Argus News - ୪ଟି କାଉଣ୍ଟରରେ ମିଳିବ ବାରବାଟୀ ଦିନିକିଆ ଲାଗି ଟିକେଟ୍, ମହିଳାଙ୍କ ଲାଗି ସ୍ଵତନ୍ତ୍ର କାଉଣ୍ଟର

କଟକ: ଭାରତ-ଇଂଲଣ୍ଡ ବାରବାଟୀ ଦିନିକିଆ ମ୍ୟାଚ୍ ଲାଗି ବିକ୍ରି ହେବ ଟିକେଟ୍ । ଆସନ୍ତାକାଲିଠୁ ୨ ଦିନ ୪ଟି କାଉଣ୍ଟରରେ ଟିକେଟ୍ ବିକ୍ରି କରାଯିବ । ଆସନ୍ତା ୯ରେ ବାରବାଟୀରେ ଭାରତ-ଇଂଲଣ୍ଡ ମଧ୍ୟରେ ଖେଳାଯିବାକୁ ଥିବା ଦିନିକିଆ ଟିକେଟ୍ ଲାଗି ମହିଳାଙ୍କ ପାଇଁ ସ୍ଵତନ୍ତ୍ର କାଉଣ୍ଟର କରାଯାଇଛି । ବୈଧ ପରିଚୟପତ୍ର ଦେଖାଇ ଜଣେ ସର୍ବାଧିକ ୨ଟି ଟିକେଟ୍ କିଣି ପାରିବେ । 

ତେବେ କାଉଣ୍ଟର ଟିକେଟ୍ ଲାଗି ରାତିରୁ ଲାଇନ୍ ନ ଲଗାଇବା ପାଇଁ ପରାମର୍ଶ ଦେଇଛି ପୋଲିସ । ୪ଟି ଯାକ ଟିକେଟ୍ କାଉଣ୍ଟର ସକାଳ ୯ଟାରେ ଖୋଲିବ । ତେଣୁ ଟିକେଟ୍ ପାଇଁ ସକାଳ ୬ରୁ ଧାଡ଼ିରେ ରହିବାକୁ ପୋଲିସ ନିବେଦନ କରିଛି । ସେହିଭଳି ଟିକେଟ୍ ବ୍ଲାକ୍ କଲେ ଆଇନ୍ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ଅତିରିକ୍ତ ଡିସିପି ଅମରେନ୍ଦ୍ର ପଣ୍ଡା ।

ନଜର ପକାନ୍ତୁ କେଉଁ ଗ୍ୟାଲେରି ଟିକେଟ୍ ଦର କେତେ ?

ଏହା ପୂର୍ବରୁ ଅନଲାଇନ୍ ଟିକେଟ୍ ବିକ୍ରି ସରିଛି । ଅନଲାଇନରେ ଟିକେଟ୍ କିଣିଥିଲେ ଫେବ୍ରୁଆରୀ ୭ ଓ ୯ରେ କଟକର କେମ୍ବ୍ରିଜ୍ ସ୍କୁଲ୍ କିମ୍ବା ଭୁବନେଶ୍ଵର କିଟ୍ ବିଶ୍ଵବିଦ୍ୟାଳୟରୁ ଟିକେଟ୍ ସଂଗ୍ରହ କରିବେ ।