ନୂଆ ରୂପରେ ଆସିବ ଭୁବନେଶ୍ବର ମେଟ୍ରୋ । ମେଟ୍ରୋର ରହିଛି ଆବଶ୍ୟକତା । ଆମେ ଖାଲି ଭୁବନେଶ୍ୱର ପରିକଳ୍ପନା କରୁନୁ ଆମେ ପୁରୀ, ଭୁବେନେଶ୍ୱର ଓ କଟକକୁ ନେଇ ଟ୍ରାଇ ସିଟିର ପରିକଳ୍ପନା କରିଛୁ ବୋଲି କହିଛନ୍ତି ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ।

ସେ କହିଛନ୍ତି, ଆଗାମୀ ଦିନରେ ଭୁବେନେଶ୍ୱର, ପୁରୀ, କଟକ ଓ ପାରାଦ୍ୱୀପ ଇକୋନୋମିକାଲ ରିଜନ୍‌ ହେବ । ଏଥିରେ ସବୁ ପ୍ରକାର ଇକୋନୋମିକ୍‌ ଗ୍ରୋଥ୍‌ ହେବ । ମେଟ୍ରୋ ଯିବା ପୂର୍ବରୁ ସହରରେ ଯେଉଁ ପ୍ଲାନିଂ କରିବା କଥା ଗତ ବିଜେଡି ସରକାର କରିନଥିଲେ । ୨୪ ବର୍ଷ ସରକାରରେ ଥିଲେ ଟାଉନ ପ୍ଲାନିଂ ସ୍ଥିତି ଅଛି କି ? ଭୁବନେଶ୍ୱର ସହରରେ ଆଜି କାହିଁକି ଏ ପରିସ୍ଥିତି ସେଥିପାଇଁ ଦାୟୀ କିଏ ବୋଲି ପ୍ରଶ୍ନ କରିଛନ୍ତି ନଗର ଉନ୍ନୟନ ମନ୍ତ୍ରୀ ।

ଅଧିକ ପଢ଼ନ୍ତୁ: ସରକାରଙ୍କ ବଡ଼ ଘୋଷଣା; ପ୍ରଥମ ଥର ପାଇଁ ଓଡ଼ିଆରେ ମିଳିବ ମାଟ୍ରିକ୍ ସାର୍ଟିଫିକେଟ୍

ସେହିପରି ମନ୍ତ୍ରୀ କହିଛନ୍ତି, ଆମ ସରକାର ମେଟ୍ରୋ ବିରୁଦ୍ଧରେ ନାହୁଁ ମେଟ୍ରୋ କରିବାକୁ ଆମ ସରକାର ଚାଁହୁଛନ୍ତି । ମେଟ୍ରୋ ପ୍ରକଳ୍ପକୁ ଆମେ ବନ୍ଦ କରିନାହୁଁ । ଆମେ ଏହାକୁ ସ୍ଥଗିତ ରଖିଛୁ । ମେଟ୍ରୋ ପ୍ରକଳ୍ପ ପାଇଁ ଯାହା ପ୍ରକ୍ରିୟା ଦରକାର ଆମେ ଚାଲୁ ରଖିଛୁ । ବିକଳ୍ପ ରାସ୍ତା ନ କରି ମେଟ୍ରୋ କଲେ, ସହର ଭିତରେ ଲୋକେ ନାହିଁ ନଥିବା ଅସୁବିଧାର ସମ୍ମୁଖିନ ହେବେ । ଏବେ ବିନା ମେଟ୍ରୋରେ ଯଦି ଏଭଳି ଟ୍ରାଫିକ୍‌ ଜାମ୍‌ ହେଉଛି, ବର୍ଷ ବର୍ଷ ଧରି ମେଟ୍ରୋ କାମ ଚାଲିଥିଲେ କ'ଣ ହୋଇଥାନ୍ତା । ମେଟ୍ରୋ କରିବା ପାଇଁ ବିକଳ୍ପ ରାସ୍ତାର ଆବଶ୍ୟକ । ଆମକୁ କେନ୍ଦ୍ର ସରକାରଙ୍କ ସହାୟତା ଓ ଟେକ୍ନୋଲୋଜିକୁ ଗ୍ରହଣ କରିବାର ଅଛି ବୋଲି ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର କହିଛନ୍ତି ।