଛନ୍ତି ।

୫ ଟି ଅଧ୍ୟକ୍ଷଙ୍କ ନୂଆଁ "ଓ" କାର୍ଯ୍ୟକ୍ରମ ପାଇ ହୀରାକୁଦ ଡିଗ୍ରୀ କଲେଜ ପରିକ୍ଷାରେ ତ୍ରୁଟି । ଏପଟି କଲେଜ କର୍ତ୍ତୃପକ୍ଷ ନୁଆଁ ଓ କାର୍ଯ୍ୟକ୍ରମରେ ଯୋଗ ଦେଲେ । ସେପଟେ ପରିକ୍ଷାରେ ତ୍ରୁଟି ହୋଇଛି । ଯୁକ୍ତ୨ ଦ୍ୱିତୀୟ ବର୍ଷର ପରୀକ୍ଷା ପରିଚାଳନାରେ ତ୍ରୁଟି ହୋଇଥିବା ନେଇ କଲେଜର ଅଧ୍ୟାପିକା ସରିତା ଷଡ଼ଙ୍ଗୀ ଅଭିଯୋଗ ଆଣିଛନ୍ତି l ଜାନୁୟାରୀ 3 ଓ 4 ତାରିଖରେ ବାଣିଜ୍ୟ ଯୁକ୍ତ 2 ଦ୍ୱିତୀୟ ବର୍ଷର ବିଏସଏମ ବିଷୟର ପରୀକ୍ଷା ଅନୁଷ୍ଠିତ ହୋଇଥିଲା ।

ପରୀକ୍ଷାରେ କିଛି ଜଣ ଛାତ୍ରଛାତ୍ରୀ ଅନୁପସ୍ଥିତ ଥିଲେ । କିଛି ଦିନ ପରେ କଲେଜ କର୍ମଚାରୀ ଅନୁପସ୍ଥିତ ଥିବା ଛାତ୍ରଛାତ୍ରୀ ପରୀକ୍ଷା ଖାତା ଝାରସୁଗୁଡାରେ ରହୁଥିବା ଏକ୍ସଟରନାଲ ବା ବାହ୍ୟ ପରୀକ୍ଷକଙ୍କ ଘରକୁ ପହଞ୍ଚାଇ ଥିଲେ l ସେଠାରେ ପରୀକ୍ଷକ ଅନୁପସ୍ଥିତ ଥିବା ଛାତ୍ରଛାତ୍ରୀଙ୍କୁ ଖାତା ନାମ ମାତ୍ର ସଂଶୋଧନ କରି ମାର୍କ ଦେଇଥିବା ଅଭିଯୋଗ ହୋଇଛି l 10 ରୁ 15 ଜଣ ଛାତ୍ରଛାତ୍ରୀଙ୍କୁ ଏମିତି ଅନିୟମିତତା ହୋଇଛି ।

ଝାରସୁଗୁଡାରେ ଖାତା ସଂଶୋଧନ କରିଥିବା ଅଧ୍ୟାପକ ଜଣଙ୍କ ହେଲେ ବାମରା କଲେଜର । ସେ ଝାରସୁଗୁଡାରେ ରହୁଛନ୍ତି । ସେପଟେ କଲେଜର ଅଧ୍ୟକ୍ଷା ସୁମିତ୍ରା ପଣ୍ଡା କହିଛନ୍ତି ଜାଣତରେ ପରୀକ୍ଷାରେ କୌଣସି ତ୍ରୁଟି ହୋଇନାହିଁ । ସବୁ କିଛି ନିୟମ ମୁତାବକ ହୋଇଛି । ୫ ଟି ଅଧ୍ୟକ୍ଷଙ୍କ ନୂଆ "ଓ" କାର୍ଯ୍ୟକ୍ରମ କଲେଜ କର୍ତ୍ତୃପକ୍ଷ ଯୋଗ ଦେଇଥିବା କହିଛନ୍ତି ଅଧ୍ୟକ୍ଷା ।
ଏହିଭଳି ପରିସ୍ଥିତିରେ ଛାତ୍ରଛାତ୍ରୀମାନଙ୍କ ଭବିଷ୍ୟତ ଅନ୍ଧକାର ଆଡକୁ ଠେଲି ହେଉଛି । କଲେଜର ପ୍ରିନ୍ସପାଲ ପଦବୀ ପାଇଁ ଅଧ୍ୟାପକ ଅଧ୍ୟାପିକାମାନଙ୍କ ମଧ୍ୟରେ ପ୍ରତିଦ୍ବନ୍ଦିତା ଲାଗି ରହିଥବାରୁ ଏହି ଭଳି ବିବାଦୀୟ ପରିସ୍ଥିତି କଲେଜରେ ସୃଷ୍ଟି ହୋଇଥିବାର ଚର୍ଚ୍ଚା ହେଉଛି ।

ଆହୁରି ପଢନ୍ତୁ ଓଡିଶା ଖବର...

Argus News | argus news | -Argusnews Home: Odisha Latest News, Breaking News, Trending News, Live TV and more