କେନ୍ଦ୍ରାପଡା: ଆଳି କଂଗ୍ରେସ ବିଧାୟକ ପ୍ରାର୍ଥିନୀ ଡାକ୍ତର ଦେବସ୍ମିତା ଶର୍ମାଙ୍କୁ ଯୌତୁକ ନିର୍ଯାତନା । ଡାକ୍ତର ସ୍ବାମୀଙ୍କ ସମେତ ଶାଶୁଘର । ଲୋକେ ଯୌତୁକ ଦାବି କରି ନିର୍ଯାତନା ସହ ମାରପିଟ୍ କରୁଥିଲେ । ଏଭଳି ଗୁରୁତର ଅଭିଯୋଗ ଆଣିଛନ୍ତି ନିଜେ ଦେବସ୍ମିତା । ଆଳି ଥାନାରେ ଏନେଇ ଏତଲା ଦାୟର କରିବା ପରେ ପୋଲିସ୍ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଏପରିକି ତାଙ୍କୁ ବହୁବାର ସିଗାରେଟ୍ ଚେଙ୍କ ଦିଆଯାଇଛି, ବାଥରୁମ୍ କବାଟ ବାହାରୁ ବନ୍ଦ କରି ହତ୍ୟା ଉଦ୍ୟମ କରାଯାଇଛି ।

ଖାଲି ସେତିକି ନୁହେଁ, ମୁହଁରେ ତକିଆ ମାଡି ଶ୍ବାସରୁଦ୍ଧ କରି ମାରିବାକୁ ଚେଷ୍ଟା କରାଯାଇଥିବା ଦେବସ୍ମିତା ଏତଲାରେ ଦର୍ଶାଇଛନ୍ତି । 2022 ମସିହା ଡିସେମ୍ବର 14ରେ କଟକ ବକ୍ସିବଜାର ପେଟିନ ସାହି ଶାନ୍ତି କୁଟୀର ନିବାସୀ ରାହୁଲ ପ୍ରତାପ ରାୟଙ୍କ ସହ ବିବାହ କରିଥିଲେ ଦେବସ୍ମିତା । ସ୍ବାମୀ ରାହୁଲ ପ୍ରତାପ ସହିଦ ଲକ୍ଷ୍ମଣ ନାୟକ ମେଡିକାଲ୍ କଲେଜରେ ଡାକ୍ତର ଅଛନ୍ତି । ବିବାହର ମାତ୍ର 20ରୁ 25 ଦିନ ପରେ ସ୍ବାମୀ, ଶ୍ବଶୁର, ପିଉସା ଶ୍ବଶୁର, ପିଉସା ଶାଶୁ ସମସ୍ତେ ମିଶି ତାଙ୍କୁ ଅଧିକ ଯୌତୁକ ଆଣିବାକୁ କହି ଗାଳି ଗୁଲଜ କରିଥିଲେ ।

ବାପା ଜଣେ ପୂର୍ବତନ ବିଧାୟକ ହୋଇଥିଲେ ମଧ୍ୟ ସେ ଅଳ୍ପ ଯୌତୁକ ଆଣିଛନ୍ତି କହି ଦେବସ୍ମିତାଙ୍କୁ ଅପମାନିତ କରାଯାଇଥିଲା । ତାଙ୍କୁ ଘରୁ ବାହାର କରିଦେବାର ଧମକ ଦେଇଥିଲେ । ନ୍ୟାୟ ପାଇଁ ଗୁହାରି କରିଛନ୍ତି ଦେବସ୍ମିତା ।

ଆହୁରି ପଢନ୍ତୁ ଓଡିଶା ଖବର...

Argus News | argus news | Odisha Latest News, Breaking News, Trending News, Live TV