ଅର୍ଗସ ବ୍ୟୁରୋ:  ଇସ୍ପାତ ସହରରେ ଝାଡ଼ାବାନ୍ତି ଆତଙ୍କ। ଝାଡ଼ାବାନ୍ତିରେ ପଡ଼ି ଚାଲିଗଲା ଆଉ ଗୋଟେ ଜୀବନ।  ଇସ୍ପାତ ନଗରୀ ରାଉରକେଲାରେ ଏବେ ସୁଦ୍ଧା ଝାଡ଼ାବାନ୍ତିରେ  ମୋଟ 6 ଜଣଙ୍କ ମୃତ୍ୟୁ ହେଲାଣି। ତଥାପି ନିର୍ବିକାର ରାଜ୍ୟ ସରକାର। PSDର ପାଣି ଗୋଳିଆ ଆସୁଥିବାରୁ ଏହି ପାଣି ପିଇ ଲୋକମାନେ ଝାଡ଼ାବାନ୍ତିର ଶିକାର ହେଉଥିବା ଅଭିଯୋଗ ହେଉଛି। ଡିସେମ୍ବର 10 ତାରିଖରୁ ଡାଇରିଆ ରୋଗୀଙ୍କ ସଂଖ୍ୟା ବଢିବାରେ ଲାଗିଛି । ଝାଡାବାନ୍ତିରେ 245 ଜଣ ଆକ୍ରାନ୍ତ ହୋଇଥିବାବେଳେ ରାଉରକେଲା ସରକାରୀ ହସ୍ପିଟାଲରେ ଶତାଧିକ ରୋଗୀ ଭର୍ତ୍ତି ହୋଇଛନ୍ତି ।

ସ୍ୱାସ୍ଥ୍ୟବିଭାଗର ନିର୍ଦ୍ଦେଶକ୍ରମେ 4 ଜଣିଆ ଡାକ୍ତରୀ ଟିମ୍ ରାଉରକେଲା ମେଡିକାଲ୍ ଯାଇ ସ୍ଥିତି ଅନୁଧ୍ୟାନ କରିଛନ୍ତି । ସେପଟେ ରାଉରକେଲାରେ ସାତ ସପନ ପାଲଟିଛି ରାଜ୍ୟ ସରକାରଙ୍କ ସ୍ବଚ୍ଛ ପାନୀୟ ଜଳ ପ୍ରତିଶ୍ରୁତି।  ସରକାରଙ୍କ ଡ୍ରିଙ୍କ୍ ଫ୍ରମ୍ ଟ୍ୟାପ୍ ଯୋଜନାର ଅସ୍ତିତ୍ବକୁ ନେଇ ସୃଷ୍ଟି ହୋଇଛି ପ୍ରଶ୍ନବାଚୀ।

ଅଧିକ ପଢ଼ନ୍ତୁ ଓଡ଼ିଶା ଖବର: