ବିଧାନସଭାରେ ଗ୍ୟାସ ତାତି । ଗୁରୁବାର ଚାଲିପାରିଲାନି ଗୃହ । ବାରମ୍ବାର ମୁଲତବୀ ପରେ ଏବେ ୪ ଯାଏଁ ଗୃହକୁ ମୁଲତବି କରିଲେ ବାଚସ୍ପତି । ଗ୍ୟାସ୍‌ ଦର ପ୍ରତିବାଦରେ ବିଧାନସଭା ଅପରାହ୍ନ ୪ଟା ଯାଏଁ ଗୃହ ମୁଲତବୀ ରଖିଛନ୍ତି ବାଚସ୍ପତି ସୁରମା ପାଢୀ ।

ଗୁରୁବାର ବିଧାନସଭା ଅଧିବେଶନର ଥିଲା ୪ର୍ଥ ଦିନ । ତିନି ଦିନ ଧରି ବେଶ୍‌ ସୁରୁଖୁରରେ ଚାଲିଥିଲା ଗୃହ । ହେଲେ ଗୁରୁବାର ଦିନ ବିଧାନସଭାର ପ୍ରଶ୍ନକାଳ ଆରମ୍ଭ ହେବା ମାତ୍ରେ ଆରମ୍ଭ ହୋଇଥିଲା ହଙ୍ଗାମା । ରାଜ୍ୟରେ ଗ୍ୟାସ୍‌ ଦର ବୃଦ୍ଧି ପ୍ରତିବାଦରେ ଗୃହ ମଧ୍ୟଭାଗକୁ ଆସିଥିଲେ ବିରୋଧୀ ସଦସ୍ୟ । ରାଜ୍ୟ ଏବଂ କେନ୍ଦ୍ର ସରକାରଙ୍କ ବିରୋଧୀ ହୋହାଲ୍ଲା ଏବଂ ନାରାବାଜି କରିଥିଲେ। ଯାହାକୁ ନେଇ ବାଚସ୍ପତି ପ୍ରଥମେ ଗୃହ ୧୧ଟା ୩୦ ଯାଏଁ ମୁଲତବୀ ରଖିଥିଲେ ବାଚସ୍ପତି । ପରେ ୧୧ ଟା ୩୦ରେ ଗୃହ ଆରମ୍ଭ ହେବା ମାତ୍ରେ ପୁଣି ଥରେ ବିରୋଧୀ ସଦସ୍ୟ ହୋହାଲ୍ଲା ଏବଂ ହଙ୍ଗାମା କରିଥିଲେ । ବିରୋଧୀ ସଦସ୍ୟମାନେ ପ୍ଲାକାର୍ଡ ଧରି ଗୃହ ମଧ୍ୟଭାଗକୁ ଆସିଥିଲେ । ଯାହାପରେ ବାଚସ୍ପତି ଗୃହକୁ ୧୨ଟା ୧୦ ମିନିଟ ଯାଏଁ ମୁଲତବୀ ରଖିଥିଲେ । ସମୟ ଅବଧି ସରିବା ପରେ ଆରମ୍ଭ ହୋଇଥିଲା ବିଧାନସଭା । ହେଲେ ତାପରେ ବି ଥମିନଥିଲା ହୋହାଲ୍ଲା । ସେହି ସମାନ ପ୍ରସଙ୍ଗ ନେଇ ବିଧାନସଭା ହଙ୍ଗାମା ଜାରି ରହିଥିଲା । ଶେଷରେ ବାଚସ୍ପତି ସୁରମା ପାଢୀ ଅପରାହ୍ନ ୪ଟା ଯାଏଁ ଗୃହ ମୁଲତବୀ ରଖିଛନ୍ତି ।

ଗ୍ୟାସ ସଙ୍କଟକୁ ନେଇ ଗୃହମନ୍ତ୍ରୀ ସଚିବ ମାନଙ୍କ ସହିତ ଆଲୋଚନା କରିଛନ୍ତି। ରାଜ୍ୟ ସରକାର ଆଲର୍ଟ ଅଛନ୍ତି। କଳା ବଜାରୀ କିପରି ନ ହେବ ତାହା ଉପରେ ନଜର ରଖାଯାଇଅଛି। ଖୁବଶୀଘ୍ର ଏହାର ସମାଧାନ ହୋଇଯିବ ବୋଲି କହିଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତି ପରିଡା।

ଶୂନ୍ୟକାଳରେ ବିରୋଧୀଙ୍କ ହଟ୍ଟଗୋଳକୁ ନେଇ ଜୋରଦାର ବର୍ଷିଲେ ବିଜେପି ବିଧାୟକ ଇରାଶିଷ ଆଚାର୍ଯ୍ୟ । ଗୃହକୁ ହଟ୍ଟଗୋଳ କରି ବନ୍ଦ କରିବା ନିନ୍ଦନୀୟ ଓ ଦୁଃଖ ଦାୟକ ଲୋକଙ୍କ ପଇସାରେ ଗୃହ ଚାଲିଛି । କେଉଁ ସ୍ୱାର୍ଥରେ କଂଗ୍ରେସ ଏଭଳି କରୁଛି, ବିଜେଡ଼ି ଛିଡ଼ା ହୋଇ ଏହାକୁ ସମର୍ଥନ କରୁଛି । LPG ଉପରେ ପ୍ରଧାନମନ୍ତ୍ରୀ ସ୍ପଷ୍ଟ କରିଛନ୍ତି, ଲୋକଙ୍କ ସ୍ୱାର୍ଥ ହେଉଛି ବଡ଼ କଥା। ଲୋକ ଭୟବିତ ହୁଅନ୍ତୁ ନାହିଁ ।

ମଧ୍ୟପ୍ରାଚ୍ୟରେ ଯୁଦ୍ଧ ପରିସ୍ଥିତି ଲାଗି ଗ୍ୟାସ୍‌ ଏବଂ ତେଲ ଯୋଗାଣାରେ ବାଧା ସୃଷ୍ଟି ହୋଇଛି । ଯାହାଫଳରେ ଗ୍ୟାସ୍‌ ବ୍ୟବହାର ଏବଂ ଯୋଗାଣର ସମସ୍ୟା ସୃଷ୍ଟି ହୋଇଥିଲା । ଏସବୁ ଭିତରେ ନୂଆ ଗାଇଡ୍‌ଲାଇନ୍‌ ଆସିଛି । ଯେଉଁଥିରେ ୨୫ ଦିନର ବୁକିଂ ପରେ ଗ୍ୟାସ୍‌ ମିଳିବ ବୋଲି କୁହାଯାଇଥିଲା।

ପଢନ୍ତୁ ଏହି ଖବର: ଗ୍ୟାସ ପ୍ରସଙ୍ଗରେ ବିରୋଧୀଙ୍କ ହୋହଲ୍ଲା, ଶାସକ-ବିରୋଧି ମୁହାଁମୁହିଁ