ଅର୍ଗସ ବ୍ୟୁରୋ: ଦୀର୍ଘ ଦିନର ସ୍ବପ୍ନ ପୁରା ହେବ । ଆଉ ନୂଆପଡ଼ା ରୁ ବରଗଡ଼ ଭାୟା ପଦମପୁର ଦେଇ ରେଳ ଗଡିବ । କେନ୍ଦ୍ର ରେଳ ମନ୍ତ୍ରୀ ଅଶ୍ଵିନୀ ବୈଷ୍ଣବ ଏହି ଘୋଷଣା କରିବା ପରେ ପଶ୍ଚିମ ଓଡିଶାରେ ଉତ୍ସାହ ଦେଖାଦେଇଛି । ନୂଆପଡ଼ାରୁ ବରଗଡ଼ ପାଇଁ 138 କିଲୋମିଟର ରେଳ ସଂଯୋଗ ହେବ । ଏଥିପାଇଁ ଖର୍ଚ୍ଚ ହେବ 2926 କୋଟି ଟଙ୍କା । ଏହା ଦ୍ବାରା ନୂଆପଡ଼ା ଏବଂ ବରଗଡ଼ ମଧ୍ୟରେ ବିକାଶ ହୋଇପାରିବ । ତା ସହିତ ବ୍ୟବସାୟ ଏବଂ ପର୍ଯ୍ୟଟନ କ୍ଷେତ୍ରରେ ମଧ୍ୟ ସହାୟକ ହେବ ଏହି ପ୍ରକଳ୍ପ । ପୂର୍ବରୁ ବରଗଡ଼ ଯିବାକୁ ହେଲେ କଣ୍ଟାବାଞ୍ଜି ଟିଟିଲାଗଡ଼ ଦେଇ ଯିବାକୁ ପଡୁଥିଲା । ଏବେ କିନ୍ତୁ ନୂଆପଡ଼ା ରୁ ବରଗଡ଼ ଯିବା ପାଇଁ ବାଟ ଫିଟିଲା । ସେହିପରି ଭୁବନେଶ୍ବର ଗଲେ ମଧ୍ୟ ପ୍ରାୟ 250 କିଲୋମିଟର କମ୍ ପଡ଼ିବ ବୋଲି କହିଛନ୍ତି ନୂଆପଡ଼ାବାସୀ । ପୂର୍ବତନ କଳାହାଣ୍ଡି ସାଂସଦ ବସନ୍ତ ପଣ୍ଡାଙ୍କ ସମେତ ସୁରେଶ ପୂଜାରୀ ଏବଂ ଉଭୟ ରାଜ୍ୟ ସରକାର ଓ କେନ୍ଦ୍ର ସରକାରଙ୍କୁ ଧନ୍ୟବାଦ ଦେଇଛନ୍ତି ଏଠାକାର ବାସିନ୍ଦା । ଏହି ରେଳ ପ୍ରକଳ୍ପ ଦ୍ବାରା ଦୁଇ ଜିଲ୍ଲାର ବିକାଶ ହେବ । ବ୍ୟବସାୟ କ୍ଷେତ୍ରରେ ମଧ୍ୟ ରାସ୍ତା ଫିଟିବା ନେଇ ନୂଆପଡ଼ା ଓ ବରଗଡ଼ ବାସି ଖୁସି ଅଛନ୍ତି । 

ସେହିପରି ସୁନ୍ଦ ରଗଡ଼ ସରଗେଡ଼ା-ଭାଲୁମୁଣ୍ଡା ନୂଆ ଡବଲ୍ ଲାଇନ୍‌କୁ ମଧ୍ୟ ମିଳିଛି କ୍ୟାବିନେଟ ମଞ୍ଜୁରି । ସରଗେଡ଼ାରୁ ଛତିଶଗଡ଼ ରାୟଗଡ଼ 37 କିଲୋମିଟର ଲାଇନ୍ ପାଇଁ 1 ହଜାର 360 କୋଟି ଖର୍ଚ୍ଚକୁ ମଞ୍ଜୁରୀ ମିଳିଥିବା ରେଳମନ୍ତ୍ରୀ ଅଶ୍ଵିନୀ ବୈଷ୍ଣବ ସୂଚନା ଦେଇଛନ୍ତି । ଏହି ନୂଆ ରେଳ ଲାଇନକୁ ନେଇ ସୁନ୍ଦରଗଡ଼ ବାସୀ ବେଶ ଉତ୍ସାହିତ । ଯେଉଁ ସ୍ଥାନରେ ଯୋଗାଯୋଗ ପାଇଁ ବସର ସୁବିଧା ବି ନଥିଲା ସେଠି ପ୍ରଧାନମନ୍ତ୍ରୀ ମୋଦି ଓ ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବଙ୍କ ସହଯୋଗରେ ଟ୍ରେନ ଚାଲିବ । ଏହା ବ୍ୟବସାୟ ଏବଂ ନିଯୁକ୍ତି କ୍ଷେତ୍ରରେ ସୁଯୋଗ ସୃଷ୍ଟି କରିବ ବୋଲି କହିଛନ୍ତି । ପଶ୍ଚିମ ଓଡିଶାବାସୀଙ୍କୁ ଏହା ନୂଆଖାଇ ଭେଟି ବୋଲି କହିଛନ୍ତି ସ୍ଥାନୀୟ ବାସିନ୍ଦା। 

2024 ମହାଲଢେଇରେ ପଶ୍ଚିମ ଓଡିଶା ଦେଇଥିଲା 5ଲୋକସଭା ଆସନ । ସମ୍ବଲପୁର,ବରଗଡ଼,କଳାହାଣ୍ଡି, ସୁନ୍ଦରଗଡ଼ ଏବଂ ବଲାଙ୍ଗିର । ଯାହାକି କେନ୍ଦ୍ରରେ ବିଜେପି ସରକାରକୁ ଏହା ଏକ ବଡ ସମର୍ଥନ । ଏବେ ପଶ୍ଚିମ ଓଡ଼ିଶାକୁ ମିଳିଛି ନୂଆଁଖାଇ ଭେଟି । ବରଗଡ଼-ନୁଆଁପଡା ରେଳ ପ୍ରକଳ୍ପରେ 138 କିଲୋମିଟର ରେଳ ଲାଇନ ନିର୍ମାଣରେ 47 ଲକ୍ଷ ଲୋକଙ୍କୁ ମିଳିବ ନିଯୁକ୍ତି ସୁଯୋଗ । ସେହିପରି ସୁନ୍ଦରଗଡ଼ ସରଡେଗାରୁ ଛତିଶଗଡ଼ ଭାଲମୁଡା 37 କିଲୋମିଟର ପ୍ରକଳ୍ପ ପଶ୍ଚିମ ଓଡ଼ିଶାବାସୀଙ୍କ ପାଇଁ ବେଶ ଫଳପ୍ରଦ ହେବ ବୋଲି ଆଶା ।

ଅଧିକ ପଢ଼ନ୍ତୁ ଓଡିଶା ଖବର...