ବେଆଇନ ଇଟା ମାଫିଆଙ୍କ ପ୍ରୀତିରେ ଜିଲ୍ଲା ପ୍ରଶାସନ 
ଧରାପଡିଗଲା ଜିଲ୍ଲା ପ୍ରଶାସନର ଦୋମୁହାଁ ନୀତି
କାଗଜ କଲମରେ ଗୋଟେ କଥା କାମରେ ଅନ୍ୟ କଥା 
ଜିଲ୍ଲା ପ୍ରଶାସନ ଓ ଇଟା ମାଫିଆଙ୍କ ମଧୁଚନ୍ଦ୍ରିକାକୁ ନେଇ ଉଠିଲାଣି ଝଡ଼
 

ଅର୍ଗସ ବ୍ୟୁରୋ : ରାଜ୍ୟରେ ୭ ପ୍ରଦୁଷିତ ସହର ମାନଙ୍କ ମଧ୍ୟରେ ବାଲେଶ୍ବର ଅନ୍ୟତମ । ବାଲେଶ୍ବରରୁ ପଶ୍ଚିମବଙ୍ଗକୁ ଯାଇଥିବା ୧୬ ନଂମ୍ବର ଜାତୀୟ ରାଜପଥ ପାର୍ଶ୍ବରେ ଗଡି ଉଠିଛି ଶହ ଶହ ବେଆଇ ଇଟାଭାଟି । ଏହି ଇଟା ଭାଟି କାହା ମାଲିକାନାରେ ରହିଛି, କିଏ ଏହାକୁ ପରିଚାଳିତ କରୁଛି କୌଣସି ଖୋଜ୍ ଖବର ନାହିଁ ଜିଲ୍ଲା ପ୍ରଶାସନ ନିକଟରେ । ଅଭିଯୋଗ ଜଣାଇଲେ ଉତ୍ତର ଆସୁଛି ଗୋଟିଏ ହେଲେବି ଇଟାଭାଟି ନାହିଁ ବାଲେଶ୍ବର ରେମୁଣାରେ । ଅନ୍ୟପଟେ ଧୁଳି ଧୁଆଁ ପରିବେଶକୁ ନେଇ ଅସ୍ତ ବ୍ୟସ୍ଥ ହୋଇପଡିଲେଣି ଅଞ୍ଚଳବାସୀ ।

ଗତ ଜୁନ ମାସ ଭିକେ ପାଣ୍ଡିୟାନଙ୍କ ମାଧ୍ୟମରେ ମୁଖ୍ୟମନ୍ତ୍ରୀଙ୍କୁ ଏବାଦରେ ରେମୁଣା ଅଞ୍ଚଳର ସରପଞ୍ଚ ଅଭିଯୋଗ କରିଥିଲେ । କିନ୍ତୁ ଜିଲ୍ଲା ପ୍ରଶାସନ ଏହି ଅଭିଯୋଗର ଉତ୍ତରରେ ରେମୁଣାରେ କୌଣସି ବେଆଇନ ଇଟାଭାଟି ନଥିବା ଦର୍ଶାଇ ଥିଲେ । ହେଲେ ବାସ୍ତବିକ ସ୍ତରରେ ବାଲେଶ୍ବର ଛତୁ ଫୁଟିଲା ଭଳି ଏହି ବେଆଇନ ଇଟା ଭାଟି ଗଢି ଉଠୁଛି । କାହିଁକି ନିରବଦ୍ରଷ୍ଠା ସାଜିଛି ଜିଲ୍ଲା ପ୍ରଶାସନ । କାହା ଚାପରେ ଚେପା ହେଲା ଜିଲ୍ଲା ପ୍ରଶାସନ ।

ବାୟୁ ପ୍ରଦୁଷଣ ହେବା ସହିତ ବୁଡାବଳଙ୍ଗ ନଦୀରେ ଇଟା ମାଫିଆମାନେ ବେଆଇନ ବାଲି ଓ ମାଟି ଉତ୍ତଳନ କରୁଛନ୍ତି । ନଦୀର ଗତିପଥକୁ ବଦଳାଇଦେଉଛନ୍ତି । ରାଜ୍ୟ ସରକାର କୋଟି କୋଟି ଟଙ୍କା ରାଜସ୍ବ ହରାଉଥିବା ବେଳେ କାହିଁକି ଜିଲ୍ଲା ପ୍ରଶାସନ ଚୁପ ବସିଛି ଯାହାକୁ ନେଇ ଉଠିଛି ପ୍ରଶ୍ନ ।