ଅର୍ଗସ ବ୍ୟୁରୋ: ମତଦାନ ସମୟରେ ଭୋଟରଙ୍କୁ ଛେଣ୍ଡିପଦା ବିଧାୟକ ସୁଶାନ୍ତ ବେହେରାଙ୍କ ଆକ୍ରମଣ ଘଟଣା । ସୁଶାନ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଏସପି ନିକଟରେ ଫେରାଦ ହେଲେ ପୀଡିତଙ୍କ ସମେତ ବିଜେପି ପ୍ରତିନିଧି ମଣ୍ଡଳୀ। ସୁଶାନ୍ତ ବେହେରା ଶାସକ ଦଳର ବିଧାୟକ ହୋଇଥିବାରୁ ଛେଣ୍ଡିପଦା ପୋଲିସ କାର୍ଯ୍ୟାନୁଷ୍ଠାନରେ ଟାଳଟୁଳ ନୀତି ଅବଲମ୍ବନ କରୁଥିବା ଅଭିଯୋଗ ।

ତେବେ ଗତ ୨୫ ତାରିଖରେ ଛେଣ୍ଡିପଦା ବିଧାନସଭା ନିର୍ବାଚନ ମଣ୍ଡଳୀର କୋଶଳା ସିମିଳି ସାହିର 84 ନମ୍ବର ବୁଥରେ ମତଦାନ ଚାଲିଥିବା ବେଳେ ବିଜେଡି ବିଧାୟକ ସୁଶାନ୍ତ ବେହେରା ଓ ସିଦ୍ଧାର୍ଥ ଶଙ୍କର ସାହୁଙ୍କ ମଧ୍ୟର କୌଣସି କଥାକୁ ନେଇ ତିକ୍ତତା ଦେଖାଦେଇଥିଲା । ଏଥିରେ ସୁଶାନ୍ତ ଉତ୍ୟକ୍ତ ହୋଇ ସିଦ୍ଧାର୍ଥଙ୍କୁ ଆକ୍ରମଣ ଉଦ୍ୟମ ସହ ଜୀବନରୁ ମାରି ଦେବାକୁ ଧମକ ଦେଇଥିଲେ । ପରେ ଏନେଇ ଛେଣ୍ଡିପଦା ଥାନାରେ ଏତଲା ଦେଇଥିଲେ ସିଦ୍ଧାର୍ଥ ଶଙ୍କର ସାହୁ। ହେଲେ ପୋଲିସ କୌଣସି କାର୍ଯ୍ୟାନୁଷ୍ଠାନ ନେଇନଥିବା ଅଭିଯୋଗ ହୋଇଛି । ଅନ୍ୟପଟେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ବିଜେପି ପ୍ରତିନିଧି ଦଳ ଘଟଣା ସମ୍ପର୍କରେ ଅବଗତ କରାଇବା ପରେ ଅନୁଗୁଳ ଜିଲ୍ଲାପାଳଙ୍କୁ ଏନେଇ କାର୍ଯ୍ୟାନୁଷ୍ଠାନ ସହ ରିପୋର୍ଟ ଦାଖଲ ପାଇଁ ନିର୍ଦ୍ଦେଶ ହୋଇଥିବା ଜଣାପଡିଛି

ଅଧିକ ପଢ଼ନ୍ତୁ ଓଡିଶା ଖବର:

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV