Landslide / ଭଞ୍ଜନଗରରେ ନିଖୋଜଙ୍କୁ ଖୋଜିବ ନାଭାଲ ହେଲିକପ୍ଟର

ଭୁବନେଶ୍ଵର: ବାତ୍ୟା 'ଅର୍ଣ୍ଣବ' ପ୍ରଭାବରେ ହୋଇଥିବା ବର୍ଷାରେ କନ୍ଧମାଳ ସମେତ ଗଞ୍ଜାମ ଜିଲ୍ଲାରେ ଭୂସ୍ଖଳନ ହୋଇଛି । କନ୍ଧମାଳ ସୀମାନ୍ତ ଭଞ୍ଜନଗର ବ୍ଲକର ଉପାନ୍ତ ଅଞ୍ଚଳ ବାଇବାଲି ପଞ୍ଚାୟତର ଗିଡ଼ିପାବାଲି ଗାଁରେ ଭୂସ୍ଖଳନ ଯୋଗୁଁ ୧୨ ଜଣ ନିଖୋଜ ଥିବା ସୂଚନା ମିଳିଛି ।

ଏବେ ନିଖୋଜ ଲୋକମାନଙ୍କୁ ଖୋଜିବାକୁ ଲାଇଭ୍ ଡିଟେକ୍ସନ୍ (Live Detection) ୟୁନିଟର ସହାୟତା ନେବେ ରାଜ୍ୟ ସରକାର । ଲାଇଭ୍ ଡିଟେକ୍ସନ୍ ୟୁନିଟ୍ ସିଗମିକ୍ (Sigmic) ସହ ଉଡ଼ିବ ନାଭାଲ ହେଲିକେପ୍ଟର । ସମ୍ପୂର୍ଣ୍ଣ ଅଞ୍ଚଳକୁ ସ୍କାନ୍ କରାଯିବ ।

ଲାଇଭ୍ ଡିଟେକ୍ସନ୍‌ କେତେ ସହାୟକ ହେବ ?

ଭୂକମ୍ପ, ଭୂସ୍ଖଳନ, କୋଠା ଭୁଶୁଡ଼ିବା ସମୟରେ ଜୀବନ ସନ୍ଧାନ ପାଇଁ ବ୍ୟବାହର ହୋଇଥାଏ । ମାଟି, ପଥର କିମ୍ବା ଭଗ୍ନାବଶେଷ ତଳେ ଚାପି ହୋଇଥିବା ଜୀବିତ ବ୍ୟକ୍ତିଙ୍କୁ ଖୋଜିବାରେ ସହାୟକ ହୋଇଥାଏ । ମାନବ ଶରୀରର ସୂକ୍ଷ୍ମ ସ୍ପନ୍ଦନ, ହୃଦସ୍ପନ୍ଦନ, ଶ୍ୱାସକ୍ରିୟା ଏବଂ ଶରୀରର ତାପମାତ୍ରାକୁ ଚିହ୍ନଟ କରେ ।

#Bhubaneswar: The Odisha government will reportedly deploy a live detection unit to help locate people missing after the recent disaster. The unit will be flown aboard a naval helicopter along with SIGMIC equipment to scan the affected area and assist search operations. #Odisha #MissingPersons #SearchOperation #RescueMission #DisasterResponse #ArgusNews

— Argus News (@ArgusNews_in) October 31, 2026

ମାଟି, କଂକ୍ରିଟ୍, ବରଫ କିମ୍ବା ଭଗ୍ନାବଶେଷ ତଳେ ଚାପି ହୋଇଥିବା ଲୋକଙ୍କୁ ଚିହ୍ନଟ କରେ । ଭୂପୃଷ୍ଠରୁ ନୁହେଁ, ବରଂ ଅନେକ ଫୁଟ୍ ଗଭୀରତାରୁ ମଧ୍ୟ ସଂକେତ ଧରିପାରେ । ହେଲିକପ୍ଟରର ନିମ୍ନଭାଗରେ କିମ୍ବା କ୍ୟାବିନ୍ ଭିତରେ ମେସିନ୍ ଲଗାଯାଇଥାଏ । ଏହାଦ୍ୱାରା ହେଲିକପ୍ଟରର କମ୍ପନ ସତ୍ତ୍ବେ ଏହା ସଠିକ୍ ସୂଚନା ଦେଇପାରେ ।

ଏଥିସହ ପଢ଼ନ୍ତୁ: ଗଞ୍ଜାମରେ ସୁଧୁରୁଛି ସ୍ଥିତି; ଆଜି ଆସିକାରେ ବିଦ୍ୟୁତ ସଂଯୋଗ, ନିଖୋଜଙ୍କୁ ଖୋଜାଚାଲିଛି 

ହେଲିକପ୍ଟରରେ ଲାଗିଥିବା ୟୁନିଟ୍ ଦୂରରୁ ସ୍କାନ୍ କରି ବଡ଼ ଅଞ୍ଚଳରେ ଫସି ରହିଥିବା ଲୋକଙ୍କ ଅବସ୍ଥିତି ଜାଣିବାପାରେ ବନ୍ୟା, ଭୂସ୍ଖଳନ କିମ୍ବା ଜଙ୍ଗଲରେ ନିଖୋଜଙ୍କୁ ଖୋଜିବା ପାଇଁ ଏହା ଅତ୍ୟନ୍ତ ଲାଭଦାୟକ । ରାତିରେ କିମ୍ବା ଘନ ଜଙ୍ଗଲରେ ମଧ୍ୟ ଶରୀରର ତାପମାତ୍ରାକୁ ଚିହ୍ନଟ କରିପାରେ ।ଏଥିରେ ରାଡାର୍ ଟେକ୍ନୋଲୋଜି, ଅଡିଓ ସେନ୍ସର ଏବଂ ଇନଫ୍ରାରେଡ୍ କ୍ୟାମେରା ବ୍ୟବହାର କରାଯାଇଥାଏ ।

ଲାଇଭ୍ ଡିଟେକ୍ସନ୍ ୟୁନିଟ୍ ଆଣ୍ଡ ସିଗମିକ୍ ହେଉଛି ସର୍ଚ୍ଚ ଓ ରେସ୍କ୍ୟୁ ଅପରେସନ୍ ପାଇଁ ଅତ୍ୟାଧୁନିକ ଉପକରଣ । ଏହାକୁ ସାଧରଣତଃ ନୌସେନା ଭଗ୍ନାବଶେଷରେ ଫସି ରହିଥିବା ଲୋକଙ୍କୁ ଉଦ୍ଧାର ପାଇଁ ବ୍ୟବହାର କରିଥାଏ । ଏବେ ଓଡ଼ିଶା ସରକାର ନାଭାଲ୍ ହେଲିକପ୍ଟର ସହଯୋଗରେ ଭଞ୍ଜନଗରରେ ଭୂସ୍ଖଳନ ନିଖୋଜଙ୍କୁ ଏହି ଟେକ୍ନୋଲୋଜିର ବ୍ୟବହାର କରି ଖୋଜିବେ ।

କେମିତି କାମ କରିବ ?

ଲାଇଭ୍ ଡିଟେକ୍ସନ୍ ୟୁନିଟ୍‌ରେ ମାଇକ୍ରୋ ରାଡାର, ଥର୍ମାଲ ଇମେଜିଂ ଏବଂ ଅତ୍ୟାଧୁନିକ ଲାଇଫ-ସିଗନାଲ୍ ଆଲଗୋରିଦିମ୍ ରହିଛି । ଯାହାକି ମଣିଷର ହୃଦସ୍ପନ୍ଦନ, ଚଳପ୍ରଚଳ ଓ ଶ୍ଵାସକ୍ରିୟାରୁ ମାଟି କାଦୁଅ, କଂକ୍ରିଟ ତଳେ ଫସିଥିଲେ ବି ଚିହ୍ନଟ କରିପାରିବ ।

ସେହିଭଳି ସିଗମିକ୍‌ରେ ମିଲିଟାରୀ ଗ୍ରେଡ୍ ଏୟାରବୋନ୍ କିମ୍ବା ଗ୍ରାଉଣ୍ଡ ସ୍କାନିଂ ସେସନର ରହିଛି । ଯାହାକୁ ନାଭାଲ୍ ସର୍ଚ୍ଚ ୟୁନିଟ୍ ବ୍ୟବହାର କରିଥାଏ । ଏହା ମାଧ୍ୟମରେ ନିର୍ଦ୍ଦିଷ୍ଟ କେଉଁ ସ୍ଥାନରେ ସର୍ଚ୍ଚ ଅପରେସନ୍ କିମ୍ବା ଖୋଳାଯିବ ତାହା ସ୍କାନିଂ ହୋଇଥାଏ ।