ଭଣ୍ଡାରିପୋଖରୀରେ ବିଜେଡି ପାଇଁ ବଢୁଛି ଅଡ଼ୁଆ
ଭଣ୍ଡାରିପୋଖରୀରେ ବିଜେଡି ପାଇଁ ବଢୁଛି ଅଡ଼ୁଆ
ବିଜେଡିର ପ୍ରାର୍ଥୀ ଘୋଷଣା ପରେ ତୀବ୍ର ହୋଇଛି ପ୍ରତିବାଦ
ସଂଜିବ ମଲ୍ଲିକଙ୍କୁ ପ୍ରାର୍ଥୀ କରାଯିବା ପରେ ବଢୁଛି ଅସନ୍ତୋଷ
ଅର୍ଗସ ବ୍ୟୁରୋ : ଭଣ୍ଡାରିପୋଖରୀ ନିର୍ବାଚନ ମଣ୍ଡଳୀରେ ସଂଜିବ ମଲ୍ଲିକଙ୍କୁ ବିଜେଡି ପ୍ରାର୍ଥୀ କରାଯିବା ପରେ, ଭଣ୍ଡାରିପୋଖରୀ ସାଧାରଣ ଯୁବ ଭୋଟର ମଧ୍ୟରେ ଦେଖିବାକୁ ମିଳିଛି ଅସନ୍ତୋଷ । ପରିମାଣ ସ୍ବରୁପ, ବିଜେଡି ଛାଡି ୧୯ ଟି ପଞ୍ଚାୟତର ୨୦୦ ସହରୁ ଉର୍ଦ୍ଧ୍ବ ବିଜେଡି କର୍ମୀ ବିଜେପିରେ ଯୋଗ ଦେଇଛନ୍ତି ।
ଭଣ୍ଡାରୀପୋଖରୀ ବିଜେଡ କର୍ମୀଙ୍କ କହିବା ଅନୁଯାୟୀ, ନିର୍ବାଚନ ମଣ୍ଡଳୀରେ ବିଜେଡିର ଯୋଗ୍ୟ ପ୍ରାର୍ଥୀ ଥିବା ବେଳେ କାହିଁକି ନିର୍ବାଚନ ମଣ୍ଡଳୀ ବାହାରୁ ବିଜେଡି ପ୍ରାର୍ଥୀ ଦେଇଛି ତାକୁ ନେଇ ପ୍ରଶ୍ନ ଉଠାଇଛନ୍ତି କର୍ମୀ ଓ ସାଧାରଣ ଲୋକ ।
📱 Get Argus News App
✨କେବଳ ସେତିକି ନୁହେଁ ଅସନ୍ତୋଷର ମାତ୍ରା ଏତେ ଅଧିକ ବଢିଯାଇଛି ଯେ, ଏହାର ପ୍ରଭାବ ନିର୍ବାଚନର ଫଳାଫଳ ଉପରେ ପଡିବାର ସମ୍ଭାବନା ଦେଖାଦେଲାଣି । ସାଧାରଣ ନିର୍ବାଚନ ଲଢ଼ିବା ପାଇଁ ଅନେକ ଆଶାୟୀ ଥିବା ବେଳେ ଆଗାମୀ ନିର୍ବାଚନରେ ଭଣ୍ଡାରିପୋଖରୀ ବିଜେଡି ପାଇଁ ଅଡ଼ୁଆ ବଢୁଛି ବୋଲି ଚର୍ଚ୍ଚା ହେଉଛି । ସେପଟେ ଚଳିତ ନିର୍ବାଚନରେ ସ୍ବାଧୀନ ଭାବରେ ଲଢିବେ ବୋଲି କହିଛନ୍ତି ସମାଜସେବୀ ଉତ୍କଳ କେଶରୀ ବିଶ୍ଵାଳ ।
ସଂଜିବ ମଲ୍ଲିକଙ୍କୁ ନେଇ ଭଣ୍ଡାରିପୋଖରୀରେ ବିଜେଡିର ଗୋଷ୍ଠୀ କନ୍ଦଳ ବଢୁଥିବାବେଳେ ୨୪ ମହାଲଢ଼େଇରେ ଦଳର ଡଙ୍ଗା ବୁଡ଼ାଇ ଦେବେ କି ବିଦ୍ରୋହୀ ? ତେବେ ଏହାକୁ କିଭଳି ମ୍ୟାନେଜ କରୁଛି ବିଜେଡ଼ି ତାହା ଦେଖିବାକୁ ବାକି ରହିଲା ।