ଅର୍ଗସ ବ୍ୟୁରୋ: ମୋଦି ସରକାରଙ୍କ ଗ୍ୟାରେଣ୍ଟି ସମ୍ପର୍କରେ ଲୋକଙ୍କୁ ଅବଗତ କରାଇବା ପାଇଁ ଏବେ ଦେଶର ଗାଁ ଗାଁରେ ବୁଲୁଛି ବିକଶିତ ଭାରତ ସଂକଳ୍ପ ରଥ । ଏଥିରେ କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ସମ୍ପର୍କରେ ହିତାଧିକାରୀଙ୍କୁ ସୂଚନା ଦିଆଯାଉଛି। ଲୋକେ ବିଭିନ୍ନ ଯୋଜନାରେ ସାମିଲ ପାଇଁ ଆବେଦନ ଓ ଅଭିଯୋଗ ବି କରିପାରୁଛନ୍ତି ଏହି ରଥ ନିକଟରେ। ତା ଛଡ଼ା ଲୋକଙ୍କର ସ୍ବାସ୍ଥ୍ୟ ପରୀକ୍ଷା ବି କରାଯାଉଛି । ହେଲେ ଆଜି ଧାମନଗରରେ ଯାହା ତାହା ବିଜେଡିର ହିଂସ୍ର ଆଚରଣକୁ ପଦାରେ ପକାଇଛି ।

ଧାମନଗର ବ୍ଲକ ଚୁଡାକୁଟି ପଞ୍ଚାୟତର ମେଲଣ ପଡ଼ିଆରେ ବିକଶିତ ଭାରତ ସଂକଳ୍ପ ରଥ ଉପରେ ଆକ୍ରମଣ କରିଛନ୍ତି ବିଜେଡି ଗୁଣ୍ଡା । ଗାଡ଼ିକୁ ଭଙ୍ଗାରୁଜା କରିବା ସହ ପ୍ରଧାନମନ୍ତ୍ରୀଙ୍କ ଚିତ୍ର ଫାଡ଼ି ଦେଇଛନ୍ତି । ସଂକଳ୍ପ ରଥର କାଚ ଭାଙ୍ଗିବା ସହ ପୋଷ୍ଟର ଚିରି ଫିଙ୍ଗିଛନ୍ତି । ଏପରିକି ବିଜେଡି ଗୁଣ୍ଡାମାନେ ଅସଭ୍ୟ ଭାଷାରେ ଗାଳିଗୁଲଜ କରିବା ସହ ଘଟଣାସ୍ଥଳରେ ଆତଙ୍କ ଖେଳାଇଥିଲେ।

ଏନେଇ ବିଜେପି ବିଧାୟକ ସୂର୍ଯ୍ୟବଂଶୀ ସୂରଜ କହିଛନ୍ତି ଯେ ବିଜୁ ଜନତା ଦଳ ବିକାଶକୁ ବିରୋଧ କରୁଛି । ସାଧାରଣ ଲୋକ ନରେନ୍ଦ୍ର ମୋଦିଙ୍କର ସୁବିଧା ସୁଯୋଗ ପାଆନ୍ତୁ । ଏକଥା ବିଜୁ ଜନତା ଦଳ ଚାହୁଁନାହିଁ । ଏହା ଦଳୀୟ କାର୍ଯ୍ୟକ୍ରମ ନଥିଲା । ଏହା ସରକାରୀ କାର୍ଯ୍ୟକ୍ରମ ଥିଲା । ବିଜୁଜନତା ଦଳର କଣ ଆଭିମୁଖ୍ୟ ଏହା ସାଧାରଣ ଜନତା ଚିନ୍ତା କରିବେ ।

ମୋଦି ଗ୍ୟାରେଣ୍ଟି ରଥକୁ ନେଇ ଗାଁ ଗହଳିରେ ଲୋକଙ୍କ ଭିତରେ ପ୍ରବଳ ଆଗ୍ରହ ଦେଖିବାକୁ ମିଳୁଛି। ଏଥିରେ ଅସହିଷ୍ଣୁ ହୋଇ ବିଜେଡି ଗୁଣ୍ଡା ରଥ ଉପରେ କରିଛନ୍ତି କି ଆକ୍ରମଣ ? ମୋଦି ଗ୍ୟାରେଣ୍ଟି ରଥକୁ ନେଇ ଭୟଭୀତ କି ବିଜେଡି ? କିଛି ଏଭଳି ପ୍ରଶ୍ନ ଏବେ ସାଧାରଣରେ ପ୍ରଶ୍ନ ଉଙ୍କି ମାରୁଛି ।

ଆହୁରି ପଢନ୍ତୁ ଓଡିଶା ଖବର...

Argus News | argus news | Odisha Latest News, Breaking News, Trending News, Live TV