ଦମ୍‌ ଦେଖାଇଲେ ଅନନ୍ତ
ଫ୍ଲପ୍‌ ହେଲେ ଅମରେଶ

ଅର୍ଗସ ବ୍ୟୁରୋ : ବାଜି ମାରିଲେ ଅନନ୍ତ, ଫ୍ଲପ୍‌ ହେଲେ ଅମରେଶ । ଘନଘନ ନବୀନ ନିବାସ ଦଉଡ଼ିଲେ । ହେଲେ ବି ଆଶା ପୂରଣ ହେଲାନି । ଅର୍ଥାତ ଟିକଟ ପାଇଲେନି ଅମରେନ୍ଦ୍ର । ଆଶା ଥିଲା କି ଏଥର ବିଧାନସଭା ଯିବେ...କିନ୍ତୁ ଟିକଟ ଘୋଷଣା ହେବା ପରେ ଅମରେନ୍ଦ୍ରଙ୍କ ସବୁ ଆଶା ଆଶାରେ ହିଁ ରହିଗଲା । କୁହାଯାଉଛି କି ଟିକଟ ନମିଳିବା ପରେ ଖୁବଶୀଘ୍ର ସେ ନେଇପାରନ୍ତି ବଡ଼ ନିଷ୍ପତ୍ତି । ହେଲେ ସେ ନିଷ୍ପତ୍ତି କଣ ହେବ ସେନେଇ କିନ୍ତୁ ସ୍ପଷ୍ଟ ସୂଚନା ମିଳିପାରିନାହିଁ ।

ଆଜି ସବୁ ଅପେକ୍ଷାର ହେଲା ଅନ୍ତ ଶେଷରେ ସବୁ ଦ୍ୱନ୍ଦ୍ୱର ଅନ୍ତ ଘଟାଇ ବିଜେଡି ଭୁବନେଶ୍ୱର ମଧ୍ୟ ଆସନ ପାଇଁ ବିଧାନସଭା ଟିକେଟ ଘୋଷଣା କରିଛି । ବିଜେଡି ପୁଣି ଏହି ଆସନରୁ ଅନନ୍ତ ନାରାୟଣ ଜେନାଙ୍କୁ ଟିକେଟ ଦେଇଛି । ଭୁବନେଶ୍ୱର ମଧ୍ୟ ପାଇଁ କର୍ପୋରେଟର ଅମରେଶ ଜେନା ଆଶାୟୀ ଥିବା ନେଇ ଚର୍ଚ୍ଚା ହେଉଥିଲା । ହେଲେ ଦଳ ପୁଣି ଅନନ୍ତ ଜେନାଙ୍କୁ ଭରସା କରିଛି ।

ଭୁବନେଶ୍ୱର ମଧ୍ୟ ପାଇଁ ଅମରେଶଙ୍କ ବ୍ୟତୀତ ରୁଦ୍ର ସାମନ୍ତରାୟ ବି ଆଶାୟୀ ଥିବା ଚର୍ଚ୍ଚା ହେଉଥିଲା । ଅନନ୍ତଙ୍କୁ ବିରୋଧ କରି ଏହି ଦୁଇ ନେତା ଭୁବନେଶ୍ୱରରେ ଶକ୍ତି ପ୍ରଦର୍ଶନ ମଧ୍ୟ କରିଥିଲେ । ହେଲେ ବହୁ କସରତ ପରେ ବିଜେଡି ଶେଷରେ ଅନନ୍ତଙ୍କୁ ଏହି ଆସନ ପାଇଁ ପୁଣି ବାଛିଚି । ତେବେ ପୂର୍ବରୁ ବିଜେଡି ଭୁବନେଶ୍ୱର ଏକାମ୍ର ଓ ଉତ୍ତର ଆସନ ପାଇଁ ଟିକେଟ ଘୋଷଣା କରିସାରିଥିଲା ।

Argus News | argus news | -Argusnews Home: Odisha Latest News, Breaking News, Trending News, Live TV and more