ଅର୍ଗସ ବ୍ୟୁରୋ: କେନ୍ଦ୍ରାପଡ଼ା ଜିଲ୍ଲା ଡେରାବିଶ ବ୍ଲକ ନୀଳକଣ୍ଠପୁର ଗାଁର ପରୀକ୍ଷିତ ଓଝା । ରାମ ମନ୍ଦିର ନିର୍ମାଣର ଜଣେ ସହଯୋଗୀ ଶିଳ୍ପୀ । ଗତ ଜୁଲାଇ ମାସରେ ଏକ କମ୍ପାନୀ ଦ୍ଵାରା ମନୋନୀତ ହୋଇ ସେ ଅଯୋଧ୍ୟା ଯାଇଥିଲେ । ଅଯୋଧ୍ୟା ରାମ ମନ୍ଦିର ପରିସରରେ ଥିବା ରଙ୍ଗ ମଣ୍ଡପରେ ସ୍ଥାପିତ ପ୍ରସ୍ତର ମୂର୍ତ୍ତି ନିର୍ମାଣ ଦାୟିତ୍ଵରେ ଥିଲେ ପରୀକ୍ଷିତ । ମନ୍ଦିର ପରିସରରେ ନିର୍ମାଣ ହେଉଥିବା ୬ ଗୋଟି ଅନ୍ୟ ମନ୍ଦିରର ନିର୍ମାଣରେ ମଧ୍ୟ ପରୀକ୍ଷିତଙ୍କ ଭୂମିକା ରହିଛି । ମନ୍ଦିର ନିର୍ମାଣ କାର୍ଯ୍ୟରୁ ସାମୟିକ ବିରତି ନେଇ ଘରକୁ ଫେରିବା ପରେ ।

ଏବେ ପୁଣି ପରୀକ୍ଷିତଙ୍କୁ ଅଯୋଧ୍ୟାରୁ ଡାକରା ଆସିଛି । ମାତ୍ର ୧୪ ବର୍ଷ ବୟସରେ ପରୀକ୍ଷିତ ମୂର୍ତ୍ତି ନିର୍ମାଣ କାର୍ଯ୍ୟରେ ନିଜକୁ ନିୟୋଜିତ କରିଥିଲେ । ଅଯୋଧ୍ୟା ରାମ ମନ୍ଦିର ନିର୍ମାଣରେ ପରୀକ୍ଷିତଙ୍କ ଯୋଗଦାନ ପାଇଁ ତାଙ୍କ ପରିବାର ଲୋକେ ବେଶ୍ ଖୁସି । ସେହିପରି ପ୍ରାଣ ପ୍ରତିଷ୍ଠା ଉତ୍ସବ ଲାଗି ମାଲକାନଗିରି, ତାଳଚେର ଓ ଗଞ୍ଜାମରୁ ଚାଲି ଚାଲି ଅଯୋଧ୍ୟା ଯାଇଥିଲେ ଓଡ଼ିଆ ପିଲା । ମାଲକାନଗିରିର ଦୁଇ ଯୁବକ ଦିନେସ ପଟ୍ଟନାୟକ ଓ ଲୁଲୁ ଭାଇ ଦୀର୍ଘ 1250 କିମି ଅଯୋଧ୍ୟା ପଦଯାତ୍ରା କରିଥିଲେ । ସେହିପରି ତାଳଚେର ଯୁବକ ଶୁଭମ ସାହୁ ରାମଲାଲାଙ୍କ ଗୋଟିଏ ଝଲକ ଦର୍ଶନ ପାଇଁ ଚାଲି ଚାଲି ଅଯୋଧ୍ୟା ଯାଇଥିଲେ । ଏଥିସହ ବ୍ରହ୍ମପୁର ଉପକଣ୍ଠ କନିସି ଗାଁର ଦୁଇ ଯୁବକ ରାମଭକ୍ତିରେ ନିଜକୁ ଲୀନ କରି 1400 କିମି ପାଦରେ ଚାଲି ଚାଲି ଅଯୋଧ୍ୟା ଯାତ୍ରା କରିଥିଲେ ।

ଭବ୍ୟ ରାମ ମନ୍ଦିର ନିର୍ମାଣ ଓ ପ୍ରାଣପ୍ରତିଷ୍ଠା ଉତ୍ସବରେ ରାତିଦିନ ଅର୍ଗସ ନିଜକୁ ସାମିଲ୍ କରିଥିଲା। ପ୍ରତି ରାମ ଭକ୍ତଙ୍କ ପାଖେ ରାଘବଙ୍କ ସହ ଜଡିତ ଟିକନିକ୍ ଖବର ପହଞ୍ଚାଇଥିଲା ଅର୍ଗସ୍ । ଘରେ ବସି ଅର୍ଗସରେ ଅଯୋଧ୍ୟାର ଭବ୍ୟ ଆୟୋଜନ ଦେଖୁଥିଲେ ଦର୍ଶକ । ତେବେ ରାମଲାଲାଙ୍କ ପ୍ରାଣ ପ୍ରତିଷ୍ଠା ପରେ ସବୁଠି ଉତ୍ସବ ମୁଖର । ସାରା ବିଶ୍ବରେ ଏହାକୁ ସ୍ବାଗତ କରାଯାଇଛି । ପ୍ରଧାନମନ୍ତ୍ରୀ ପ୍ରାଣପ୍ରତିଷ୍ଠା କାର୍ଯ୍ୟକ୍ରମରେ ସାମିଲ ହୋଇଥିବାରୁ ସଂସଦରେ ମୋଦିଙ୍କୁ ଭୂୟସୀ ପ୍ରଶଂସା କରିଛନ୍ତି ବିଜେଡି ।

ଅଧିକ ପଢ଼ନ୍ତୁ ଓଡିଶା ଖବର: