ଭୁବନେଶ୍ୱର:  ଦୁବାଇରେ ପୁଣି ଜଣେ ଦାଦନ ଶ୍ରମିକଙ୍କ ମୃତ୍ୟୁ । ଶବକୁ ଫେରାଇ ଆଣିବାକୁ  ନିବେଦନ କଲେ ପରିବାର ଲୋକ । ମୃତକ ବାସୁଦେବପୁର ପୌରପାଳିକା 14ନମ୍ବର ୱାର୍ଡର ନାଥ ପରିଡାଙ୍କ ପୁଅ ସନାତନ ପରିଡା । ସେ ଚଳିତ ବର୍ଷ ମେ ମାସ 16 ତାରିଖରେ କଟକର ଆଦିତ୍ୟ ଟ୍ରାଭେଲସ ଏଜେନ୍ସି ମାଧ୍ୟମରେ ଦୁବାଇକୁ କାମ କରିବାକୁ ଯାଇଥିଲେ । ସେଠାରେ AC ହେଲପର ଭାବରେ କାର୍ଯ୍ୟ କରୁଥିଲେ। କିଛି ଦିନ ପୂର୍ବରୁ ସେ ଜ୍ବରରେ ଆକ୍ରାନ୍ତ ଥିଲେ ।

ତେବେ ଗତକାଲି ତାଙ୍କର ମୃତ୍ୟୁ ହେଇଥିବା ନେଇ କମ୍ପାନୀ ତରଫରୁ  ପରିବାର ଲୋକଙ୍କୁ ସୂଚନା ଦିଆଯାଇଥିଲା। କମ୍ପାନୀ ତରଫରୁ ଚିକିତ୍ସା ଅବହେଳା  କାରଣରୁ ପୁଅର ମୃତ୍ୟୁ ହେଇଥିବା ପରିବାର ଲୋକେ ଅଭିଯୋଗ ଆଣିଛନ୍ତି । ତୁରନ୍ତ ପୁଅର ଶବକୁ ଗାଁକୁ ଫେରାଇ ଆଣିବା ସହ ଆର୍ଥିକ ସହାୟତା ଯୋଗାଇ ଦେବାକୁ ନିବେଦନ କରିଛନ୍ତି ପରିବାର ଲୋକେ । 

ଅଧିକ ପଢନ୍ତୁ ଓଡ଼ିଶା ଖବର