ପ୍ରତାପଙ୍କର ବଢୁଛି ଅଡୁଆ
ବିଜେଡି ହେଲାଣି ଫାଳଫାଳ
କେତେ ବେଳେ ଫାଟିଯିବ ଶଙ୍ଖ
 

ଅର୍ଗସ ବ୍ୟୁରୋ : ଚାଲିଛି ନିର୍ବାଚନୀ ଋତୁ । ବିଜେପି, ବିଜେଡ଼ି ଓ କଂଗ୍ରେସ ଭିତରେ ଚାଲିଛି କଡ଼ା ପ୍ରତିଯୋଗିତା । କିଏ ମରିବ ବାଜି । ଯାହାକୁ ନେଇ ଏବେ ଟେନସନରେ ଆଳି ବିଜେଡ଼ି ନେତା । ଏଥର ଆଳି ନିର୍ବାଚନମଣ୍ଡଳୀରୁ ପ୍ରତାପ ଦେବଙ୍କ ବିଜେଡ଼ି ଦେଇଛି ଟିକେଟ୍ । କିନ୍ତୁ ପ୍ରତାପ ଦେବଙ୍କୁ ରାତିରେ ହୋଉନି ନିଦ କାରଣ ତାଙ୍କ ଚିନ୍ତାର କାରଣ ଏବେ ବିଜେପି । ଯାହାକୁ ନେଇ ଏବେ ଫୁଲ ଟେନସନରେ ଆଳିର ସାନ ବାବୁ । ଶୁଣି ବାକୁ ମିଳୁଛି ପ୍ରତାପ ଦେବ ଏଥର ଜିତିବା କଷ୍ଟକର ହୋଇ ପଡ଼ିବ ! କାରଣ ଏଥର ତାଙ୍କୁ ଚେକ୍ ଦେବ ବିଜେପି ବିଜେପି ବିଧାୟକ ପ୍ରାର୍ଥୀ  କୃଷ୍ଣ ଚନ୍ଦ୍ର ପଣ୍ଡା ।

ଏଥର ଆଳି ନିର୍ବାଚନ ମଣ୍ଡଳରେ ବୋହୁଛି ବିଜେପି ହାଓଆ । ଯୁଆଡ଼େ ଗଲେ ଦେଖି ବାକୁ ମିଳୁଛି ମୋଦିଙ୍କ ଗୁଣଗାନ । ସେପଟେ ବିଜେପିର ଯୁବ ନେତା କୃଷ୍ଣ ଚନ୍ଦ୍ର ପଣ୍ଡା ଏବେ ଆଳି ନିର୍ବାଚନମଣ୍ଡଳୀରେ ସଂପୂର୍ଣ୍ଣ ଆକ୍ଟିଭ୍ । ଆଉ ତାଙ୍କ ଉପରେ ଭରଷା କରିଛି ବିଜେପି । ଗତ ପଂଚାୟତ ନିର୍ବାଚନପରଠାରୁ ଗାଁକୁ ଗାଁ ବୁଲି ସଂଗଠନ ଆରମ୍ଭ କରିଛନ୍ତି । ତାଙ୍କ ସହିତ ଆଳିର ଅନେକ ଯୁବକ ଅଛନ୍ତି । ସବୁ କଥାରେ ସମସ୍ତଙ୍କ ପାଖରେ ସେ ପହଂଚି ଯାଉଛନ୍ତି । ଯେଉଁଥି ପାଇଁ ତାଙ୍କର ପ୍ରଭାବ ଧିରେ ଧିରେ ବଢ଼ିବାରେ ଲାଗିଛି । 

କିନ୍ତୁ ଏଥର ନିର୍ବାଚନରେ ବିଜେଡିକୁ ଘାରିଛି ପରାଜୟର ଭୟ । କାରଣ, ଖରସ୍ରୋତା ନଦୀ ଜଳ ପ୍ରକଳ୍ପ ବେଳେ ସାଧାରଣ ଲୋକଙ୍କୁ ପୋଲିସ ଲଗାଇ ପିଟିବା, ସେମାନଙ୍କ ନାଁରେ ମିଥ୍ୟା ମାମଲା ରୁଜୁ କରିବା ଭଳି ଘଟଣା ଏବେ ଲୋକମାନଙ୍କ ମନରୁ ଲିଭି ନାହିଁ । ସେମାନେ ନିର୍ବାଚନକୁ ଅପେକ୍ଷା କରି ବସିଥିଲେ । ସମସ୍ତେ ଭୋଟ ନ ଦେବେ ନାହିଁ କିନ୍ତୁ ପ୍ରତାପ ଦେବଙ୍କୁ ଦେବେ ନାହିଁ ବୋଲି କହିଥିଲେ । 

ସେହିପରି ରାଜବାଟୀ ନିକଟରୁ ବେଆଇନ ବାଲି ଉଠାଣକୁ ନେଇ ସ୍ଥାନୀୟ ଲୋକ ମଧ୍ୟ ଅସନ୍ତୁଷ୍ଟ ଅଛନ୍ତି । ଶେଷରେ ବିଦ୍ୟୁତ ବିଲ ମୂଲ୍ୟ ବୃଦ୍ଧି ଓ ପାୱାର କଟକୁ ନେଇ ମଧ୍ୟ ସାରା ରାଜ୍ୟରେ ଅସନ୍ତୋଷ ରହିବା ସହିତ ନିଜ ନିର୍ବାଚନମଣ୍ଡଳୀରେ ମଧ୍ୟ ଅଛି । ସେପଟେ କଂଗ୍ରେସ ତାର ଆଳି ପାଇଁ ପ୍ରାର୍ଥୀ ଘୋଷଣା କରି ନାହିଁ । ଦେଖିବାକୁ ବାକି ରହିଲା କେତେ ଅଡ଼ୁଆରେ ପଡ଼ୁଛନ୍ତି ବିଧାୟକ ପ୍ରତାପ ଦେବ ।