କୋରାପୁଟ: କୋରାପୁଟ ଜିଲ୍ଲା ନାରାୟଣପାଟଣା  ଝଂଜାବତି ନଦୀରେ ୮ମାସର ଗର୍ଭବତୀ ମହିଳା ଓ ୬ ବର୍ଷର ଝିଅ ଭାସିଯାଇଥିବା ସନ୍ଧେହ । ପ୍ରସବ ପାଇଁ ପାଲାପୁଟ ସ୍ଥିତ ମାଆଗୃହରୁ ଶୌଚ ପାଇଁ ନିକଟସ୍ଥ ଝଂଜାବତି ନଦୀରେ ଯାଇ ନିଖୋଜ ହୋଇଥିବା ସୂଚନା ମିଳିଛି । 

ପ୍ରଥମେ ଝିଅ ପରେ ମାଆ ନଦୀ ଭିତରକୁ ପଶି ଯାଇଥିବା ସୂଚନା ।  ୬ବର୍ଷର ଝିଅକୁ ଉଦ୍ଧାର କରିବାକୁ ଯାଇ ଦୁର୍ଘଟଣା ଘଟିଥାଇ ପାରେ ବୋଲି ସ୍ଥାନୀୟ ପୋଲିସର ପ୍ରାଥମିକ ସୂଚନା ମିଳିଛି । ଗର୍ଭବତୀ ମହିଳା ନାରାୟଣପାଟଣା ଥାନା ଡୋକରିଘାଟି ଗାଁର ରାମ ତାଡିଂଙ୍କ ସ୍ତ୍ରୀ ମତି ତାଡିଂ ବୋଲି ଜଣାପଡ଼ିଛି । 

ଗତକାଲି ରାତ୍ରିରୁ ଘଟଣାସ୍ଥଳକୁ ସ୍ଥାନୀୟ ଦମକଳ ଟିମ୍ ଓ ପୋଲିସ ପହଞ୍ଚି ଖୋଜାଖୋଜି କରୁଛନ୍ତି । ଅନ୍ୟପଟେ ଅଗ୍ନିଶ୍ରମ ବାହିନୀ ଓ ଓଡ୍ରାଫ୍ ଟିମ୍ ପହଞ୍ଚି ଗର୍ବବତୀ ମହିଳାଙ୍କୁ ଉଦ୍ଧାର କରିଛନ୍ତି । କିନ୍ତୁ ଏବେ ବି ଛଅ ବର୍ଷ ଝିଅ ମିଳି ନଥିବା ସୂଚନା ରହିଛି । ଏନେଇ ସ୍ଥାନୀୟ ବାସିନ୍ଦା ସ୍ୱାସ୍ଥ୍ୟ ବିଭାଗର ଅପରତା ଯୋଗୁଁ ଆଜି ଗର୍ଭବତୀ ମହିଳା ଓ ଛୁଆର ଏପରି ଅବସ୍ଥା ହୋଇଛି ବୋଲି ଦାୟୀ କରିଛନ୍ତି । 

ଆହୁରି ପଢନ୍ତୁ ଓଡିଶା ଖବର...