ପୁଣି ମିଳିଲା ବାଲେଶ୍ବର ପୋଲିସକୁ ବଡ଼ ସଫଳତା

ଅର୍ଗସ ବ୍ୟୁରୋ: ପୁଣି ମିଳିଲା ବାଲେଶ୍ବର ପୋଲିସକୁ ବଡ଼ ସଫଳତା । କିଛି  ଦିନ ତଳେ ଅର୍ଥାତ ଏହି ମାସ ୨୪ ତାରିଖରେ ୬ ଜଣିଆ ବାଇକ ଚୋର ଗ୍ୟାଙ୍ଗକୁ ବାଲେଶ୍ବର ପୋଲିସ ଫର୍ଦ୍ଦାଫାସ କରିଥିବା ବେଳେ ଆଜି ପୁଣି ଆଉ ଏକ ଗ୍ୟାଙ୍ଗକୁ ଧରିଛି ବାଲେଶ୍ବର ପୋଲିସ । ଗତକାଲି ବିଳମ୍ବିତ ରାତିରେ ଚୂନଭାଟି ଅଞ୍ଚଳର କଶମିଳା ଠାରେ ପେଟ୍ରୋଲିଂ ଭ୍ୟାନ ଚେକିଂ କରୁଥିବା ବେଳେ କିଛି ଯୁବକକୁ ମାଡି ବସିଥିଲେ। ସେମାନଙ୍କ ପାଖରୁ ୨ ଟି ମାରଣାସ୍ତ୍ର ଜବତ କରାଯାଇଛି। ଉଭୟ ଭଦ୍ରକ ଓ ବାଲେଶ୍ଵର ଜିଲ୍ଲାର ବିଭିନ୍ନ ଅଞ୍ଚଳରେ ବାଇକ ଚୋରି ହୋଇଥିବା ବେଳେ ଜିଲ୍ଲା ଆରକ୍ଷୀ ଅଧିକ୍ଷକ ସାଗରିକା ନାଥଙ୍କ ତତ୍ତ୍ୱାବଧାନରେ ସିଟି ଡିସିପିଙ୍କ ନେତୃତ୍ୱରେ ଏକ ସ୍ପେଶାଲ ଟିମ୍ ୧୨ ଜଣିଆ ବାଇକ ଚୋରି ଆସାମୀକୁ ଗିରଫ କରିଛି। ସେଥି ମଧ୍ୟରୁ ୨ ଜଣ ନାବାଳକ ଥିବାର ସୂଚନା ମିଳିଛି। ଉକ୍ତ ଗ୍ୟାଙ୍ଗଙ୍କ ଭିତରୁ ଅନେକ ଜଣଙ୍କ ନାମରେ ପୂର୍ବରୁ ଥାନାରେ ମାମଲା ରହିଛି। ସେମାନଙ୍କ ନିକଟରୁ ୧୭ଟି ବାଇକ, ୪ ଟି ଟ୍ରାକ୍ଟର ପୋଲିସ ଜବତ କରିଛି। ଉକ୍ତ ଗ୍ୟାଙ୍ଗ ସହର ବ୍ୟତୀତ ବାହାର ଅଞ୍ଚଳରୁ ଗାଡ଼ି ଚୋରି କରି ଏକ ଆନ୍ତ ରାଜ୍ୟ ରାକେଟ ଚଳାଉ ଥିଲେ। ବିଭିନ୍ନ ଚି୍ନତାଇ, ଚୋରି ଭଳି କାର୍ଯ୍ୟରେ ଥିଲେ। 

ଆହୁରି ପଢନ୍ତୁ ଓଡିଶା ଖବର...