ଲୋକଙ୍କ ଭରସାରେ ନାହାନ୍ତି ଆଳିର ସାନ ବାବୁ !
ନିର୍ବାଚନକୁ ନେଇ ଏବେ ଆଳି ରାଜନୀତି ଫୁଲ ଗରମ
କେତେ ଭୋଟ ପାଇବେ ଅଙ୍କ କଷୁଛନ୍ତି ଆଳିର ପ୍ରତାପ ଦେବ
 

ଅର୍ଗସ ବ୍ୟୁରୋ : ବିଜେଡି ଘୋଷଣା କରିଛି ୭୧ ବିଧାନସଭା ପ୍ରାର୍ଥୀ । ଯେଉଁଥିରେ ୧୬ ନୂଆ ମୁହଁ ଥିବା ବେଳେ ବାକି ନେତା ରିପିଟ୍ ହୋଇଛନ୍ତି । ଏହା ଭିତରେ ଅଛନ୍ତି ଆଳିର ବିଧାୟକ ବା ମନ୍ତ୍ରୀ ପ୍ରତାପ ଦେବ । ପୁଣି ତାଙ୍କ ଉପରେ ଭରସା କରିଛନ୍ତି ବିଜେଡ଼ି ସୁପ୍ରିମୋ । କିନ୍ତୁ ପ୍ରତାପ ଦେବ ଉପରେ ଭରାଷା କରୁନାହାନ୍ତି ଆଳି ଓ କନିକାବାସୀ ।

କଡ ଲେଉଟାଇବ କି ଆଳି ନିର୍ବାଚନ ମଣ୍ଡଳୀର ରାଜନୀତି । ବର୍ତ୍ତମାନର ବିଧାୟକ ତଥା ମନ୍ତ୍ରୀ ପ୍ରତାପ କେଶରୀ ଦେବଙ୍କ ବିରୋଧର ରହିଛି ଅନେକ ବିବାଦ । ଲୋକଙ୍କ ସହ ନ ରହିବାର ଅଭିଯୋଗ ମଧ୍ୟ ରହିଛି । ବିକାଶ ମୂଳକ କାମ ତ ହେଉନି । ବିନା ପିସିରେ କୌଣସି କାମ ବି ହେଉନି । ଆଗକୁ ନିର୍ବାଚନ କିଛି କିଛି ଦିନ ଥିବାବେଳେ ଆଳି ବିଜେଡିରେ ଦେଖାଦେଛି ଗୋଷ୍ଠୀ କନ୍ଦଳ ।

ଆଳି ନିର୍ବାଚନ ମଣ୍ଡଳୀ, ଆଳି ଓ କନିକା ବ୍ଲକକୁ ନେଇ ଗଠିତ । ହେଲେ ଏହି ଦୁଇ ବ୍ଲକରେ ଅନେକ ବିବାଦରେ ଛନ୍ଦି ହୋଇ ରହିଛନ୍ତି ଆଳି ବିଧାୟକ ତଥା ଶିଳ୍ପ ଓ ଶକ୍ତିମନ୍ତ୍ରୀ ପ୍ରତାପ କେଶରୀ ଦେବ । ବେଆଇନ ବାଲି ଚୋରା ଚାଲାଣ ଠାରୁ ଆରମ୍ଭ କରି ଖରସ୍ରୋତା ବଞ୍ଚାଅ ପରି ଅନେକ ବିବାଦରେ ଛନ୍ଦି ହୋଇଥିଲେ ସାନ ବାବୁ । ଯାହାକୁ ନେଇ ଜନ ଅସନ୍ତୋଷ ମଧ୍ୟ ଦେଖା ଦେଇଥିଲା । ଆଉ ଶିଳ୍ପ ମନ୍ତ୍ରୀଙ୍କ ଜିଲ୍ଲା ଏବେବି ଶିଳ୍ପ ଶୂନ୍ୟ ।  

ସେହିଭଳି, ଓଡିଶାର ପରିଚୟ କିଏ ? ଜଗନ୍ନାଥ ନା ନବୀନ ? ଯାହାକୁ ନେଇ ମନ୍ତ୍ରୀ ପ୍ରତାପ ଦେବ ନବୀନଙ୍କୁ ଓଡିଶାର ପରିଚୟ ବୋଲି କହିଥିଲେ । ଥରେ ଶୁଣୁ ନାହାନ୍ତି କଣ କହୁଛନ୍ତି ମନ୍ତ୍ରୀ । ପରେ ଏହାକୁ ନେଇ ସୃଷ୍ଟି ହୋଇଥିଲା ତୁମ୍ବିତୋଫାନ । ଯାହାକୁ ନେଇ ବିରୋଧୀ ସରକାରଙ୍କୁ ଟାର୍ଗେଟ ମଧ୍ୟ କରିବା ସହିତ ମନ୍ତ୍ରୀ ତୁରନ୍ତ ମହାପ୍ରଭୁଙ୍କ ପାଖରେ କ୍ଷମା ପ୍ରାର୍ଥନା କରନ୍ତୁ ବୋଲି ଦାବି ବି ଉଠିଥିଲା । ସାଧାରଣ ନିର୍ବାଚନକୁ କିଛି କିଛି ଦିନ ବାକିଥିବା ବେଳେ । କଣ ପରିବର୍ତ୍ତନ ହବ ଆଳି ନିର୍ବାଚନ ମଣ୍ଡଳୀରେ ତାହା ଉପରେ ସମସ୍ତଙ୍କ ନଜର ।