ବଲାଙ୍ଗୀର:  ଚାଷୀ ଆଖିରେ ଧୂଳିଝିଣ୍ଟି କରୁଥିଲେ କୋଟି କୋଟି ଟଙ୍କା ଲୁଟ୍ । ଏଭଳି ଏକ ଗ୍ୟାଙ୍ଗର ପର୍ଦ୍ଦାଫାସ କରିଛି ବଲାଙ୍ଗୀର ପୋଲିସ । ଚାଷୀଙ୍କ ଜମିପଟ୍ଟାକୁ ବ୍ୟବହାର କରି ତାଙ୍କ ନାମରେ ଓ ପରିବାର ଲୋକଙ୍କ ନାମରେ ଭୂଲ୍ ତଥ୍ୟ ଦେଇ ଠକେଇ କରୁଥିଲେ ଦୂର୍ବୁତ୍ତ । 

ତେବେ ବଲାଙ୍ଗୀର ଜିଲ୍ଲାର ପାଟଣାଗଡ଼, ବେଲପଡା, ସିନ୍ଧକେଲା, କଣ୍ଟାବାଞ୍ଜି, ତୁରକେଲା, ମୁରିବାହାଲ ଭଳି ଅଞ୍ଚଳରେ ଏମାନେ ଏଭଳି ପ୍ରଧାନମନ୍ତ୍ରୀ ବୀମା ଯୋଜନାରେ ଚାଷୀଙ୍କ ଋଣ କରି ଠକିଥିବା କହିଛି ପୋଲିସ । ଯାହାକି ଆଜି ପର୍ଯ୍ୟନ୍ତ ୧୦ କୋଟି ଟଙ୍କାର ଋଣ ହେର୍ ଫେର୍ କରିଥିବା ଜଣାପଡିଛି । ଏଥିରେ ସମ୍ପୃକ୍ତ ୧୪ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ବଲାଙ୍ଗୀର ପୋଲିସ । 

ଅଧିକ ପଢନ୍ତୁ: ସଚେତନତା ଅଭାବରୁ ସାଇବର କ୍ରାଇମ୍ ବୃଦ୍ଧି ପାଉଛି

ସେପଟେ ସେମାନେ ଏହି କାମ ପାଇଁ ବ୍ୟବହାର କରୁଥିବା ୭ ଟି ଲ୍ୟାପଟପ୍ , ୧୦ ଟି କମ୍ପ୍ୟୁଟର, ପ୍ରିଣ୍ଟର , ୧୬ ଟି ମୋବାଇଲ ସହ ବହୁ କାଗଜପତ୍ର ଜବତ କରିଛି ପୋଲିସ । ତେବେ ଏହାକୁ ନେଇ ତଦନ୍ତ ଜାରି ରହିଥିବା ବେଳେ ଆହୁରି ବହୁ ଲୋକଙ୍କ ସହ କିଛି ଚାଷୀ ମଧ୍ୟ ସମ୍ପୃକ୍ତ ଥିବା ସୂଚନା ଦେଇଛି ପୋଲିସ । 

ଅପରାଧ ଖବର ଆହୁରି ପଢନ୍ତୁ