କହିଁ ପେ ନିଘାଏ କହିଁ ପେ ନିଶାନା । ଶୀତୁଆ ସନ୍ଧ୍ୟାରେ 'ପୀଡା' ବହିର ଉନ୍ମୋଚନ କରି ବିଜେଡି ରାଜନୀତିକୁ ଉଷ୍ମ କରିଛନ୍ତି ବିଜେଡି ବିଧାୟକ ଅରୁଣ ସାହୁ । ବିଧାୟକରୁ ଲେଖକ ସାଜି ନିଜ ଭିତରର ପୀଡାକୁ ବହି ମାଧ୍ୟମରେ ସାମ୍ନାକୁ ଆଣିଛନ୍ତି ଅରୁଣ । ନୂଆପଡ଼ା ଉପନିର୍ବାଚନ ସମୟରେ ଲୋକଙ୍କ ସମସ୍ୟା ଦେଖି ବିଜେଡି ସରକାରର ପୋଲ୍ ଖୋଲିଛନ୍ତି ଅରୁଣ । ଓଡ଼ିଆ ନ ପଢିବା, ନ କହିବା ସବୁଠୁ ବଡ଼ ଅପମାନ କହି ନବୀନଙ୍କୁ କରିଛନ୍ତି କଟାକ୍ଷ ।

ଶୀତୁଆ ସନ୍ଧ୍ୟାରେ 'ପୀଡା' ବହିର ଉନ୍ମୋଚନ କରି ବିଜେଡି ରାଜନୀତିକୁ ଉଷ୍ମ କରିଛନ୍ତି ଅରୁଣ । ବିଧାୟକରୁ ଲେଖକ ସାଜି ନିଜ ଭିତରର ପୀଡାକୁ ବହି ମାଧ୍ୟମରେ ସାମ୍ନାକୁ ଆଣିଛନ୍ତି ଅରୁଣ । ନୂଆପଡ଼ା ଉପନିର୍ବାଚନ ସମୟରେ ଲୋକଙ୍କ ସମସ୍ୟା ଦେଖି ବିଜେଡି ସରକାରର ପୋଲ ଖୋଲିଛନ୍ତି ଅରୁଣ । ଲେଖିଛନ୍ତି ଅନେକ ଅଞ୍ଚଳ ବୁଲିବା ପରେ ସାମାଜିକ ସ୍ଥିତି, ଚଳଣି, ଜୀବନ ଧାରଣର ମାନ, ଅର୍ଥନୈତିକ ଅଭିବୃଦ୍ଧି, ଅପପୁଷ୍ଟି, ଭୟଭ୍ରାନ୍ତି ସାଥିରେ ବିଭ୍ରାନ୍ତି ରହିଛି ।

ଅରୁଣ ଆହୁରି ଲେଖିଛନ୍ତି ଏତେ ବର୍ଷ ଶାସନ ବ୍ୟବସ୍ଥା ଭିତରେ କାହିଁକି ଆମେ ପ୍ରଗତିର ଚରମ ଶିଖରରେ ପହଞ୍ଚି ନାହେଁ ? କାହିଁକି ଆମେ ସବୁ କିଛି ସଜାଡ଼ି ପାରିଲେ ନାହିଁ ବୋଲି ପ୍ରଶ୍ନ କରିଛନ୍ତି ଅରୁଣ । ଦୁର୍ନୀତି, ଦୁର୍ଗତି, ପଶ୍ଚାତ୍‌ଗତି ପାଇଁ ଦାୟୀ କିଏ । କେବଳ ନୂଆପଡ଼ା ଜିଲ୍ଲା ନୁହେଁ ଓଡ଼ିଶାର ବିଭିନ୍ନ ଜିଲ୍ଲାରେ ବିଭିନ୍ନ ଗାଁ ରେ ବିଭିନ୍ନ ସହରରେ ଏହା ଦେଖିବାକୁ ମିଳୁଛି । ଅରୁଣଙ୍କ 'ପୀଡା' ବହିକୁ ନେଇ ଚର୍ଚ୍ଚା ପରେ ବିଜେପି କହିଛି ଅରୁଣ ଯାହା ଲେଖିଛନ୍ତି ସତ ଲେଖିଛନ୍ତି । ବିଜେଡି କହିଛି ଅରୁଣ ବରିଷ୍ଠ ସେ କ'ଣ ଲେଖିଛନ୍ତି ଜାଣିଥିବେ ।

ସେପଟେ ବହି ପୀଡ଼ାରେ ବିଜୁଙ୍କୁ ପ୍ରଶଂସା ଏବଂ ନାଁ ନ ନେଇ ନବୀନଙ୍କୁ କଟାକ୍ଷ କରିଛନ୍ତି ଅରୁଣ । ଲେଖିଛନ୍ତି, ବିଜୁ ବାବୁଙ୍କ ଦୂର ଦୃଷ୍ଟି ଯୋଗୁଁ ଓଡ଼ିଶାରେ ଜିଲ୍ଲା ପୁନର୍ଗଠନ ହେଲା । ପରୋକ୍ଷରେ ନବୀନଙ୍କୁ କଟାକ୍ଷ କରି ଅରୁଣ ଲେଖିଛନ୍ତି ଓଡ଼ିଆ ପଢି ଆସେନି କି ଓଡ଼ିଆ ଲେଖି ଆସେନି ଏହାଠୁ ବଳି ଅପମାନ ଜନକ କଥା ଆଉ କ'ଣ । ପୀଡା ବହିକୁ ନେଇ ଚର୍ଚ୍ଚା ଭିତରେ ଅରୁଣ କହିଛନ୍ତି ମୋ ପୀଡା ଯଦି ସମାଜର ଭଲ ପାଇଁ ଉଦ୍ଧିଷ୍ଟ ଥାଏ ସେଭଳି ପୀଡା ବହନ ପାଇଁ ମୁଁ ପ୍ରସ୍ତୁତ । ବିଧାୟକରୁ କବି ସାଜି ଅରୁଣ ନିଜ ପୀଡା ବଖାଣିଲା ବେଳେ ଦଳର ମୁଖିଆଙ୍କୁ ମାରିଥିବା ଅସ୍ମିତା ବାଣ ଏବେ ବିଜେଡି ଭିତରେ ସୃଷ୍ଟି କରିଛି କମ୍ପନ ।