School Closed / ଛାଡୁନି ବର୍ଷା: ଆସନ୍ତାକାଲି ଭଦ୍ରକରେ ୧୩୯ ସ୍କୁଲ ସହ ୨୨୫ ଅଙ୍ଗନବାଡି ଛୁଟି ଘୋଷଣା

ଭଦ୍ରକ ଜିଲ୍ଲାରେ ଗତ କିଛି ଦିନ ହେବ ବର୍ଷା ଲାଗି ରହିଛି। ଯାହାର ପ୍ରଭାବରେ ବନ୍ୟା ପରିସ୍ଥିତି ଉପୁଜିଛି। ଭଦ୍ରକ ଜିଲ୍ଲାରେ ଲଗାଣ ବର୍ଷା ଓ ବନ୍ୟା ପରିସ୍ଥିତିକୁ ନେଇ ବଡ଼ ନିଷ୍ପତ୍ତି । ପ୍ରବଳ ବର୍ଷା ଏବଂ ବନ୍ୟା ପରିସ୍ଥିତିକୁ ଦୃଷ୍ଟିରେ ରଖି ଆସନ୍ତାକାଲି ଭଦ୍ରକ ଜିଲ୍ଲାର ୧୩୯ ସ୍କୁଲ ବନ୍ଦ ରହିବ।

ଭଦ୍ରକ ଜିଲ୍ଲାର ୪ଟି ବ୍ଲକର ୧୩୯ଟି ସ୍କୁଲକୁ କାଲି ପାଇଁ ବନ୍ଦ ଘୋଷଣା କରାଯାଇଛି । ବନ୍ୟା ପରିସ୍ଥିତି ସହ ପୁନରୁଦ୍ଧାର କାର୍ଯ୍ୟକୁ ଦୃଷ୍ଟିରେ ରଖି ଜିଲ୍ଲାପାଳ ଏହି ନିଷ୍ପତ୍ତି ନେଇଛନ୍ତି । ଭଦ୍ରକ, ତିହିଡ଼ି, ଧାମନଗର ଓ ଚାନ୍ଦବାଲି ବ୍ଲକର ସମସ୍ତ ୧୩୯ଟି ସ୍କୁଲ କାଲି ଛୁଟି ରହିବ । ଲଗାଣ ବର୍ଷା ଯୋଗୁଁ ଜିଲ୍ଲାର ବିଭିନ୍ନ ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଥିବାରୁ ଛାତ୍ରଛାତ୍ରୀଙ୍କ ସୁରକ୍ଷାକୁ ଗୁରୁତ୍ୱ ଦିଆଯାଇଛି । ବାସୁଦେବପୁର ସମତେ ୫ଟି ବ୍ଲକର ୨୨୫ ଟି ଅଙ୍ଗନବାଡି ମଧ୍ୟ ଛୁଟି ଘୋଷଣା।''

ସେହିପରି ବନ୍ୟା ପରେ ଚାଲିଥିବା ପୁନରୁଦ୍ଧାର କାର୍ଯ୍ୟକୁ ମଧ୍ୟ ନଜରରେ ରଖିଛି ଜିଲ୍ଲା ପ୍ରଶାସନ । ପରିସ୍ଥିତି ସୁଧୁରିବା ପରେ ସ୍କୁଲଗୁଡ଼ିକରେ ପାଠପଢ଼ା ସ୍ୱାଭାବିକ ହେବ ବୋଲି ଜଣାପଡ଼ିଛି । ଭଦ୍ରକ ଜିଲ୍ଲା ପ୍ରଶାସନ ପକ୍ଷରୁ ସ୍କୁଲ ବନ୍ଦ ନେଇ ଆନୁଷ୍ଠାନିକ ଘୋଷଣା କରାଯାଇଛି ।''

ଏଥିସହ ପଢ଼ନ୍ତୁ: ଆସୁଛି ଆଉ ଏକ ଲଘୁଚାପ... ୨୨ ତାରିଖରୁ ରାଜ୍ୟରେ ପୁଣି ବଢ଼ିବ ବର୍ଷା

.ବାସୁଦେବପୁର:

ଗମେଇ ଓ କାଂଶବାଂଶ ନଦୀରେ ବନ୍ୟାଜଳ କମିଛି। ହେଲେ ତଳିଆ ଅଞ୍ଚଳ ଗୁଡିକରେ ଏବେବି ପାଣି ଜମି ରହିଛି। ଫଳରେ ପିଲା ଛୁଆ ସ୍କୁଲକୁ ଯାଇ ପାରୁନାହାନ୍ତି। ଲୋକେ ନାହିଁ ନଥିବା ଅସୁବିଧା ଭୋଗୁଛନ୍ତି । ଏହାସହ ବାସୁଦେବପୁର ବ୍ଲକରେ ହଜାର ହଜାର ହେକ୍ଟର ଚାଷଜମି ପାଣି ଘେରରେ ରହିଛି । ଚାଷ ଜମିରେ 6 ଫୁଟରୁ 7 ଫୁଟ ଉଚ୍ଚର ପାଣି ଲହରୀ ମାରୁଛି । ଫଳରେ ଧାନ ତଳି ଗୁଡ଼ିକ ପଚି ଚାଷ ସମ୍ପୂର୍ଣ ଉଜୁଡି ଯାଇଛି । ଚାଷ ଜମି ଗୁଡିକରେ ପାଣି ଜମି ନଦୀର ଭ୍ରମ ସୃଷ୍ଟି କରୁଛି । ବାସୁଦେବପୁର ବ୍ଲକର ତଳିଆ ଅଂଚଳ ବରଣ୍ଡୁଆ, ସୁଦର୍ଶନ ପୂର୍, ଜଗନ୍ନାଥ ପ୍ରଶାଦ ପଞ୍ଚାୟତରେ ଏବେବି ଚାଷ ଜମିରେ 7ଫୁଟ ଉଚର ପାଣି ଜମୁଛି।''

.ଆସୁଛି ଆଉ ଏକ ଲଘୁଚାପ:

ଆସୁଛି ଆଉ ଏକ ଲଘୁଚାପ... ଆସନ୍ତା ୨୨ ଓ ୨୩ ଆଡ଼କୁ ଉତ୍ତର-ପଶ୍ଚିମ ବଙ୍ଗୋପସାଗର ଏବଂ ପାର୍ଶ୍ୱବର୍ତ୍ତୀ ଉତ୍ତର ଓଡ଼ିଶା ଉପକୂଳରେ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ରହିଛି । ଯାହାର ପ୍ରଭାବରେ ଆସନ୍ତା ୨୨ ତାରିଖରୁ ରାଜ୍ୟରେ ପୁଣି ବଢ଼ିବ ବର୍ଷା ।''

ଅଧିକ ପଢ଼ନ୍ତୁ ଓଡ଼ିଶା ଖବର: